- بسم الله الرحمن الرحيم
بسم الله الرحمن الرحيم
يا جماعة انا رحت يوم 5 يوليو السفارة الامريكية بالقاهرة لحضور المقابلة وانا على الباب لما جاء على الدور كان والدى معايا عشان انحنا سافرنا من اسكندرية مكنش ينفع اروح لوحدى فوالدى سأل الى بيشيك على الورق انه ينفع يدخل معايا قالى عندك كام سنة اولتلة 17 قالى مادام مكملتش 18 ينفع والدك يخش معاك دخلنا وعملت الاجراءات والبصمات وجه معاد المقابلة وكانت شابة كدة سالتنى مسافر لية والشغل ده وفين بس بعد كده بقا قالتلى انت فى جامعة اية اولتلها انا لسة فى مدرسة (انا لسة فى مدرسة بس داخل كلية السنة دية)بس انا مقولتلهاش كده لما اولتلها مدرسة حسيت ان هى اتصدمت بعد كدة التلى مين حيدفعلك التكاليف اولتلها والدى التلى طب فين الحساب ورتهولها (كان فية 80000 جنية مصرى) حسيت ان هيا بصت فية باستهتار والتلى شكرا ورفضت تدينى الفيزا و التلى ممكن اديهالك فى المستقبل .
الاسئلة بقا لو سمحتوا معلش انا عايز اعرف سبب الرفض : عشان انا عندى 17سنة ولا عشان اولتلها انى فى مدرسة ولا عشان المبلغ اللى فى الحساب ميكفيش او عشان مش حسابى و ايه معنى انها ممكن تدهالى فى المستقبل بتقولى كده و خلاص ولا ايه والله انا سالت الاسئلة لنفسى كتير بس ملئتش رد اولت اسئل حضرتكوا.
مع العلم انة انا عايز اقدم تانى على فيزا سياحة بس المرة دية حستعد بدرى شوية يعنى ححاول احدد ميعاد على شهر 2 او 3 بس فى ناس كتير التلى انة مينفعش اخش السفارة الابعد مرور سنة على المقابلة السابقة دة صح و لا غلط (المرة دية حعمل حساب لية فية 90000 جنية). اجوكم ان تساعدونى واسف للاطالة عليكم والله.شكرا.
ولا أتوقع انه من المبلغ لأنه مبلغ كبير ويكفي
انت مقدم على فيزا سياحية والا دراسية ؟؟