السلام عليكم ورحمة الله وبركاته ..
انا اطلعت تقريبا على كل التقارير بكمل سنه وانا اتصفح هالقسم
حفظت اندونيسيا من كثر ما تابعت هالقسم كاني رحت وجيت ..
بس والله كل شي عندي ملخبط .. من كثر ما تابعت تقارير
الموهم ان شاء الله سفرتي راح تكون في شوال ..(14 يوم ويمكن تزيد جاكرتا الجبل بوقور باندونق لمبانق وارجع جاكرتا )
على اساس كانت 5 العيد بس احتمال تتأجل والسبب (قريت بالمنتدى ان الاسعار تكون نار )
ومحتاره بصراحه احجز على 5 العيد والا 13
ثاني شي انا عندي دفتر كاتبه فيه كل شي فنادق اسواق ومطاعم
بس ماني عارفه شلون ارتب وضعي وربي احس اني ضايعه ..
الحين محتاره اول ما اوصل جاكرتا احجز بفندق واجلس يوم احول مبلغ واشتري شريحه
وبعدها اطلع للجبل والا اول ما اوصل اطلع للجبل ..لو كان اجازه راح اجلس يوم بجاكرتا مافيها كلام
ثالث شي انا شفت في تقرير عن الجبل فيلا مره خقيت عندها
مناظر حواليها روعه وفيها مسبح وفيها جلسة للشوي بالحديقه < ابي مثلها شلون افرفر بالجبل والا كيف ؟
رابع شي بوقور اطلع لها من الجبل وارجع في نفس اليوم اولا اسكن فيها < تستاهل اني اسكن فيها والا لا
وبعد لمبانق اسكن فيها والا لا واذا اسكن تستاهل كم يوم ..؟ وش افضل فنادقها والا فلل والا وش ؟؟؟
خامس شي ياليت ترتبون لي جدول محترم للترفيه ..
انتوا طبعا خبره بقرب الاماكن من بعض (مثلا اول يوم ازور وين ووين ووين بجاكرتا والجبل وباندونق وبوقور ..)
علشان ما اضيع اليوم على الفاضي اروح لشي بالشمال والثاني باليمين ..
جزيره بوتري تستاهل اني اطلع لها .. والا في جزيره احل منها ..؟
تكفون اي شي تعرفونه زين دلوني عليه مابي اروح على عمايا ..
وكم سعر السواق من جاكرتا للجبل ..
وكم ادفع له بالجبل باليوم طبعا
وكم سعر السواق من الجبل لباندونق ..
واطلع من باندونق لجاكرتا قطار افضل صح
بليز افضل الشقق الفندقيه باجاكرتا .. وباندونق وبوقور ..
وافضل الفندق والا الشقق الفندقيه ..؟
آسفه كثرت الاسئله جاوبوا بلي تقدرون عليه ..
وترى باقي عندي اسئله كثير
والله محتاجه لمساعدتكم تكفون لاتطنشون ...