هلا اخوي اول شي المسافه من انترلاكن لميلان بالسياره تاخذ ثلاث ساعات ، افضل اوت ليت في ميلان هو سيرفاللي واذا بغيت تروح له بالباص تروح لمحطة كايرولي واول ماتطلع من المحطة تلاقي شركة التوصيل لسيرفاللي على اليسار واسم الشركة Zani يوصلونك للمجمع ويرجعونك ب 20 يورو .اذا تبحث عن السكن اللي سعره معقول انحش من الدوامو ، شوف اكو فندق زين بمنطقة ريبابليكا اسمه Windsor اهو اربع نجوم بس نظيف وغرفه حلوه وحولك محطة المترو ريبابليكا .الدخول للمترو من الشارع غالبا درج عادي مااذكر اني شفت كهربائي، تحياتي

الله يحرم وجهك عن النار ويرزقك من حيث لاتحتسب اخوي فواز
اي والله منطقه الدوم غالي مره خصوصا اني باخذ غرفتين بيكون مكلف
وبالنسبه لذهاب بالباص لسرفالي راح يكون مكلف لاننا 4 اشخاص وطفل تقريبا بيكلف 2500 ريال وش رايك مو بالقطار افضل واوفر سوالي هو
1 اسم محطه القطار الي اروح لها علشان اوصل لسرفالي ولمن اوصل رقم الباص الي يوصلني لمنطقه الاوت لت
2 يعني محطات المترو في ميلان قديمه مافيها درج كهربائي ولا اسنصيرات
ومشكور

الحين انت كسرى وخايف ؟؟ شلون جذي ؟ حبيبي 2500 ريال لشنو هذي طيران بتروح ؟؟ لا يالغالي ارجع اقرا شرحي في شركة في ميلانو تروح لها بالمترو وموقعها في محطة كايرولي cairoli وتشتري تكت الذهاب والعوده بالباص لسيرفالي ب 20 يورو للبالغ . وقضينا بلا مصاريف زايده . بالنسبه لليفت اعتقد فيه بس ماني متاكد ، يعني لو معاك ذوي احتياجات خاصه بتلقالك مخرج تطمن . وانا حاضر لخدمتك