هلا اختي شوفي السيتي سنتر والحي الثقافي وجزيرة اللؤلؤه كلهم جنب بعض يعني من السيتي سنتر الى الحي الثقافي ثلاثه كيلو ومن الثقافي الى اللؤلؤه كيلو وبالنسبه لسوق اللاجونا هو عند مدخل جزيرة اللؤلؤه بس للحين ما فتح على حسب علمي .
فيلاجيو بجانبه حديقة اسبااير يعني تطلعين لها مشي ...
بالنسبه لسووق واقف امتداد للكورنيش .
بالنسبه للكورنيش فهو ممتد من سوق واقف مارا بمنطقه الابراج والسيتي سنتر . وطبعا المتحف الاسلامي على الكورنيش .
لو قسمنا الرحلة ليومين ممكن نقوول تطلعون عالساعه وحده السيتي سنتر تتمشوون وتتغدوون على الساعه اربع تمروون جزيرة اللؤلؤه تمشون ساعه فيها وبعد المغرب تروحون الحي الثقاافي ووتتعشون بأحد المطااعم اللي هناك شوي غاليه ..
اليوم الثااني من الصبح بفيلاجيو العاده يفتح الساعه عشر الصباح ما عدا الكوفيات يمكن تسع تتغدوون ومن ثما سينما ومن ثم تمشيه بحديقة اسبااير مع اني افضل تكون بالليل بس مادام عندكم يومين نخلي الليل حق سوق واقف بعد ما تطلعون من حديقة اسبااير بعد المغرب والعشااء بأحد المطااعم بسووق واقف.

اختي شوفي ردي على الراابط https://artravelers.com/p/re/623780

مهندس قطري
الله يعطيك العافيه اخوي ماقصرت والله
معليش تعبناك معانا
جزاك الله الف خير

يعطيكم العافيه بعد اذن اختنا ممكن يفيدها ايضا .. وش احسن سينما .. سوا كراسي وراحه وهدوء وايضا افلام جديده .. وكمان ياليت اسعار التذاكر ؟؟

بالنسبه للسينما اشووف فيلاجيو والسيتي سنتر ممتازين . انا سمعت ايضا انهم افتحوا سينما خاصه للنسااء بأسباير زوون بس الحقيقه ما شفتها ولا اعرف مكانها بالظبط بس حبيت اخبركم

مهندس قطري
يسلمك ربي اخوي مهندس قطري علي التوضيح ... بالنسبه لسينما النساء فقط نساء ولا عوائل ؟؟؟
انا زرت المجمعين سريعا من كم سنه الفيلاجو هادي وارقي ...
علي طاري المجمعات هل فيه مجمعات فتحت جديده السنه او العام ؟؟
ومبروكين علي الزياده وتستاهلون كل خير .. ومعذره من صاحب الموضوع

@بوسيف@
هلا اخووي اولا الله يبارك فييك. ثانيا بالنسبه للسينما انا مااعرف اي شي عنها اللهم شفت اعلان ومن الاعلاان الظااهر انها للنسااء فقط وليس للعواائل . بالنسبة للمجمعاات فيلاجيو الاحلى والاجمل والارقى وبعده السيتي واللاندمارك . بالنسبة للمجمعات الجديده لا والله مافي شي جديد بس انشااء الله قرييب راح يفتح كذا مجمع من ضمنها اكبر مجمع بالخلييج وبيكون بمنطقه الغرافه مقابل اللاندمارك . بس في مجمع صغير فتح اسمه وذنان موول للعوايل بمنطقه معيذر ماانصح بزيارته لانه صغير ومافيه شي جديد . انصحك تزوور المتحف الاسلامي واذا جااي مع لعياال خذهم حديقة الحيواان فيها ملاهي حلوه وعندك ايضاء اكوا باارك فيها ايام خاصه للنسااء والاطفال اقل من تسع سنواات اذا ما خااب ظني .

dala33
أنصحك تحذف مجمع السيتي سنتر من القائمة
وأضف مع القائمة زيارة المنتجعات وعمل جولة فيها
مثل فندق ومنتجع شرق ومنتجع غراند حياة

dala33
بالنسبة للجت سكي
سمعت أن جنب فندق الشيراتون - مكان للمارسة الألعاب البحرية