اهلا وسهلا بك يا بنت مكه
بصراحة الجو في شهر نوفمبر يكون من ضمن شهور الربيع وطبعا يكون هذا الشهر اقرب للصيف لان الصيف يبدأ من شهر ديسمبر
ويكون الجو حار تحت الشمس في النهار لكن اثناء التحرك في الظل يكون لطيف ومع مغيب الشمس يكون جميل
مع تحياتي

hml
الف شكر على ردك استاذي ..
بجد موضوع
هذا مخليني مترددة ومحتارة
اخاف الشمس تخرب علي الرحلة وانا رايحة لاخر الدنيا وفي الاخر مانبسط
لاني سامعة ان شمسهم حارقة والكل ينصح ياستخدام السن بلوك
والمصيبة اغلب مناطقهم السياحية بالنهار

اهلا وسهلا ويامرحبا في استراليا..
انا واعوذو بالله من كلمة انا حاليا موجود في استراليا في مدينة ملبورن وانا في هذا المدينة مايقارب السنتين وانا ادرس وافحط في الدراسة دعواتكم بالتوفيق
طبعا الاجواء في شهر سيبتمر واكوتبر بداية الصيف بصفه عامة اجواء استراليا جدا جدا متقبلة يسموها four season in one day يعني اربعه مواسم في يوم واحد .. بالنسبة لي حارها هوا صح حر لكن الناس هنا تعشق الحر وماتخرج تتمشي الا في الحر لان اجواء مدينة ملبورن باردة .. وكل يعتمد على المدن الي تبون تروحولها وانا اشوف افضل ثلاثة مدن في استراليا ملبورن وسيدني والجولد جوست والجولد جوست يوجد فيها عدة ملاهيات عالمية... واهم شيء ان شاء الله اذا جيت تستخرجون فيزا سياحية ولا تجيبون معاكم اكل من السعودية لان مطارات استراليا جدا جدا جدا جدا حريصة عن التفتيش عن المؤكولات والاشياء الطبيعية.. واي استفسار وخاصية في مدينة ملبورن بإذن الله في الخدمة.... واتمنى لكم رحلة سعيدة

musab alhazme
اخي =musab alhazme
انا ناوية ع سيدني والجولد........ولكن والله مترردة كتير بسبب الحر والشمس سفرتنا بعد شهر بالزبط واخاف الجو يسؤ ويسير حر وشمس اكثر
بخبرتك وتواجدك الان في استراليا اش تنصحني اروح استراليا ولا اكنسلها علما ان معايا طفل عمره سنة وانا اكره الحر فوق ماتتخيل

بصراحه هذا الشهور من افضل الشهور من ناحية الاجواء والامطار فيها قليلة لان باقي الشهور باردة والامطار شبه يومية ... وحطوا في بالك العملة جدا جدا مرتفعه يعني راح تكلفكم الكثير الدولار الواحد يساوي 3.8 ريال سعودي ويوصل في هذا الايام الي 4.2 ريال سعودي . والمعيشة بصفه عامة غالية ... لكن اذا ناوية ان شاءا لله فهذه من افضل الشهور للسفر وبالفعل هنا اذا واجهتي الشمسة مباشرة فهي جدا جدا حارة يعني مثلا 28 درجة فهي جدا جدا حارة لان طبقة الاوزون الجوية مثقوبة في استراليا..

اهم شيء وقبل كل شيء الاستخارة وربي يكتبلكم اي فيه الخير ان شاء الله

فعلا الاخ مصعب كلامك في محله والعملة والجو صعبين في هذه الفترة
علما بان ثقب طبقة الاوزون اقرب لنيوزيلاندا وليس استراليا لكن تاثيرها يصل لاستراليا
افضل موسم سياحي لاستراليا هم شهور 6 ، 7 ، 8 ، ونصف 9
مع تحياتي

يسعدني ويشرفني ويثلج صدري اني تمكنت اخيرا من التسجيل في منتداكم الموقر بعد رحلة عناء دامت اكثر من ساعتين بصحبة العزيز ياهو ............
لو تمسحوا لي اقول قصتي باختصار ...
صار لي سنتين ماسافرت والحمد لله سمحت الظروف هدي المرة ...بس للاسف كل ما ادور مكان اسافر له ...يابرد قاتل يا حروب طاحنة ....
وفي الاخر اهتديت الى استراليا ...وبعد البحث المتواصل لاكثر من اسبوعين والتمركز حول منتداكم الغالي الذي ابهرني بوفرة المعلومات ودقة البيانات والاسهاب في الشرح والتفصيل وكل الاهتمام بالرد على استفسارات الاعضاء
واخص بالشكر خبراء البوابة الاسترالية
https://artravelers.com
لما وجدته ولاحظته من جهود جبارة
لذلك قررت ان اطرح استفساراتي لديكم واتمنى ان لا تخذلوني
اول استفسار ....
كيف جو استراليا شهر نوفمبر ؟؟؟؟ بعد متابعتي لمواقع الطقس العالمية وجدت الحرارة الان 24 العضمى والصغرى 14 ...والمتوقع انها حترتفع الى 26 تقريبا شهر نوفمبر
السؤال ؟؟؟ هل هذه الدرجة مناسبة ولطيفة وجميلة لاني قرات في احد المنتديات احدهم يقول ...لو الحرارة عندنا >يقصد استراليا ...30 ..كانها 50 يعني موت
الشمس حارقة جدا
ماصحت هدا الكلام ... وهل السفر مناسب اخر اكتوبر واول نوفمبر
ملاحظة : اكره الحر كرها شديدا جدا جدا جدا
عذرا على الاطالة

بليز
ردو علي قبل ماشتري التذاكر
بليز