badoory
كل سنة وانت طيب وتروح وترجع بالسلامة
فندق شيراتون القاهرة مناسب للعوائل....وهو برجين نفرتيتي وكيلوباترا..... اسكن في برج نفرتيتي لانه جديد واثاثه احدث وموقعه على النيل جدا ممتاز
هذا رابط يفيدك عن الفندق
https://artravelers.com
المصاريف اليومية تعتمد على حسب نوع صرفك والاماكن اللي تحب ترتادها....وهل تفضل سيارة خاصة او تستخدم التاكسي...بشكل عام مطاعم مصر والمنتزهات اسعارها معقولة والتكاسي جدا رخيصة...لكن السهرات والسيارة الخاصة هي اللي تكلفك
بما انك ستسافر في بداية يناير يعني في العيد... يكون متوسط الصرف من 100 الى 150 دولار في اليوم بدون سكن او سيارة خاصة او سهرات ...فقط مطاعم ومنتزهات ومتاحف وحدائق وتكاسي وسينما
هذا الرابط فيه برامج للعيد اعددته لاحد الاخوات
https://artravelers.com
المدينة الاعلامية في 6 اكتوبر عبارة عن استديوهات تصوير المسلسلات والافلام المصرية.... اعتقد انها مكان مثير وممتع لان نزره...على الاقل من باب العلم بالشئ
في بداية يناير يكون الجو بارد جدا يعني شتاء قارص ههه خذ احتياطك من الملابس الشتوية
ملحوظة: في الرابطين اعلاه ستجد روابط اخرى في ردودي جدا مفيدة

عليكم ورحمة الله و بركاته
مساكم الله بالخير ... حبيت أسألكم كم سؤال ياليت تجاوبوني
1- فندق شيراتون القاهرة وش رايكم فيه ينفع للعوائل ؟ و كيف أثاثه ؟ و هل موقعه جيد ( على النيل ) ؟ .
2- كم تتوقعون المصاريف اليومية للتمشية لشخصين ؟.
3- انا جالس بمصر 10 أيام ممكن تفيدوني بجدول يومي بحيث يكون كل يوم ازور أكثر من موقع متقربين ؟
4- انا سمعت عن المدينة الإعلامية هل تنصحون بزيارتها ؟و وش فيه؟.
5- انا مسافر في بداية يناير هل الجو بارد و الا معتدل ؟
اسئلتي كثيرة بس صدورك أن شاءالله أرحب .
شاكراَ لكم مقدما َأجابتكم.....
و جزاكم الله كل خير.
اهلين وسهلين اخوي بدوري
بخصوص فندق شيراتون القاهره انا سكنت فيه حلو وانيق ومرتب ويطل على النيل وقريب للشارع الرئيسي
وبخصوص المصاريف اليومية تقريباً 500 ريال شاملة التكاسي والمطاعم وبعض الرحلات والبخشيش بعد
وبخصوص مدينه الإنتاج الإعلامي حلوة وزي ماقالت اختنا كراميلا حلو انك تروح وتتعرف على اماكن تصوير الأفلام والمسلسلات ومدينه الإنتاج الإعلامي في وسط ملاهي....ولما تدخل الملاهي يعطونك تذكره لدخول عروض الدلافين وجولة في مدينه الإنتاج الإعلامي وكم تذكره عشان تلعب فيها...
وبخصوص الطقس اسمحلي ما أقدر افيدك.....لكن الغالب ان الجو بارد
وبخصوص الأماكن اللي تروح لها عندك :
بالنسبة للمطاعم :
مطعم بلانيت افريقيا planet africa شارع 94 عثمان بن عفان ميدان تريامف مصر الجديده.
مطعم السوليدير يبعد 20 كلم عن القاهره.
مطعم فلفلة في المروطيه وعلى فكرة ترى المطعم هذا بس غداء.
وفيه مطعمين في حديقة الأزهر.
وفيه مطعم في حديقة فندق ماريوت جداً حلوه.
والمطاعم السريعة....ومطاعم الفنادق حلوة ونظيفة.
بخصوص الكافيات كثيرة :
بتلقاها على النيل كثيره....أنا بصراحة افضل فرايديز وعندك خان الخليلي في مجمع سيتي ستارز في الدور الرابع على ما أظن.
بخصوص التمشيات :
عندك السفينه الفرعونيه.
القرية الفرعونيه.
كرداسة....فيه جلابيات حلوة ورخيصة وقريب من مطعم فلفلة في المروطيه.
شارع طلعت حرب فيه شنط وجزم وانت بكرامه رخيصة جداً.
برج القاهره حلو وفيه مطعم.
عندك شارع جامعة الدول العربيه تتمشى فيه حلو اسواق ومطاعم.
عندك قهوه العمده في شارع جامعة الدول العربيه.
عندك خان الخليلي ....حلوة مرة وممتعة ....عبارة عن حارة قديمة
عندك على النيل تقدر تاخذ قارب صغير ياخذك جولة على النيل ...وفيه حنطور(عربه) ياخذك جولة على النيل.
وعندك سفينه جراند حياة حلوة وفخمة مع وجبه غداء او عشاء.
بخصوص المجمعات :
عندك مجمع اركيديا.
وعندك مجمع جنينه مول.
وعندك مجمع سيتي ستارز ... وهذا افخم واكبر واحلى مجمع في القاهره...
هذا اللي في اتذكره . . .
اتمنى اني افدتك...

شكرا يا اخت كرميلا كفيتي ووفيتي وما خليتينا نقدر نظيف اي حاجه يا سلام عليكي خبيره درجة اولى
ونقول للآخ تروح بالسلامه واجازه سعيده وراح تسمع احلى كلام واحلى استقبال من هل مصر

الاخوان ماقصروا الشيراتون رائع

بصراحة ما أنصح أبداً تنزل مصر فى شهر يناير صدقنى الجو بيكون بارد جداً وماراح تستمتع أقل شى إستنى لمارس .

شاهين العرب
ما نستغني عنك يا شاهين العرب ابدا :36_1_1:
https://artravelers.com

كراميلا
الاخت كراميلا انا كمان اشكر الاخ شاهين على جهوده ومواضيعه ومساهماته اللطيفه
شاهين العرب

ما شالله عليكم وعلى تعاونكم والف شكر للاخت كراميلا فعلا دائما متعاونه ومثل ماقال عضونا الرائع شاهين العرب كفيتي ووفيتي وانا اقول لكم بارك الله فيكم جميعا

مساكم الله بالخير
وكل عام وانتم بخير وتقبل الله منا ومنكم صالح الإعمال
أشكر الجميع وما اقول الا جعها الله في ميزان حسناتكم .
بدر