مرحبا
بالنسبة لكيف توصل هالاماكن فالموضوع سهل
وعليك انك تحدد الطريقة اللي تحب ممكن تستخدم الاندرقراوند او الباصات
وانا استخدمت الاندرقرواند لانه اسهل
عموما ممكن تطلع على موضوع المشرف القدير موادع:
https://artravelers.com/p/re/205821">https://artravelers.com/p/re/205821
او تحمل هذا البرنامج على الايفون كما اشار الاخ الكريم في الموضوع على الرابط :
https://artravelers.com/p/re/626172">https://artravelers.com/p/re/626172
طبعا لندن فيها اماكن كثيره ممكن تضيفها لقائمتك
وهذا جدول كامل ومرتب من سعادة المشرف
https://artravelers.com
ضف الى قائمتك الهايد بارك والريجنت بارك
ومحتخسر شي
برضو لاتنسى لندن اي ومتحف الشمع
اتمنى اني افدتك ورحلة سعيدة مقدما

1. صلون ان شارع كله بوتيكات وماركات عالميه


2. البيكاديلي :

التنقل والموصلات في لندن اندرجراوند او الباص
الدليل الشامل لاستخدام تذاكر قطارات الانفاق والباصات في لندن https://artravelers.com
بطاقه اوستر مهمه جدا وسعرها معقول وارخص بكثير من التكسي وتاخذونها من المحطات
الاماكن السياحيه بلندن:

• الباص السياحي وفكرته راح يوديك اهم مناطق ومعالم لندن وتنزلي فيها وترجعي تركبي باص ثاني بنفس التذكره

راح ينزل في قصرباكينجهام بالاس لايطوفكم الساعه 10 صباحا يوميا تبديل الحرس عرض رائع جدا وراح يمر باماكن مهمه مثل ماربل ارش والاكسفورد والبيكاديلي وساحه الترالفلجار راح اتكلم عنها بعدين...

• متحف الشمع (مدام توسو) جميل جدا وفيه اشهر شخصيات هوليود واللاعبين وسينما ثري دي ولعبه تكسي لندن ممتع جدا ..وبالقرب منه الريجنت بارك حديقه كبيره وهي جزء من الهايد بارك فيها بحيره وطيور وبط وسناجب
• زيارد لندن أي والبق بن والاكواريوم(عالم البحار) ولندن دينقون (بيت الرعب) لو لك بالاكشن وكلها جنب بعض ع ضفاف نهر التايمز وممكن تاخذون جوله نهريه وتشوفون لندن بريدج (جسر لندن )
• الاوت لت :بسترفلج تبعد عن لندن ساعه ونص قريه رائعه الاسعار فيها اروع ماركات عالميه مخفضه

التسوق بلندن :
الاكسفورد وفيه 3 مولات كل مول من 5 طوابق وهي :

• دبنهامز
• سيلفرج في منصف الاكسفورد
• جون لويس

ومحلات ع اليمين واليسار وينتهي الشارع بوجود رجينت ستريت فيه محلات ماركات من اهمها محلات هامليز للاطفال 5 طوابق
في الاكسفورد محل رخيص وعجيب جدا وفي كل شي والاسعار يابلاش اسمه برايماك اول الاكسفورد مشكلته :دايم زحمه
شوارع التسوق بلندن :

• نيو واولد بوند ستريت
• النايتسبريدج واللي فيه الهارودز والهارفي نيكولز

الهارودز :
مول مكون من 7 طوابق واحد منها تحت الارض في منتهى الخيال وكل شي متوفر فيه من ماركات عالميه وجلديات وملابس اطفال ورجال ونساء وتحف ومستلزمات منزل ومحل هدايا وصاله مأكولات رائعه جدا
الهارفي نيكولز :
بالقرب من الهارودز بنفس الشارع منطقه النايسبريدج من اجمل وارقي مناطق برتش والاغنى بالعالم فيها مطاعم وكافيات ومحلات تجاريه ع امتداد الشارع

صلون ان شارع كله بوتيكات وماركات عالميه

البيكاديلي :

مجمع سوق التروكاديرو معلم سياحي وكل الخليجين تلاقينهم هناك والبيكاديلي منطقه مزدحمه بالسياح فيها مطاعم وكافيات واستعراضات ورسامين وساحه ترافلجار والنافوره ومتحف صدق اولاتصدق اسمه بالانجلش (بيلفت اور نوت) فيه اشياء غريبه وصور
ومحلات ام امز وعلى امتداد البيكاديلي شارع الريجنت المعروف بالماركات والي ذكرنا فيه محلات هامليز للاطفال 5 طوابق
مانصح بزياره البيكاديلي ليلا لكثره السكارا فيها
الهايد بارك :
حديقه رائعه وخلابه فيها البحيره والكافيات والطيور والبط والسناجب كبيره جدا
شارع العرب الاجول رود:
لا انصح زياره لانه من وجهه نظري شارع النصب من يشوفون عربي نهبوة وغير الشاحذين والنشالين بهالشارع
فيه بقالات عربيه ومطاعم عربيه وكله عرب بعرب وغاليه
كوفنت قاردن :
عباره عن اسواق ومطاعم وسوق صيني واقرب محطه هي كوفنت قاردن
ملاحظه :البيكاديلي والحي الصيني وكوفنت قاردن جنب بعض ممكن يكونوا بيوم لحاله
سوق السبت والاحد:
سوق السبت اسمه بورتبلو رود ماركيت في محطه نوتينج هيل
وسوق الاحد اثنين وهما:
بريك لين ماركيت في محطه ليفربوب ستريت
الثاني في كامدن تاون واسمه كامدن تاون ماركيت
الالعاب الترفيهيه :
التون تاور و الثورب بارك
https://artravelers.com/p/re/112261/
متاحف لندن :
مطاعم لندن :
المطاعم منتشرع بكثره ومكتوب عليها حلال
شارع العرب كله مطاعم
الكوينزوي فيه مطعم هندي اسمه خان واسعاره رائعه جدا وله فروع بس ماني فاكره وين بالضبط
والفاست فود زي صب وي وماكدونالدز وبيتزا في كل مكان منتشره
اهم مطاعم لندن مطله ع اجمل المناظر :
منطقه البحيرات :
طبيعه خلابه للريف الانجليزي من محطه استوك الى وندرمير
ونصيحه :
التاكسي غالي جدا
اطبعي الروابط بورق وقبل النوم كل ليله بالاوتيل اقري بالورق وحددي وين بتروحين
الخريطه مهمه جدا وسهله جدا ومتوفره في جميع المحطات
ورحله ممتعه
هذا اللي يحضرني واي سؤال انا حاضره

أولا: مشكورين على تعاونكم معي والله يسهل عليكم أموركم
ثانيا: حبيت أستفسر عن السكن
ماهي المنطقة اللي اسكن فيها بحيث اني اقدر ازور أغلب معالم لندن منها بدون ما أغير الفندق
وياليت الفندق يكون جيد للسكن ويكون ثلاث أو أربع نجوم وياليت تفيدوني بالطريقة الأفضل والأقل تكلفة للوصول للفندق
وإن شاء الله بيكون اليوم الأول مخصص للباص السياحي حتى نتعرف على أجمل معالم لندن
وسؤالي هو هل من الأفضل اني أشتري تذكرة مفتوحة عن طريق النت أو أشتري التذكرة من عند محطة الباص ؟ وهل محطات الباص معروفة والا فيه تعب عشان اوصل للمحطة ؟ ياليت تختارون لي فندق مناسب وطريقة سهلة للوصول لمحطة الباصات السياحية
أما بالنسبة لليوم الثاني فقررت اني أزور (نهر التايمز)
لكن سؤالي هل بإمكاني زيارة (نهر التايمز) و (عين لندن) و (الأكواريوم) و (متحف الشمع) بيوم واحد وهل هي قريبة من بعض ؟ إذا كان الجواب (لا) ياليت تقسمونها لي على يومين أو ثلاثة وبحيث اني استمتع بكامل اليوم

أفضل منطقة للسكن .. هي حول الهايد بارك .. هي أفضل مكان للسكن ولزيارة الأماكن السياحة
فكل الاماكن عادة تكون قريبة من هالمكان ..
وعموماً عندك الأندر قراوند استخدمه وين ما تبي لانه مريح جداً ولا راح يكون فيه شيء بعيد عنك طالما معك تذاكر الأندر قراوند ..
وأنا عن نفسي كنت ساكن في Marylebone Inn وكان بيني وبين متحف الشمع إشارتين فقط ! وهذا موقعه في الخريطة W1U 6JX في قوقل ماب .. وبجانب الفندق بتحصل محطة للباص السياحة .. وأنت متجه لمتحف الشمع ..
وكان جنبي الريجنت بارك و متحف الشمع ومحطة بيكر على الخط البني والهايد بارك مو بعيدة عني وشارع اكسفورد .. يعني كان موقعي ممتاز بحكم اننا شباب ..
والبيكاديلي بالأندر قراوند وبرضه التايمز واللندن آي و بيج بين كنت أروح لها بالأندر قراوند ..
عموماً لازم تحدد أنت الأشياء اللي بتروح لها وتطلع العناوين لها وتشوفها بالخريطة ومن خلالها تعرف السكن المناسب لك حول هالمناطق اللي تبيها ..
أشوفك حاط الأكواريوم في الجدول .. أنا داخله الخميس الماضي .. وبصراحة تحسفت اني دخلته .. لانه ما أعجبني أبد .. مثله مثل الاكواريوم اللي في الكويت واللي في الشرقية لكن الفرق انه فيه أنواع أكثر من الاسماك .. بس ! ويفتح 10.30 ويقفل 5 بالويك داي ويقفل 6 بالويك اند إذا ما نسيت .
بالنسبة لسؤالك عن إمكانية زيارة نهر التاميز وعين لندن و الاكواريوم و متحف الشمع بيوم واحد .. يمديك تزور أكثر إذا كنت تقوم بدري ..
متحف الشمع يفتح 9 ويقفل 5 بالويك داي ويقفل 6 بالويك اند .. فلذلك أنصحك بالجدول التالي :
تصحى 9 وتفطر وتتوجه للمتحف 10
ونصيحتي طلع التذكرة من النت أريح لك من الطابور .. لأنه أقل شيء ممكن توقف تنتظر تقص التذكرة نص ساعة إذا كان غير موسم .. ومتحف الشمع احسب حساب ساعتين أقل شيء
بعدها تطلع لمحطة Baker Street ( قدام متحف الشمع ) وتنزل بالأندر قراوند وتتجه لمحطة Westminster بالخط الأزرق إذا ماني واهم وتبدل في محطة القاطع بين البني والأزرق
وتنزل من هالمحطة وتتوجه للبيج بين واللندن آي والأكواريوم ..
اللندن آي مدته نصف ساعة من تركب لين تنزل ..
لكن تذكرتها خذها من متحف الشمع أو من النت .. حتى ما تنتظر بالطابور ..
وكذلك الأكواريوم إذا جزمت تروح لها
الأكواريوم بتكون مدته ساعة بالكثير !
فلذلك كلها على بعضها بتكون
ساعتين متحف الشمع
نصف ساعة لندن آي وخلنا نعتبرها ساعة احتياطاً !
الاكواريوم ساعة
التايمز إذا بتركب قارب برضه طلعها مع حقت متحف الشمع ) بكج يعني واحسب حساب ساعة
يعني كلها على بعضها
5 إلى 6 ساعات ..
والنهار هناك طويل وابدأ باللي يقفل بدري مثل متحف الشمع والاكواريون .. عين لندن تفتح لين 9 الظاهر .. ف يمديك تلف الأماكن هذه كلها بيوم واحد ..

شكرا لك أخي (ون بيس) أثريتني جدا بمعلوماتك
حبيت أسألك أكثر عن شراء التذاكر عن طريق الانتر نت ذكرت ذكرت لي انها أريح بكثير من الطوابير إذا عندك مواقعهم على النت ياليت تفيدني
وإذا ماعندك بشتري التذاكر من متحف الشمع
وللأمانة الفندق جدا جدا ممتاز حبيت أسألك عن طريقة الوصول من المطار إلى الفندق
بعدها تطلع لمحطة Baker Street ( قدام متحف الشمع ) وتنزل بالأندر قراوند وتتجه لمحطة Westminster بالخط الأزرق إذا ماني واهم وتبدل في محطة القاطع بين البني والأزرق
وتنزل من هالمحطة وتتوجه للبيج بين واللندن آي والأكواريوم ..
وللأسف النقطة هذي مافهمتها من كلامك إذا تقدر توضح لي أكثر عن كيفية الوصول من محطة بيكر إلى اللندن أي بكون لك من الشاكرين

maistro 21
حبيت أسألك أكثر عن شراء التذاكر عن طريق الانتر نت ذكرت ذكرت لي انها أريح بكثير من الطوابير إذا عندك مواقعهم على النت ياليت تفيدني
وإذا ماعندك بشتري التذاكر من متحف الشمع
وللأمانة الفندق جدا جدا ممتاز حبيت أسألك عن طريقة الوصول من المطار إلى الفندق
وللأسف النقطة هذي مافهمتها من كلامك إذا تقدر توضح لي أكثر عن كيفية الوصول من محطة بيكر إلى اللندن أي بكون لك من الشاكرين
العفو أخوي .. حيّاك ولا تنسانا من دعواتك
بالنسبة للتذاكر تقدر تشتريها من موقع متحف الشمع .. من هالموقع
http://www.madametussauds.com/London/BuyTickets/Default.aspx
وخذ منه البكج اللي ذكرته لك من الموقع كذلك ..
الفندق بالنسبة لي كان ممتاز
وان شاء الله يعجبك إذا نويت تسكن فيه
أولاً افتح هالصورة
http://www.tfl.gov.uk/assets/downloads/standard-tube-map.pdf
أول ما تنزل من المطار اسأل عن الأندر قراوند وتوجه له
ثم رح لشباك التذاكر وقص تذكرة يوم واحد إذا كنت واصل الصباح أوفر لك
المهم لما تفتح الصورة أنت بتكون في مطار هيثرو اللي هو الخط الأزرق اللي اسمه Piccadilly
شف آخر الخط الأزرق من جهة اليسار تحت
بتحصل باللون الأزرق مكتوب فيه ( هيثرو) هذه هي منطقة الاندر قراوند في مطار هيثرو
لما تقص التذكرة من نفس الشباك اطلب منهم انك بتروح لمحطة Baker Street اللي هي باللون البني
راح تركب هالأندرقراوند من مطار هيثروا لين توصل لمحطة Piccadilly Circus اللي هي تتقاطع ما بين الأزرق و البني
تنزل من القطار اللي أنت فيه
وتركب قطار ثاني من القطارات اللي في المسار البني وراح تحصل لوحات ارشادية .. وإذا وصلت للمحطة بتحصل موظفين هناك ممكن تسألهم انك تبي محطة Baker Street
وراح يفيدونك بالطريق اللي تروح له .. لما توصل للمطحة هذه ... تنزل وتطلع من المحطة لما تطلع تماماً من عند المحطة رح يكون الفندق قريب جداً منك
ما عليك إلا انك تطلعها من الماب أفضل شيء وأسرع لك.
باختصار
الأندر قراوند هو عبارة عن لغز سهل جداً .. تفك اللغز تمشي أمورك زي العسل لأنه ممتع
كأنك تلعب متاهات ههه
لكنه سهل

انا سمعت عن سفن سياحيه بالتايمز كيف نركبها بليز

c.u.later
الموضوع بسيط ع ضفاف النهر في كثير شركات توجهه لها وخذ لك تكت بس