السلام عليكم ورحمة الله وبركاته....
اخواني واخواتي ........قرأت في موضوع في المنتدى عن الأسواق في بانكوك للأخ أو الأخت سووسوو ....لكن عندي بعض الاسفسارات عن أماكن هذه الأسواق، لأني ما سرت هذه الأسواق في سفراتي لتايلاند وفي أسواق أول مرة أسمع عنهم:
1- وورلد تريد سنتر..... بغيت الموقع بالضبط وشو الأشياء اللي يبيعونها.. وأسعارهم...
2- ذكر الأخ سووسوو في مجمع فيه محلين كبار هم ستايل وهو أغلبه ملابس أطفال ...و زين وأغلبه ملابس نسائية ... أبا أعرف زين مب نفسه سنترال....وين هالمجمع اللي فيه هالمحلين؟؟
3- جاك ان جاك سوق شعبي يفتح السبت والأحد ..... هل المقصود ساندي ماركت...وشو يبيعون هناك؟؟
4- منطقة سيام سكوير هل في مركز اسمه سيام سكوير ولا سوق (دكاكين) ..,هل هو بالفعل مقابل الام بي كي؟؟!! يعني مشي انسيرله من الام بي كي؟
5- ذكر الاخ في مول اسمه G كله ماركات أصلية.... هذا وين مكانه بعد؟؟
6- بالنسبة لباتونام عرفته ...هو كله دكاكين مرصوصة عند بعض في مجمع فيه كم طابق وفيه سلم كهربائي بعد ... بس وين عنه بوبي ماركت؟؟ وبوبي ماركت غير عن بوبي تاور؟؟ ]
ولكم جزيل الشكر