وعليكم السلام
نعم فيها مخاطرة من وجهة نظري
خذ معك 500 - 1000 دولار كاش ، حوّل نصفه أو ثلثه للعملة الإندونسية (فراطه) أول ما توصل مطار جاكرتا لزوم المصاريف النثرية
أما باقي ال 4000 دولار فقسمه بين بطاقة الفيزا وبطاقة السحب البنكية من حسابك

طلعت تقريبا قبل سنه
وكان معي حول 6 الاف دولار
0خليتها في الفيزا للفنادق والاسواق
والباقي 2000 معي و 2000 مع زوجتي
اول ماوصلت حطيتها في السفتي بوكس ( تأكد ان السفتي مثبت بقوه في الجدار والفندق يكون معروف )
كان وصولي في النهار وكنت ماخذ شنطه تربط في الوسط والكتف ومااخليها طارفه ابدا ولا احد ينتبه لها وسط جاكيت

الله يعطيكم العافيه جميعا
المسأله ان الواحد يبي يستانس ولا يبي يشيل هم الفلوس لا تنسرق والا شي من هالقبيل
الحزام والحوسه هذي تقول رايح للحج ما نبيها
على طاري الفيزا -- هل الاماكن كلها متوفر فيها الدفع بالفيزا؟
اقصد الفلل و المنتجعات لان الاسواق اكيد بيكون فيها مو!!

هلا أبو منصور
كان معانا ما يقارب 26 الف
ابويا وزعها معايا 4 الاف والوالده 4 الاف ريال
وخلا معاه الفين تم صرفها الي ربيه والباقي مع الجوازات وتذاكر السفر بمكتب الامانات ريح راسه مره
بس للمعلوميه كنا مستقرين ببنشاك وننزل جاكرتا بنفس اليوم ونرجع وبقور كمان بنفس اليوم

مع احترامي للجميع
مين اللي يفكر يشيل 5000 دولار في جيبه
العالم تطورت
فيزا وبطاقات صرف
الله لو شلتها معك بتقعد على أعصابك وممكن تنسرق بسهولة وبعدها مين بيعوضك

اوروبا ليست كاندونيسيا يازمان
كل مكان به فيزا

محمد ابو منصور
كل مكان به فيزا
اتفق معك اخى العزيز ان الامان فى اندنوسيا اعلى بكثير من اوربا او دول امريكا
فى اندنوسيا لو تشيل اى مبلغ كبير ويشوفوه الناس معك مافيه احد يقدر يعتدى عليك وياخذه منك غصب او بالقوه وهذه ولله الحمد ميزه فى اندنوسيا ولكنهم مبدعون جدا فى الاستغلال يعنى يسرقك بارادتك
ولكن الى يقصده اخونا العزيز هو ان حمل الكاش متعب نفسيا وتقعد شايل هم لو يضيع منك او ينسرق ومتعب ايضا عند الصرافه للبحث عن افضل محل من ناحيه السعر اظافه الى ماقد تتعرض له من محاوله للتلاعب اثناء الصرافه اى انهم يعطوك المبلغ ناقص على الرغم انهم يعدوه قدام عينك ورقه ورقه فلازم انك تعد وراهم زين وتكون مفتح
انا افضل استخدام الفيزا والصراف فهى مقبوله فى كل الاماكن وخاصه الفيزا
كذلك لا يمنع من حمل مبلغ مالى ووضعه فى صندوق الامانات بس لازم يكون الفندق كبير ومعروف

اخي محمد انا مااقصد طول الرحله تكون معك
تكون معك في الشنطه الين توصل بأذن الله للفندق وبعدها السفتي بوكس يقوم بالواجب
تحياتي