نشر في الخبر

استفسارات على السريع

أبو فيصل 2007

25-10-2022 - 04:27 pm

السلام عليكم ورحمه الله وبركاته :
خبراء المنطقة الشرقية والأخواه والأخوات الاعزاء
لدي استفسارات

تم الحجز بشقق مارسين نظام غرفتين وصالة ودورتي مياة أعزكم الله بسعر700 ريال لليوم

سؤالي
( أرغب بمعرفة وصف الشقق للقادم من الرياض من خلال الدخول من الخبر
الثقبة أو من عندى أسواق الراشد الأقراب )؟؟؟
للاسف السيارة ما فيها نظام gps

بخصوص الجو بالمساء هل يحتاج ملابس ثقيلة للاطفال ( بالكورنيش أو على البحر )

؟؟؟
أخوكم

التعليقات (4)

صاحب الكلمه

25-10-2022 - 07:50 pm

وعليكم السلام ورحمة الله وبركاته

اذا تعرف طريق الامير فيصل بن فهد (البيبسي سابقاً) وانت جاي من عند ايكيا او مجمع الظهران ، أول ما تدخل من عند اشارة لكزس بيجيك مصرف الراجحي على يمينك ، لف من بعده يمين على طول تمشي شوي تشوفها على يمينك ..
واذا كنت عند مجمع الراشد ، تخلي بوابة 6 على يسارك لحد ما توصل عند الأشاره بتشوف في مسارين توديك يسار ، خذ يسار للمنعطف البعيد الأول اللي من عندي شقق أكنان واجنحة الراشد رزيدنت مو اللي القريب منك ، تمشي على طول بتشوف خزانات التحليه على يمينك برضو امش على طول بتشوف الشقق على يسارك طبعاً هي جايه على الزاويه ..

وبالنسبة للآجواء حلوه وما يحتاج لبس ثقيل ..
وبالتوفيق ..

أبو فيصل 2007

25-10-2022 - 08:51 pm

صاحب الكلمه
بارك الله فيك اخي صاحب صاحب كلمة
طيب طريق البيبسي سابقاً (فيصل بن فهد ) هو إذا كان الكورنيش على اليمين وانا
واقف عن الاشارة وفندق المرديان امامي بيكون يسار ؟؟؟
يعني أمشي سيدة على امتداد الشارع مصرف الراجحي بيكون وين من هناك
المعذرة

صاحب الكلمه

25-10-2022 - 09:52 pm

صح كلامك
لمن تلف يسار تمشي سيده على طول لحد ما تجيك الأشارة اللي عند وكالة عبداللطيف جميل (لكزس وتويوتا) بتشوفها على يسارك ، خذ يوتيرن ، وارجع على نفس خطك بتشوف مصرف الراجحي على يمينك لف من عنده يمين ، تمشي شوي تشوف الشقق على يمينك ..
وبالتوفيق ..

أبو فيصل 2007

25-10-2022 - 10:53 pm

صاحب الكلمه
جزاك الله خير يا غالي
دمت بود

الخبر المسافرون العرب

استفسارات على السريع