السلام عليكم اخوي غانته
الف مبروك
الديره حلوه مره وامنه والشعب طيب وخدوم وبالنسبه للغه اذاكانت جيده بتمشي امورك على اكمل وجه لان الشعب خدوم مره ولايوجد مضايقات والحجاب هناك له احترام ولاتحتاج الى خبرة سفر لان كل شي واضح وكل ماتريده تجده في هذا المنتدى الممتاز لكل مسافر عربي والشباب مايقصرون بتزويدك باي معلومه تفيدك وانا اول واحد ابخدمك بالي اقدر عليه .
بالنسبه للجو بارد ممتاز جداً خاصه (للمتزوجين) وترى موبرد مثل بردنا يدخل في العظم جو ممتاز ماتتخيله.
السعر انا سافرت في الصيف الماضي على الخطوط الامارتيه من الرياض وجلست 23ليله كلفتني 39000ريال فنادق 4نجوم بس ترى الديره تستاهل .
اذا فيه اي استفسار انا في الخدمه

شكرا اخي على المساعده
بالنسبة للمنتدى هو مفيد جدا بس انا وايد اتوه واخربط بين الاراء والاقتراحات المختلفه بين الاعضاء
حبيت اسال هل 39الف شملت الحجز والمصاريف في استراليا
اما فقط شملت التذاكر والفنادق بدون مصاريف السفر؟؟
وماهي المناطق المقترحه التي تناسب شهر العسل ؟؟ ولمدة اسبوعين؟؟
وبالنسبة للتنقلات والمواصلات ؟؟؟
وهل تنفع استراليا في شهر يناير مثلا؟؟
وشكرا

استراليا اختيار ممتاز بالنسبه لشهر العسل البلد غاليه شوي بس تستاهل 39 الف تكفيك شامله كل شي بس مع استخدام الباصات والقطارات والمتروا لانه التكاسي غاليه هناك من الفنادق اللي انصحك فيها فندق ستار ستي فندق رائع وكل الاماكن سهل الوصول لها عن طريقه

غناته
مساء الخير
بالنسبه للمناطق اولا سدني ممتازه جدا وتحتاج خمسه ايام على الاقل حيث ان الاجواء بها رومانسيه ولا تطوفكم الحديقه الصينيه والبلو ماوتنز ودار الاوبرا .
وبالنسبه للتنقلات 1 ) للرحلات عن طريق احدى الشركات وبواسطه الباص.
2 ) التنقلات الداخليه عن طريق القطار المعلق لوسط المدينه او عن طريق العباره وبتكلفه 2 دولار استرالي للشخص .
ثانيا جولد كوست واجوائها مختلفه كليا عن سدني ولها طابعها الخاص وبها العديد من الرحلات الممتعه , وتستطيعون قضاء 10 ايام ممتعه بها .
اما بالنسبه لوقت السفر فانا انصح بشهر 6 حيث يكون عدد السياح قليل نسبيا والاسعار ارخص , ولكن بشهر 1 يكون الجو حار لانهم عكسنا عندنا شتاء وعندهم صيف وتكون الاسعار نار لانه عز الموسم عندهم
وتحياتي