عليكم السلام
حياك الله
بالنسبة للشاليهات عندنا جراند حياة بس الشاليه ب 2250 ريال
واذا تبي شاليه رخيص عندك منتجع مسيعيد بس هالمنتجع بعيد يمكن يبعد ساعه عن البلد وماانصحك ابدا تقعد فيه
لو تختار لك فندق بيكون أحسن وأرخص
بالنسبة للأماكن السياحيه والمجمعات التجاريه عندنا سوق واقف والكورنيش والمتحف الاسلامي وجزيرة اللؤلؤة ومجمع السيتي سنتر ومجمع فيلاجيو ومجمع اللاند مارك وغيرها من المجمعات اللي تارسه البلد
بالنسبة للجدول :
اليوم الاول روحوا الصبح مجمع فيلاجيو والعصر تمشوا ع الكورنيش و في الليل روحوا سوق واقف تمشوا فيه وتعشوا
اليوم الثاني روحوا الصبح السيتي سنتر وقبل المغرب روحوا اللؤلؤة بيكون الجو زين
اليو الثالث روحوا المتحف الاسلامي وعقبها تقدرون تروحون اللاند مارك بيكون الوقت حلو ذيج الساعه وفي الليل تقدرون تكررون أي مكان من الاماكن اللي ذكرتها لانها وايد حلوه وماتنمل من أول مره ويبيلكم تروحون لها كذا مره
واذا تبي أي خدمه أنا حاضره

1. هذي الشقق الي انصح فيها


2. 2- الاماكن السياحية

بسم الله الرحمن الرحيم
حياكم الله في بلادكم قطر
1- بالنسبة للسكن انا انصح بالشقق اذا كنت اتدور السعر المعقول
لان الشاليهات عندنا مصيبة وكل قطر يعانون من مشكلة الغلاء
ارخص شاليه تقدرون تحجزون له منتحع الغارية 1000 ريال بس بعيد عن الدوحة في شمال قطر
وما اايد للسائح انه يسكن فيه لانه بتضيع ايامه
فاحسن للجميع السكن في الفنادق او الشقق
وانا افضل الشقق لانها فيها خصوصية وانا احب المكان الي اسكن فيه يكون فيه مطبخ
ومن الشقق الممتازة عندنا

• Holiday Villa Hotel & Residence City Centre Doha

تقدرون تحجزون من موقع booking.com السعر للشقة غرفتين 900 ريال شاملة الضرايب والفطور ل4 اشخاص
في المنتزه وقريب من منطقة المطاعم عندنا -شارع النصر

• شارع السد
• شارع سحيم بن حمد

وتقدرون تروحون سوق واقف والكرنيش ومنطقة المجمعات بسهولة

• Ezdan Hotels & Suites Doha

شقق جديدة في منطقة الكورنيش وهي المنطقة المشهورة غندنا في قطر وقريبة من مجمع السيتي سنتر
وسوق واقف
سعر الشقة غرفتين 1100 شاملة الضرايب وبوفيه الفطور ل4 اشخاص

• Somerset West Bay, Doha

شقق موقعها ممتاز في المنطقة الدبلوماسية منطقة السفارات والمسافة بينها وبين السيتي سنتر مول دقايق او اقل
سعر الشقة غرفتين 1150ريال قطري شاملة الضرايب وبوفيه الافطار ل4 اشخاص

هذي الشقق الي انصح فيها

2- الاماكن السياحية

• مجمع السيتي سنتر
• مجمع فيلاجيو
• مجمع حياة بلازا ملاصق لفيلاجيو
• سوق واقف: سوق شعبي متحضر فيه محلات ومطاعم ومقاهي
• متحف الفن الاسلامي ابصراحة ما زرته
• جزيرة اللولوة

http://www.thepearlqatar.com
جزيرة صناعية قريبة من فندق الريتز كارلتون تقدرون تدخلون ابسيارتكم
فيها ممشا حلو ومطاعم راقية وغالية والبعض منها يبيع الخمور

• الحي الثقافي مكان جديد وكثير من الناس ما يعرفون هل مكان

وهو بمحاذاة فندق الانتر كونتيننتل عبارة عن ممشا حلو فيه مطاعم جربت المطعم المصري وكان حلو بس غالي شوي
وسمعت انه في مطعم هندي يمدحونه

بوخطاب
المطعم إسمه زعفران وخساره سكروه مادري ليش مع إن طريقته في الطلب جديدة وتختلف عن باقي المطاعم

النوريq
والله كفيتي ووفيتي اخي الله يجزك كل خير
بس عندي سوال
الاكوبارك تنصحوني اروح لها
واذا تكرمتي اريد موقع شركه السينما بقطر
واريد اسماء الشوارع التي تقع فيها المولات الكبيرة
ومشكوره
داري اني تعبتك معاي آآسف

بوخطاب
والله ماادري وش اقول اابداع
مشكور وجزاك الله الف خير
بالتوفيق ان شاء الله

almdmar
عادي ماسويت شي
بالنسبه للأكوا بارك ماأنصحك تروح لها لانهم بيفتحونها في العيد وبتكون زحمة موت يعني مب قادر تستانس فيها
بالنسبة لموقع السينما هذا موقعهم
http://www.qatarcinemas.com/
ومافيه الا سينما المول وسينما الرويال بلازا واللاند مارك وسينما الخليج والدوحه
طبعا ماانصحك أبداً تجرب سينما الخليج والدوحه
وباقي السينمات اللي ذكرتهم أعتبرهم درجه ثانيه
والسينمات اللي عندنا ويعتبرون درجه أولى أول شي سينما سيتي سنتر وعقبها سينما فيلاجيو
واذا بتجرب السينما جرب سينما سيتي سنتر او فيلاجيو بس لان الباقي مثل ماذكرت قدامى ومب ذاك الزود
وهذا اعتقد موقع سينما سيتي سنتر وهالسينما موجوده في البحرين وقطر لانهم تابعين لنفس الشركه وعندهم نفس الافلام
http://bccmovies.com/index.asp

اخوي انت بتسوق علشان جذي محتاج اسماء الشوارع اللي فيها المجمعات ؟
فيلاجيو موجود في شارع الوعب
وسيتي سنتر موجود في الدفنه
ولو كنت ناوي تروح بتكسي مايحتاي تقول لهم اسماء الشوارع لان هالاماكن معروفه ومشهوره في قطر وأكيد كل التكاسي تدلها

النوريq
ايه حنا بنروح بالسيارة
على شان كذا ابي عناوين المولات الكبيره
وش رايك بفندق الليوان ؟؟

فندق الليوان فندق جيد انا دخلته ونظام الغرف الي فيه تظام استوديوهات
المنطقة الي فيها الفندق منطقة تعبانة شوي في دواعيس
بس احسن ما في المنطقة مطعم اسمه (اليازي) احلا مطعم يسوي عيوش واكلات شعبية في قطر
الفندق خلف مسجد ابوبكر الصديق واذا عندكم جارمن اكتبو شارع (ام غويلينة) هذا اسم الشارع الي يقع فيه الفندق
وتراه قريب من الكورنيش وايد المطعم الي في الفندق مطعم مصري مدحولي اياه الربع يقولون عنده خوش حمام