aboazooz321
6-New Kuta Condotel, Bali
وكذلك طلب أخر
وهو أين أفضل محل يصرف لي دورلارات بجدة

وعليكم السلام ورحمة الله وبركاتة
لي فتره طويله ما دخلت هذي البوابه ( ما أستحمل مشاهدة الصور والذكريات الجميله )
وإن شاء الله أفيدك بلي أقدر عليه
أولاً اصرف دولارات من البلد في جده
بنسبه للفنادق بعطيك معلومه وبعدها اختار فنددق
تبي الراحه والهدوء وبعيد عن الإزعاج مع نوع من الفخامه في الفنادق
نشن على منطقة نوسا دوا http://mapsbali.com/areas/nusadua.php وأختر الفندق المناسب لك
كوتا منطقه ( شبابيه ) لذلك اختر في محيط هذي المنطقه الفندق المناسب
في كوتا شارع لقيان طيب بس ما أنصحك تسكن فيه ( الشارع الموجود في وسط الخريطه )
نصيحتي المتواضعه لك
إذا بتسكن اختر فندق يكون على شارع كارتيكا بلازا jalan kartika plaza
يقع هذا الشارع في منطقة TUBAN وهي متداخله مع كوتا لدرجة البعض لا يذكرها ويقول كوتا
وتراه مو بعيد عن شارع لقيان ( إذا شديت حيلك تروح مشي لكن التكاسي أريح وأرخص )
في هذا الشارع جميع الخدمات وجميع أصناف الفنادق من الغالي والرخيص
تبي تعرف موقعه عشان تختار فندق شوف هذي الخريطه ( والخريطه مفصله فيها جميع الخدمات )
الشارع موجود اسفل الخريطه على اليسار ( يقع علي نفس الشارع مجمع دسكفري التجاري )
سجل أسماء الفنادق الموجوده على نفس الشارع وتخير المناسب لك من جميع النواحي
صحيح إن كثير من الفنادق ما تفتح على الشاطئ مباشره لكن يكفيك موقعه
سلام

< سواح >
يعطيك الأف عافية أخوي سواح وفعلا إنك متألق
صراحه ما فتحت الموقع إلا الحين لأني فقدت الأمل
إن احد يرد علي وتوكلت على الله وحجزت في فندق
Lavender Luxury Resort & Spa
طبعا مكتوب أن موقعه في Kuta - Tuban
بس للأصف ما لقيته على الخريطة
شكله ضاع وسط الزحمة
مدري أخوي سواح إذا لك خلفية عن الفندق
وخدماته وكذلك موقعه
وشاكر لك تفاعلك

سندي محضار
يعطيك العافية
وربي يسر أمور الجميع إن شاء الله

https://artravelers.com
انت من فين تجيب مثل هذي الفنادق
والله يا خوك أول مره يمر على هذا الفندق !!!
لكن بعد البحث عن موقعه تبين لي إنه لا يصلحلي ولا يصلحلك إننا نسكن فيه
شوف موقع

طيب ارجع للخريطه إلي في الرد السابق
وأمشي من أسفل الخريطه مع الطريق إلي في أقصى اليمين jl By pass Ngurah Rai
حتي توصل على اليمين عند دائره حمراء بعد الدائرتين الخضر
أنتقل للجهه الثانيه من الطريق
حول الدائره الصفراء إلي مكتوب عليها SATRIA هناك موقع الفندق
الموقع بعيد عن شاطئ كوتا وتحتاج سياره في كل مره تبي تروح هناك
وأغلب السياح يختارون الفنادق القريبه من الشاطئ
ما تسوي شيئ بالي بدون شواطيها
حاول إنك تلغي حجزك في ذا المكان
ومعلومه
بالي ليست مثل بقية مدن اندونيسيا بالنسبه لحجز الفنادق
في بالي حدد الفندق إلي تبيه من الإنترنت وحاول تشوف اسعاره
وإذا وصلت بالي تروح تشوف الفندق بنفسك وإذا اعجبك الفندق
ا ستاجر عن طرق الفندق مباشره
لأن كثير من الفنادق في بالي تتفرج فيها على الإنرنت وتقول ياسلام هذا هو المناسب
لكن يوم تروح هناك تنصدم
سلام

يعطيك العافية أخوي سواح على التنبية
وفعلا المكان المناسب هو الاهم في إختيار الفندق
هل من الممكن تخدمني وترشح لي فنادق جيدة
وسعرها مناسب وياليت تكون قريبة من الخدمات
وشكار لك تفانيك في مساعدتي

هلا ابو عزوز
Harris Hotel & Residences Riverview - Kuta
هذي شقق فندقية سكنت فيها قبل ايام جيدة جدا ... تبعد 10 دقايق مشي من شارع لقيان وشاطئ كوتا
وانا اخترتها لاني مالقيت حجوزات فنادق على الشاطئ