خريطة الطرق والاماكن السياحية هنا http://www.byebyelondon.com/bbl/ss_londonmap.php
خريطة الاندر قراوند هنا http://www.tfl.gov.uk/assets/images/general/mapt-tube-standard-colourmap.gif

abo_s300d
السلام عليكم
اخي السؤال الاول يمكن يقدر يجاوبك عليه المهتمين بالرياضه
بالنسبه لمحل الالعاب فاسمه الهامليز ويقع في الريجنت ستريت، الشارع هذا تقدر توصله لما تتمشى باكسفورد باتجاه الشرق الى ان تصل لمحطة اكسفور للاندرقراوند عندها تلف يمين. تمشي مسافة خمس الى عشر دقايق بالشارع هذا وتحصل المحل على يديك اليسار. طبعا تقدر توصل لهذا الشارع او المحل المطلوب عن طريق الباصات 94، 159، 23، 15.
اما من ناحية الجو فهو غيم ومطر وبرد شوي يعني تحتاج ملابس صيفيه مع جاكيت خفيف واقي من المطر.
الاخت ارياف اعطتك اللنك حق الخرايط واذا تبي خرايط ورقيه تقدر تحصلها من الفنادق او من الانفورميشن سنتر بالمطار او جنب الباكاديلي.
توصل بالسلامه

ماقصروا الاخوان ....
وبخصوص محل هامليز احب اقولك لاتشتري منه العاب خاصة بدزني لاند
لانه في محل ديزني ارخص بكثير من عندهم
وانت في الريجنت ستريت لاتنسى تمر محل غدايفا للشوكلاته هو بعد هامليز تقريبا دقيقة
مشي بس في الشارع المقابل له....يبيع ايس كريم يجنن وكذلك هوت شوكلت يهبل ...
وماتحصلة في فرع غودايف سليفرجز او هارودز