السلام عليكم ورحمه الله وبركآته
عمتم مساء جميعا
الموضوع طرحته شكرا وعرفان بالجميل لهذا الصرح والمنتدى القدير بآعضآءه وآدآرته قبل آن يكون فيه استفسار او اي طلب اخر
شكرا جميعا واخص اخوي مستر سعود وسمو الغلاء وعاشق الشلالات ودحوم وكل من غثيت وجاءته مني رساله بالخاص ههه
ان شاء الله رحلتنا يوم الخميس المقبل فجرا على الخطوط القطريه 5شباب والخطه ان شاء الله الوصول لجآكرتآ والمبيت فيها بقيه الليله وبنصحى وبنطلع على بآلي في اول رحله ان شاء الله والمكوث فيها الى الثلاثاء او الاربعاء ثم العوده الى جاكرتا واخذها مطب للجبل وراح تبقى استجمام واسترخاء وتمشيات فالجبل والمرور بي سكوبومي والمحاوله في باندونق كود ربي يجيبها
الحمدالله الاعضاء ماقصروا وبيض الله وجيهم وهاذي ثاني مره اروح انا واخوياي ماعادا واحد فينا اول مره يروح
عموما يا اخواني حاولت وانا حكيت بالمنتدى لي شهر بس باقي فيه عندي استفسار بسيط
هل يا اخواني ضروري ان اشيل دولار معاي لني انسان ما احبه ولا اطيق حول وبدل يكفي من روبيه للريال دوشه لوحدها هل بتفرق اذا صرفت دولارات ولاكنك يازيد ما غزيت انا مخطط اخذ بس دولارات حق الفيز وصل الله وسلم
وبالنسبه للطيران الداخلي كم الوزن المسموح به لنا بنطلع بالعزبه معنا لبالي ماحنا رايحين للجبل طوالي
وموضوع ثاني شوي الي شايل همه الي هي (( القطه )) الفلوسات كثيره شوي والمبلغ ذا ما ابي اغث نفسي واشيله معاي بكل مكان خصوصا فالجبل
بالي السيفتي بوكس والله الحآمي
انا جربت اخر مره مكتب سلطان المزيد وحطيت فيه فلوس لي وجوازتنا والحمدالله ارتحت راحه مابعدها راحه
وسمعت بعد ان مكتب كاها اطلق منه بمليون مره بهالنآحيه
وش شوركم علي اخلي الفلوس داخل عند بافقيه ولا اخليها معي بالفله انا انسان نوومي ثقيل والشباب مسلميني القطه ومخلين كل شي بظهري وماودي اجيب العيد ههه
حاليا ماعاد بقى في بالي شي اساله بس مايندرى من هنا للربوع يمكن يطلع لنا شي جديد
عموما بيض الله وجيهكم ومشكورين على تفاعلكم وردودكم الي تبيض الله الوجه قلتها مسبقا لن عارفكم مآتقصرون
والله يسر علينا ونرجع لوطنا سالمين غانمين ونتحفكم بالتقرير الي تستاهلونه
واذا احد عنده نصايح ولا اشياء واماكن جديده يفيدنا فيها واكون له من الشااكرين
والي يبي شي من هنااك لايرده الا الكيبوورد وغالي والطلب رخيص
لو تبي عود ازرق خشب ياسعود حاضرين ههه