عليكم السلام ورحمة الله وبركاته
ليش ماتحاول تغير موعد رحلتكم من لنكاوي لكوالالمبور وتدفع فرق بسيط إذا فيه رحلات بدري جرب وشوف
ودامك عارف ولا يمكن تجلس بكوالالمبور هالليله فالله يعينك تصل متأخر للكاميرون حدود 9 او 10 مساء
والمفروض ترسل إيميل للفندق اللي بتسكن فيه للكاميرون وتخبرهم ان وصولك متأخر او وقت ماتعمل الحجز
تكتب في الملاحظات ان الوصول بيكون متأخر من بعد الساعه 9 مساء كإجراء إحتياطي افضل
وبالنسبه لفنادق الكاميرون افضل فندق هو الكاميرون هاي لاند والبقيه عاديه ولكن فيه الفندق الجديد 3 نجوم
اسمه دي لا فيرنس هوتيل وفيه تقارير عنه وهو فندق جميل وجديد اما كأفضل موقع في الكاميرون فهو
فندق الإكوتريال في أعلي مكان في الكاميرون ولكنه شوي مستهلك وفيه ناس يقولون تم تجديده وناس يقولون مو صحيح
فالأفضل من دون مقارن فندق ومنتجع الكاميرون هاي لاند

ان كان وصولك لكاميرون على 9 او 10 بالليل .. فأيش الفايده ...
وانا مافهمت وش تقصد تبي تستغل هاليوم ... كيف تستغله وانت بتوصل على 10 بالليل ..

zazaz
النهر الجاري شكرأً لكما على الإفادة والمرور .....
( وقصدي إني أستغل اليوم
) لأنه زوجي اقترح نجلس في اليوم اللي نوصل فيه من لنكاوي في كوالالمبور
وثاني يوم لنا في كوالا نروح بالباص للكاميرون وبكذا ضاع علينا اليوم في كوالا ولم يكن فيه فايدة غير الذهاب إلى التسوق
لأنه كما ذكرت سابقاً وصولنا حيكون على الساعة 5 مساءً وغير كذا في تعب علينا في نقل الشنط من فندق لفندق ومن
تشيك إن لتشيك أوت >>>>> أتمنى إني أكون وضحت وجهت نظري وتساعدوني بخبرتكم
وأتمنى >>> أدري إني زودتها بس مالي غيركم بعد الله >>> تفيدوني في الفنادق لأني محتارة بين اكواتريول و كاميرون
هاي لاند أنا أبغى الأفضل من ناحية النظافة والخدمة والموقع المناسب من الانشطة والمطاعم لأني قرأت إن الأكواتريول
النظافة سيئة والأثاث قديم
ومنهم من يقول العكس لذلك أنا محتارة وإذا فيه فندق غيره قولوه ليا وأشكركم جداً
على تعاونكم مع الجميع وإجابتكم السريعة والوافية على كل شئ ......

r9sh9
عموما فكرة المواصله للكاميرون يعتبر ضاع اليوم ماستفدتوا شي ابدا إلا التعب
ولا راح تستمتعوا بالطريق من كولالمبور للكاميرون لأن اغلب مشواركم بالليل مابتشوفون شي
اما لو ريحتوا بالعكس بتستفيدون الجلسه بكوالالمبور الليله كامله وممكن تتركون الشنط
في نفس الفندق اللي بترجعون له بس خذوا لكم حق يومين والباقي اتركوه
اما بالنسبه لفنادق الكاميرون ففندق الكاميرون هاي لاند لايقارن بغيره في الكاميرون من جميع النواحي
إلا الموقع الإكوتريال افضل فقط اما كمنتجع ونظافه وفخامه وكل شي الكاميرون هاي لاند افضل فندق

مشكور يا zazaz
على سرعة تجاوبك وإن شاء نسوي مثل ماأشرت علينا والله يكتب اللي فيه الخير ....

شوفي
المواصله الى كاميرون ممتازه ... لكن الافضل ان يكون توقيت الوصول التقريبي الى كاميرون قبل المغرب
اما اني اوصل الساعه 10 بالليل ... والله قهر ...
اما انكم تغيرون وقت سفركم من لنكاوي ويصير على الساعه 10 الصبح او حولها ..
واما انكم تباتون ليله او ليلتين في كوالالمبور ... انا اشوف ليلتين افضل ..
ام
طيب ممكن فيه حل ثالث ( قد يكون مناسب )
وهو تروحون من المطار الى مدينه ايبوه ( فيه باصات تودي الى ايبوه من المطار وسعرها رخيص )
تبعد عن المطار تقريبا ساعتين وربع تقريبا او اقل
وتبعد مدينه ايبو عن كاميرون تقريبا ساعتين وربع او اقل
تجلسون فيها ليله او ليلتين
وترى فيها ( او قريب منها ) اماكن وانشطه سياحيه
مثل :
1-ملاهي مثل ملاهي صن واي لاقون
2- مياه حاره
3- التجديف عبر النهر ( شوفي تقرير ماجد الفهد عنها )
4- حديقه
المهم وبعد مدينه ايبوه تروحون الى كاميرون وتجلسون فيها ليليتن او حتى ليله لانكم اكيد بتوصلونها بدري ان شاء الله
بحكم ان مدينه ايبوه قريبه ..
ليش انا قلت لكم على مدينه ايبوه:
1- لان المطار يوفر باصات باسعار رخيصه اليها .. ( يعني المسأله توفير فلوس )
2- اسعار فنادقها ارخص من فنادق كاميرون .. ( برضه توفير فلوس )
3- ممكن يكون افضل من الدخول الى كوالالمبور ومن ثم السفر الى كاميرون باليوم الثاني ( توفير للوقت وللفلوس)
4- تشوفون مدينه اضافيه .. وممكن تقومون بنشاطات جديده .. ( علشان تقولون شفنا وسوينا
)

عزيزي ما اقدر اضيف على الاخوان شيء بارك الله فيهم سوى بعض الحروف فقط ....
انا دوبي نازل من الكاميرون بالأمس وكنت حاجز في الأكيتوريال ليله وبعد معاينة الموقع والغرفه كنسلته .. قول ليه..
قلت ليه ... طيب اقولك : الموقع ممتاز وعالي ولكن البلكونه صغيره هذا اذا لقيت لانها غرف محدوده اللي فيها بلكونات
ثاني شيء الغرف بسيطه جداً واثاث تعبان ومن اللي مشي حالك .. كنسلت الحجز وتعذرت منهم وقال لي بالصيني راحت فلوسك يا هونق ماشانق ..
وولا بتشوفها الا بعد شهر .. قلت فدا
نزلت حبتين تحت وجدت فندق DeLa Ferns اخذت غرفه جونيور سويت ب 408 رنجت مع الفطور ببلكونتين ومطل جميل
من الجهتين .. ممتاز وارتحت فيه جداً ..
يوجد غرف ديلوكس وبلكونه وحده ولكن لم يتوفر اراه سوى سريرين ب 308 رنجت
الفندق اللي ذكره الاخوان كاميرون هي لاند رأيته وفخم وموقعه ممتاز ولكن لم ادخله ... قدامي خط ومطر والله يسرها .
هذي بعض الصور على الطاير اتمنى تفي بالغرض مع الاعتذار عن اجابة الفقرة الاولى ... لعدم خبرتي في الموضوع

هذي هديه فوق المداخله للحبيب zazaz لنصيحته لي بفندق تريدرز الرائع

هذي هديه فوق المداخله للحبيب zazaz لنصيحته لي بفندق تريدرز الرائع
حياك الله يا بو ياسر وبارك فيك وجزاك خير
والحمد لله ان نال الفندق الجميل تريدرز إعجابك
وشوقتنا مع هالصبح للكاميرون والإطلاله والجو الجميل
والف شكر