mns506
08-05-2022 - 06:28 pm
اخواني واخواتي
اخوكم قرر يسافر مصر والقاهره بالتحديد لمدة اسبوع فقط بعد العيد مع المدام ولاول مره بس عندي كم استفسار واتمنى انكم ماتقصرون معاي
بما انا غرض السفر هو اولا التسوق وثانيا التمشيه وزيارة الامكان الي تستحق الزيارة فأسألتي كالاتي
بالنسبة للسكن ابي فندق 4 نجوم او 5 نجوم ويفضل ال5 نجوم ويكون موقعه ممتازه وقريب من الاسواق
شنو المولات والمجمعات التجاريه الي تنصحوني اروح لها بالقاهره ابي كل اسامي المولات
ابي الاسواق ومحلات الملابس الرجالية والنسائيه بالقاهره لغرض التسوق بالجملة غير الي موجوده بالمولات
كم مصروف الفرد باليوم الواحد بالنسبه للمواصلات والاكل والتمشية فقط.
سمعت من احد الاصدقاء انه هناك اماكن لاتصلح للعائلات فهل هذا الموضوع صحيح وان وجدت فياريت تنبهوني عشان نبعتد عنها
ادري زودتها بس اتمنى انكم تساعدوني وشاكر لكم جهودكم
بالنسبة للسكن ابي فندق 4 نجوم او 5 نجوم ويفضل ال5 نجوم ويكون موقعه ممتازه وقريب من الاسواق
أرجح لك أنتركونتننتال .. هوليدي إن .. 5 نجوم وملاصقه لأكبر مول فيكي يا مصر مول ستي ستارز..
مولات القاهرة ..
طبعاً ..ستي ستارز
جنينه مول
داندي مول
طيبه مول
أركاديا مول .. متنوعه ومناسبه لشراء بالجمله
التاورز مول ... محلات قليله
فرست مول .. محلات قليله وغاليه جداً
محلات متنوعه على الشارع ... التوحيد والنور ... عنده ملابس للرجال ومتنوعه وتحصله بشارع جامعة الدول وله فرع ثاني
بس مش فاكره وين بظبط.
فيه محلات عمر أفندي ..
المصروف يختلف من شخص لثاني بحسب وين راح تروح ونوع المطاعم الي راح تاكل فيها والمواصلات حسب قرب وبعد المشوار ... أغلى شيء كنا ندفعه لتاكسي كان من الزمالك لمدينة نصر (ستي ستارز) وكانت 30 ومرات 50 جنيه وحسب الوقت و سائق التاكسي .. اما من الزمالك للمهندسين 15 أو 10 ومن دون مكاسر.. في مصر عليك بالمكاسر بكل شيء.
فيه سفن او بواخر على النيل منها تمشي ومنها ثابت فيه مجموعة مطاعم مثل باخرة السرايا .. وهذي عاديه وما فيها أي شيء سيء ..
أحلى كشري هو كشري أبو طارق وكل التاكاسي يعرفونه ..
هذا الي أقدر أفيدك فيه .. وأفضل شوف هذا الموضوع يمكن تلاقي فيه مبتغاك
https://artravelers.com/p/re/316261
رحله موفقه