وعليكم السلام
لوميزانيتك مفتوحه انصحك بليله بقصر العرين تسبح انت وعاىلتك مره رائق
سبق وجربت السكن بالرايه نظيف هادي الإفطار شامل حجز الغرفه وأي فاي فري مافيه بار حلو العواىل فيه بعد فريزر سويتس بوابته على السيف بااذن الله اذا ربي أراد سفرتي الجايه للبحرين راح اكون فيه
اتمنى اكون افدتك سفره سعيده

يعطيك العافيه ماقصرت على المعلومات القيمه
لكن من رايك من مجموعه فنادق ايليت اي واحد افضل من ناحيه النظافه والموقع ويفضل يكون في مسبح غير ايليت سبا لاني نزلت فيه الاسبوع الماضي فندق رائع من ناحيه الهدوء والاطلاله على البحر ولكن اثاثه ماهو بالشكل المطلوب وبالقيمه اللي يطلوبوها
يعطيك العافيه على التجاوب
باقي الاخوه ارائكم تهمني كثير

يا هلا الغالي .. يسعدنا انك قضيت ووقت ممتع في البحرين وإن شاء الله دووم وتأكد وإن ما شالتكم أرض البحرين تشيلكم عيونا ,
أفضل فندقين من سلسلة إليت هما : ( اليت جراند + اليت سبا ) , وبما إنك جربت إليت سبا , بإمكانك تجرب إليت جراند وهو في ضاحية السيف في أفضل منطقة مجمعات تجارية في البحرين وهو لصيق بمجمع البحرين ستي سنتر ( 3 دقايق مشي على الأقدام ) ,
للحجز والإطلاع ,
http://www.elitegroup4u.com/EliteGrande.jsp
وفي الرابط التالي تقرير أحد الأخوان الأفاضل ,
https://artravelers.com/p/re/204156
,
بالنسبة للوقت الي راح تقضيه من الأفضل إنك تخلي المجمعات التجارية ( للفترة المسائية ) لأن كثر من الأماكن تغلق أبوابها فترة المغرب مثل جنة دلمون المفقودة أو محمية العرين , عموماً فترة العصر + الليل ممكن تقضونها في ( شارع الشيراوي بالعدلية ) أو ( شارع الشباب بالجفير ) وهذي شوارع كلها مقاهي ومطاعم مفتوحة ع الشارع ,
كذلك بالإمكان قضاء وقت ممتع في جزر أمواج سواء من خلال المطاعم والمقاهي الموجودة في مجمع ( ذا لاغون أمواج ) وكلها تطل على البحر أو في أحد المنتجعات الموجودة في منتجعات ( ذا دراغون ) أو منتجع ( سي لوفت ) وأنصحك بزيارة مطعم ( يامن جانا ) في ( منتجع ذا دراغون ) قعدته البحرية روعة ,
بالإمكان زيارة منتزه عذاري وهناك ألعاب ترفيهية للصغار والكبار , كذلك مركز أرض المرح في كورنيش الفاتح وقريب منه شارع المعارض يعج بالمطاعم المتنوعة للعشاء ,
ما تفكر تقضون أحد أيامكم في ( رحلة بحرية ) إلى جزر حوار أو جزيرة الدار ؟ تراها فكرة حلوة وراح تقضون فيها يوم حلو ومميز بعيد عن صخب المدن ,
أوقات سعيدة ,

يعطيك العافيه على المعلومات القيمه
امس اتصلت على مكتب الجزيره على الجسر لمعرفه اذا في عروض قالي اخر سعر للسويت غرفتين في اليت سبا 900 ريال وقالي في عرض ممتاز في هاني سويتز غرفتين 850 ريال وكل ليلتين عليهم ليله مجانا !!
عندي كمان اقتراح بسيط لو يكون في جدول زيارات لمواقع سياحه مقترحه في البوابه لمده اربعه ايام او اسبوع لتسهيل المهمه للي حابين يزورا البحرين ( موجوده في بوابه مصر )
الف شكر لتجاوبك

انصحك اخوي في هاني سويتز
غرفه جدا جدا روعه ومكانه جنب مجمع السيف .. و عائلي