من مطار مالبينسا ميلان الأفضل هو ركوب الباص الذي يتوجه إلى محطة السنترال ستيشن بالقرب من الدومو
تقريبا 45 دقيقه وهناك باص من المطار كل 20 دقيقه
هي الوسيله الأوفر و الأسرع بالنسبه لميلان
وأنصحك بعدم إستئجار السياه من ميلان و أخذها من لوجانو أفضل
من ميلانو إلى لوجانو ساعه واحده بالقطار

اهلا اخوي الله يفرجها عليك ياارب مشكور لسرعة تجاوبك طيب هذي الباصات توصلل للاوتيل والا بس منطقة الداومو لان معي اطفال وشنط ياليت تعطيني الطريقه بالتفصيل الممل

الباصات يوجد بها مكان مخصص للشنط
وهي تأخذك من مطار مالبينسا إلى محطة القطار الرئيسيه وليس للدومو
بعد أن تصل إلى محطة القطار الرئيسيه تأخذ تاكسي مباشره إلى الفندق الذي ستقيم فيه بالدومو
الدومو قريبه من محطة القطار بالتاكسي 10 دقائق بتكلفة 10 يورو تقريبا

حريف اسم على مسمى
بس وش وجهة نظرك في استأجار سيارة من لوقانو!!!
لاني ناوي اذا سويت تشيك آوت من فندقنا ستار روزا في ميلان على طول استلم السيارة واروح فيها الى لوقانو
الين تنتهي رحلتنا واسلمها
فما استغني عن رايك لاهنت
مع شكري وتقديري

ممتاز
بعد الشيك آوت تستأجر السياره وتتجه إلى لوجانو وممكن في الطريق تمر على الآوتليت الشهير فوكس تاون
إختيارك للستار روزا موفق جدا لأنه أجمل فنادق ميلان وموقعه خرافي

خطاف...
من وجهة نظري المتواضعه جلوس 14 يوم بدون سياره وخصوصا مع وجود عائله بالاطفال في ميلانو او غيرها , مرهق جدا 0000 افضل تاخذ السياره من المطار مباشرة وتكون مستعد لها بجهاز القارمن , تركب انت وعيالك وعفشك وتريح بدنك من الشيل والحط للعفش
اتمنى لك التوفيق من كل قلبي

حريف...
يعطيك الف عافيه اخوي الله لايحرمنا منك
المزيد ..
مشكور اخوي لا ان شاء الله بستأجر سياره بس اخر يوم في ميلانو لاني اتوقع ماراح احتاجها بجلس في ميلانو اربع ايام فقط لاغير
وبطلع بعدها للوقانو
يعطييك العافيه وماننحرمش يارب

اخواني حبيت استفسر ..
انا بستأجر السياره اليوم الرابع وانا في ميلان بعد ماأسوي التشيك أوت وبطلع على لوقانو يومين وبعدها على انترلاكن تسع ايام وبعدها على ديفون اربع ايام والعوده الى الوطن راح تكون من ميلانو عشان كذا بطلع من ديفون الى ميلانو وبجلس في ميلانو يوم ..
السؤال هل اسلم السياره اول ماأرجع من ديفون بحكم اني ماأحتاجها في ميلانو
او اخليها معي واروح فيها من بكرا للمطار
لو قلتو لي انو اسلمها اول ماارجع من ديفون وش الوسيله الافضل اللي اروح فيها للمطار
ولو قلتو اخليها معي واروح فيها للمطار كيف اسلمها بالمطار والليله اللي بجلس فيها في ميلان هل فيه مواقف قريبه من ستار روزا مجانيه
يشرفني تجاوبوني ويعطيكم العاففيه

بس للتوضيح والمشاركة بحكم إن حالتي قريبة من حالتك ...
بعض الشركات تفرض ضريبة خاصة على الإستلام و التسليم في المطار, لذلك ينصح البعض بأن تكون السيار من ناحية الإستلام والتسليم خارج المطار.
بالنسبة لي في بحثي عن سيارات في ميلان, بحثت في Diaz قرب الدومو لكن المعروض جدا غير مرضي, و كان أفضل الموجود في المطار.
حوالت البحث من لوقانوا, ولكن فرق السعر لم يكن بالمغري أبداً و نفس الشيء كان فيما يخص كوموا.
لو سألتني عن وضعي أنا قررت استلام السيارة من المطار ( أو سأطلب من الشركة توصيلها للفندق) بعد التأكد من الموجود. و في العودة سأقوم بالتسليم في المطار. و كما هي حالتك سآخذ السيارة في آخر أيام ميلان نظراً لصعوبة التعامل مع السيارة في ميلان. و عند التسليم سأكون في لوقانوا و سأصل للمطار قبل الرحلة بساعات للبدء في إجراءت السفر حيث أني لا أريد البقاء في ميلان عند العودة أو حتى المبيت فيها نظراً لطبيعة المدينة, بينما لوقانوا تناسبني أكثر و بها خيارات أوسع "بالنسبة لي".
بالتوفيق ..