lemo..
07-06-2022 - 02:51 am
السلام عليكم ورحمه الله وبركاته
بأذن الله راح تكون لي زياره لدوله الامارات الشقيقه خلال اجازه العيد
واخر زياره كانت قبل 6 سنوات !! عشان كذا نبغا زياده معلومات منكم لو تكرمتو..
أول شي .. السفره ان شاء الله بتكون لعائلتين .. و نحتاج شقق فندقيه .. غرفتين وصاله + غرفه وصاله ..
و انا بحثت و احترت بين كذا فندق ابيكم ترشحون لي الافضل
1_ شقق سلوان
2_ شقق الواحه
3_ ارجان روتانا
أهم شي المكان يناسب جو عائلي محافظ .. و طبعاً يهمنا الموقع بما ان العدد كبير فنحتاج يكون الاوتيل قريب من الاماكن السياحيه و المولات ..يعني نحاول قدر المستطاع نقلل من المشاوير الطويله والتكاسي ..
طبعاً انا من زمان عن دبي و ولا اعرف اماكن المولات الجديده .. فأيش رايكم بمواقع هالاوتيلات ؟؟ قريبه او بعيده ؟
وكم تقريبا اسعارهم اذا ممكن !؟
ولو عندكم اضافات او اقتراحات لفنادق اخرى بنكون شاكرين !
النقطه الثانيه بالموضوع ..
الحجز بيكون ان شاء الله على طيران العربيه بمطار الشارقه ..
هل تتوافر تكاسي كبيره ؟؟ يعني ميني فان ؟؟ وهل هي متوفره ولا لازم اطلبها قبل ؟
لأن العدد 8 اشخاص ..
و هل مترو دبي يمر بمطار الشارقه او لا !؟
عموماً هذي الأسئله المبدئيه و ابيكم تساعدوني..
وعارفه انكم ماتقصرون
المارينا يفرق عن ممشى الجميرا !؟؟
وقريبين من بعض او لا ؟
والكوفي الثلجي وين موجود!؟
والقريه العالميه متى تفتح ؟! وهل تستاهل الزياره وايش العروض المقدمه ؟
وشكراً ..