عليكم السلام ورحمة الله وبركاته
.الثلج بيكون موجود في شهر 2 ( فبراير ) في فاريا للتزلج؟؟
اكيد ان شاء الله موجود
2.هل يوجد تخفيضات على الماركات في شهر فبراير
صحيح بيكون في تخفيضات واكتر شي هلأ رح تبلش التخفيضات من بعد راس السنة
3.مدة الزياره 4 ايام..نشيل يوم الوصول والمغادره ..يعني عندي يومين فقط وين تنصحوني اروح فيهم للعلم هذي اول مره انزل فيها لبنان
قريت تقارير وايده..واحس اني تهت من كثر المناطق الحلوه.
بما انو القصة يومين يعني بتخلي يوم الوصول يكون ببيروت الروشة السوليدير المولات متل abc والستي مول
اليومين الباقيين بديك تخلي يوم

• زيارة فاريا والتلفريك ومغارة جعيتا وبعدين جونية لو بتحبي الغدى بيكون بمطعم مانويلا او مخلوف وبالرجعة لو بتحبي تمري على اسواق الزلقا والكسليك
• اليوم التاني زيارة الشوف بيت الدين وقصر موسى ولو بتحبي بتروحي على صيدا او زيارة جبيل انتي حددي بين هول اي بتختاري لأنو الوقت كتير قصير

اليوم التالت فيكي تتسوقي فيه قبل السفر يعني عنديك اسواق كتيرة متل سوق الحمرا وسوق فردان وسوق مارالياس بنصحيك فيه وكمان سوق فرن الشباك وسوق بربور واسواق السوليدير
4.رايكم في الروشه ارجان روتانا.
بالفترة الأخيرة في كتير ناس عنا هون بالمنتدى اشتكت من سوء تعامل الموظفين فيه
بالتوفيق حبيبتي واي خدمة نحن موجودين

عبير لبنان
حبيبتي يعطيج الف عافيه على الرد
متحمسه وايد للسفره
عندي سؤال ثاني..
رشحي لي اسم كم صالون عندهم احدث قصات الشعر
تحياتي لج

اهلين حبيبتي بنصحيك بجو رعد غالي شوي بس ممتاز
في حدا تاني متل طوني مندلق ارخص منو كمان منيح

وين مكان هالصالونيين؟
يعني لو قلت للسواق او الفندق عن اسم الصالون بيدلوني او؟؟

جو رعد بمنطقة فردان
وطوني مندلق بمنطقة ضبيه