والله ماعندي علم ولكن هل نقدر نستخرج الفيزا من الان اذا رحلتنا في شهر 7؟يعني قبل 4 شهور؟
وايش متطلبات الفيزا؟وكم سعرها؟
شكرالك

أخوي فيه بعض السفارات ما تطلبها .. بالنسبة لي أنا تعاملت مع مكتب بمدينة الرياض .. وما طلبوها .. ممتازين .. نادي السفر الدولي .. اللي يبي رقمهم أرسله له على الخاص ..

هلا اخوي ...
انا مسافر في شهر 5 وقدمت على الفيزا توها طلعت هالاسبوع
و من شروطهم ورقة التعريف بالموظف .. اذا انت موظف حكومي تكفي ورقة التعريف اما اذا موظف قطاع خاص لازم تختمها من الغرفة التجارية ..
انا قدمت عليها من مكتب فيفا و طلعها لي ب 530 للشخص الواحد ..
والحمدلله 13 يوم بس وطلعت ... الله يوفقك ان شاء الله

kone
هلا اخوي ... تقدر تطلع الفيزا قبل السفر ب 3 شهور واقل .. اما اكثرغير مسموح
المتطلبات اللي سلمتها انا ..
كشف حساب بالراتب لاخر 6 شهور ..
صور شمسية كاشف الوجه بدون شماغ .. والمراة محجبة ولازم تكون ملامح وجهها واضحة ..
ورقة تعريف بالموظف ...
تأمين سفر .. وهذا تقدر تطلعه من مكتب التعاونية للتأمينات انا طلعت تأمين شينقن للشخص الواحد 100 ريال تقريبا ..
واهم شي انك تجيب اوراق رسمية من الفندق انك حاجز معهم .. وتذاكر الطيران بعد
اي استفسار يااخوي انا حاظر ..

عريس ومحتار
هلا بك اخوي ...فيه طريقة ثانيه ..اذا تعرف احد عنده مؤسسة خله يعطيك خطاب انك تعمل عنده بوظيفة كذا وراتب وقدره ..وتختم من المؤسسة وصدقها من الغرفة التجارية ..وقدمها لهم وتمشي مثل العسل ..الكثير يسوونها...
مشكلتهم السفاره اشياء روتينيه ويطلبونها ماعندهم مرونه ..ولا المفروض كشف الحساب يكفي..وش يدخلهم اشتغل بمؤسسة ولا بالمريخ ان شاء الله..

هلا باليوفاوي
ياخوك الفريق جابلنا المرض اه على ايام 2005 و2006 فريق النجوم كان
هلا اخوي ... تقدر تطلع الفيزا قبل السفر ب 3 شهور واقل .. اما اكثرغير مسموح
المتطلبات اللي سلمتها انا ..
كشف حساب بالراتب لاخر 6 شهور ..
صور شمسية كاشف الوجه بدون شماغ .. والمراة محجبة ولازم تكون ملامح وجهها واضحة ..
ورقة تعريف بالموظف ...
تأمين سفر .. وهذا تقدر تطلعه من مكتب التعاونية للتأمينات انا طلعت تأمين شينقن للشخص الواحد 100 ريال تقريبا ..
واهم شي انك تجيب اوراق رسمية من الفندق انك حاجز معهم .. وتذاكر الطيران بعد
متأكد انه لازم قبل 3 شهور؟لاني فاضي هاليومين وقلت استفيد من الوقت
اوراق حجز الفندق عن طريق موقع بوكنج تكفي او لا؟
وليه ماطلعت الفيزا بنفسك يالغالي؟احسها سهاله
ومدري الطلبات اتوقع تكون مختلفه يوم تقدم بنفسك او عن طريق مكتب والا كلها نفسها؟
وكم سعر الفيزا يوم اطلعها بنفسي بدون مكتب؟
شكرالك

يا أخوان لو تكرمتوا عندي إستفسار خايفه منه ,,, الفيز إللي طلعناها من السفاره الفرنسيه رحلتنا المحطه الأولى سويسرا وآخر السفره باريس ,,, وخايفين من الدخول في سويسرا يسوون لنا مشكله لأن الفيزه من السفاره الفرنسيه ,,,, ودي أتطمن من هالنقطه إذا تكرمتوا ......

KONE
هلا اخوي .... وحال اليوفي لا يسر عدو ولا صديق
بالنسبة للفيزا ... انا عطيتك الكلام اللي اخذته من مكتب الفيفا اللي طلع لي الفيزا ...
انه ما تقدر تقدم على الفيزا الا قبل السفر ب 3 شهور واقل ... يعني اذا سفرتك 1/7/2010 تقدر تقدم عليها من تاريخ 1/4/2010
بالنسبة لارواق حجز الفنادق .. هذي ماعندي خبرة فيها .. لاني انا حاجز من مكتب سياحي وطلبت منه يراسل الفندق عشان يرسلوا لي اوراق حجز رسمية ...
اما سؤالك ليش ماطلعت الفيزا بنفسي ؟ انا من سكان الشرقية .. والسفارة بالرياض وش لي بالمشاوير و وجع الراس و زحمة الرياض وانا ماعرف فيها شي ..
اما بالنسبة للطلبات اذا انت مقدم من طريق مكتب او بنفسك للسفارة ... فهي نفسها لاني قرات هنا كذا موضوع من الاعضاء عن طلبات السفارة وهم قدموا عليها بنفسهم
اما سعر الفيزا في السفارة بدون المكتب هذا ماادري عنها ...
تحياتي اخوي ... و دعواتك لليوفي بالتوفيق

ياشباب وين الردود اللي تسر الخاطر تكفوون