السلام عليكم ورحمه الله وبركاته
استفسار
هل استخارج الفيزا يحتاج يكون في حسابك رصيد ( مايقل عن 15 الف لكل شخص )

هلا اخوي انا حاليا بفيينا لكن السيارة بناخذها من فيرلاسينق هذي قرية المانية تبعد عن سالزبورغ قرابة العشر دقايق عشان ماتصير علينا ضربية لو اخذناها من فيينا وسلمناها بميونخ
من محل سكست استاجرنا السيارة ،، لما نستلمها اقولك التفاصيل ان شاءالله ،، لكن اقترح دام معك والديك تستاجرها من فيينا اريح
ولا يمنع ننتظر راي الاخوان

https://artravelers.com
يعطيك العافيه على الرد ،،، بعدين شنو سالفة الضريبه هذي ،،، وهل هي واجد وكيف طريقة حسابها،،،، نا لازم أجر السياره من فيينا بس مدري شنو اللي اوفر لي اخذها من المطار او من داخل النمسا ،،، واذا اخذتها من الديره هل يوصلونها لي للمطار ،،، اسف على الاطاله بس انا جالس وحايس في المواقع ولي تقريبا 5 ساعات وانا اجمع معلومات ،،،
الكايد المسافر https://artravelers.com
والله مدري بس لازم تجيب كشف حساب 3 شهور ماضيه ويكون فيه رصيد كافي للرحله ،،، ويكفي انك تجيب تعريف من العمل معرف بالانجليزي
ولظهر انه في موضوع في المنتدى يبين لك كيفيفية استخراج التأشيره
يعطيكم العافيه

اخي العزيز عاشق ريم,
بالنسبه للسياره, اخذها بآخر يوم في فيينا, يعني وانت طالع من فيينا ثم اتجه فيها لزلامسي, وسلم السياره بزيلامسي باخر بوم, واخذ قطار لميونخ.
فيينا كل المواصلات موجوده لن تحتاج للسياره ابدا واساسا المدينه مزحومه ومواقفها غاليه.
نفس الشي ميونخ ماتحتاج فيها سياره, السياره للارياف فقط.
او انك تطلع من فيينا بالقطار الى سالزبورغ, وتستاجر السياره من فريلاسينق مثل ما قالت الاخت ام نيوفي, ثم تتجه لزيلامسي وتقعد فيها كم يوم ثم تتجه لميونخ وتسلم السياره اول ماتوصل.
لو كنت تبغي السياره من اخر يوم بفيينا وتسلمها بميونخ, يعني ماتبي قطارات ابد, راح تدفع حلو 200 الى 250 يورو ضريبه تسليم سياره لدوله اخرى.
اتمنى اني افدتك.
تحياتي لك.
الاخ الكايد المسافر,
الشروط تغيرت بالنسبه لاستخراج الفيز,
اتكلم هنا للنمساويه, ويمكن حتى باقي السفارات,
كشف الحساب تم استبداله بصوره من البطاقه الائتمانيه, فقط صورة وجه البطاقه.
فقط للتاكد انها تكون باسمك والتاريخ ساري, وانها غير ملغيه, يعني مايهم كم رصيدها.
لو كان ماعندك بطاقه ائتمانيه, هنا ضروري كشف الحساب.
تعريف الراتب تم الغائه.
المطلوب تعبي الاستماره,
تسوي تامين من التعاونيه.
تصور ثلاث الصفحات الاولى من الجواز مع التوقيع على الصفحه الثالثه.
تذاكر السفر.
حجوزات بوكينق مؤكده.
توقيع تعهد التامين, موجود التعهد بالسفاره.
صورتين شخصيه.
صوره من البطاقه الائتمانيه الوجه الامامي فقط.
تحياتي لك.