ابونورة المدينة
27-10-2022 - 11:06 pm
سلام عليكم
تكفون ابي اسافر لكيرلا ولا ادري كيف بس اسمع عنها وشفت كم صوره خبلتني المهم معلومه مهمه تراني عريس وابغى انبسط وعندي بعض الاستفسارات وهي كالاتي
1) اش افضل مناطق لان على حد علمي انها ولاية يعني افضل المدن اللي فيها
2)افضل خطوط اطلع عليها مع العلم اني من المدينة المنوره
3) كيف الفيزا وش طلبتها وكيف تطلع
4) مدة السفر من 31/10/2011 الى 10/11/2011 تتوقعون احصل حجز وكيف الجو عندهم
5) افضل حجز فنادق من موقع الفندق والا مكتب سياحي وماهي افضل المكاتب لاهنتو
ارجو المعذرة على الاطاله لكن مستجد على السفر بعوائل
ابشر بعزك دامك من مدينتي
مايهمك راح اعطيك كل شي من منتجعات الى خط رحله الى ماتحتاج حمله معك الى ماتشتريه من هناك مالك هم
اهم شي ابحث عن حجز طيران اول وحدد الرحله وكم يوم ناوي
ثاني شي لازم تروح جده وتخرج الفيزا لك ولزوجتك على الجواز (ارح اوضف لك المكتب يخرجها لك خلال 48 ساعه ) قيمة الفيزا الوحده235 ريال
بنسبه للخطوط ابحث عنالخطوط القطريه او الامارتيه او الهنديه او السعوديه
خط السير كوتشن الوصول الاقلاع تريفندرام او العكس هذا احلا خط رحله(القطريه - الاماراتيه _ الهنديه
خط سير كوتشن وصول اقلاع كوتشن ( السعوديه)
والباقي مالك هم فيه من مكاتب واسعار ومنتجعات
طلبات الفيزا صورة كرت العائله وصور شخصيه صورتين
وخلي حجز التذاكر معك احتياط