نعم يوجد
اول ماتوصلين المطار خذي الفواتير للسلع اللي قيمتهم اكثر من 90 يورو وعليهم ختم تاكس فري للمكتب ولازم تكون السلع موجوده معك ( يعني قبل ماتقصين البوردنق ) والعمليه ماتاخذ وقت طويل ولوحاتهم واضحه واسألي عنهم تلقينهم
لكن احرصي انك تخلصينه قبل تسجيل الدخول
حنا قد شحننا الشنط ورحنا بس بالفواتير وقالوا لنا اقضبوا الباب ولا يورو

الاخت قطرية،،،
الطريقة المثالية للحصول على الضريبة المسترجعة كالتالي:
1- الحضور قبل مالايقل عن ساعتين للمطار
2- تجميع الأغراض التي تم شراؤها من برشلونة في شنطة واحدة مع تعبئة النموذج الذي تم الحصول عليه من المحل عند الشراء وإختيار وسيلة التحصيل إما شيك مصدق يتم ارساله الى عنوانك البريدي او إرجاعها الى بطاقتك الإئتمانية التي تم استخدامها للشراء او التحصيل النقدي من بنك المطار ( المفضل بالنسبة لي)
3- الذهاب الى كاونتر الخطوط للحصول على كرت صعود الطائرة والتشييك على الشنط ومن ضمنها شنطة المشتروات مع إخبارهم برغبتك الإحتفاظ بها لعرضها على مكتب الجمارك
4- الذهاب لمكتب الجمارك وتقديم جواز السفر وكرت صعود الطائرة و اوراق المشتروات كاملة مع جهوزيتك لإحضار اي سلعة مذكورة في الاوراق عند الطلب
5- الرجوع الى كاونتر الخطوط لتسليم الشنطة
6- الذهاب الى الدور الأرضي إلي بنك Le xasia وتقديم اوراق الجمارك المختومة والجواز وكرت الصعود لاستلام المبلغ نقداً
7- الصعود مجدداً للدور الأول لتختيم الجواز والصعود للطائرة بالسلامة بإذن الله
أتمني ان يكون شرح وافي وواضح لك وللجميع
وحاضر لأي إستفسار آخر
إبراهيم

و ياليت الي جرب الطريقة في مطار مدريد

الأخ مسافر عالمي،،،
الاجراءات والخطوات نفسها في اي مطار من مطارات دول الشنغن على حد علمي. الإختلاف في مكان البنك فقط.
ابراهيم

بس حبيت اقولكم اللي صادفنا في مطار برشلونة
بعد ما ختمنا كل الفواتير
ليما دخلنا بعد الجوازات حتى نسترجع الضريبة
ما مشوها لنا كلها
الا كم فاتورة مكتوب عليها بلو
يعني فيها ترك لازم تنتبهون ليما تطلبون الضريبة من المحلات
اما باقي الفواتير لازم نرسلها لهم بالبريد من ابلادنا والله العالم يرجعونها او لا
شكرا لكم

هلا اختي
قبل 6 شهور رحت للمطار وبعد ماشحنت الشنط , رحت للتاكس فري وقالي وين الاغراض؟؟ وراحت علي..
بس قبل 3 ايام رحت للمطار , ورحت اول شي لمكتب التاكس فري مع الاغراض والمضحك انه ختم على كل الاوراق ولا سأل عن شي (على حسب الموظف وانت وحظك)
وبعدها تنزل لبنك La Caixa وتستلم مبلغك
وفيه فاتورة وحدة ماعطوني عليها شي (مثل ماقلتي ماعليها blue )
موفقه

بالضبط هذا اللي صار معانا
بس وايد فواتير مارجعولنا شي لانه ماعليها بو

مرحباً. طيب واذا كانت بعض القطع استخدمت. يعني في ملابس وشنط استخدمتها. يعني راحت علي.
وين الاقي blue. اللي تقول عليها شكلي ماراح اتعب نفسي وأضيع وقت

اخواني اللي في برشلونه انتبهو لماتشترون اي قطعه تاخون تاكس فري وترى يكون مختوم
اول ماتدخلون عفشكم روحو للمكتب يكون اخر الرواق ( خلو بوابات الدخول للجوازات على اليمين وامشو سيده بتلاقونه بيختومون الاوراق انزلو للدور الارضي وفيه بنك يدفع لكم وبعض الفواتير تضرف بعد ماتختمون الجوازات من داخل القاعه
موفقين يارب