اهلين اختي الغاليه
بالنسبه لايطاليا اغلب المحلات تقفل في اغسطس
لذلك خلي البدايه ايطاليا حتى تستغلين الاسواق والتخفيضات
غير كذا ايطاليا في موقع متوسط واستراتيجي ,
ممكن تعطيني عدد الايام لسفرتكم واقترح لك برنامج يناسب لك وممكن افيدك بوسيله الترحال بينهم لاختصار الوقت
تحياتي

توني اشوف انها اسبوعين يعني 14 ليلة
بقترح لك برامج اختاري منها ما يناسبك وعدلي زي ما تحبين
اقترح لك البدايه تكون ميلانو
ميلانو 3 ليالي ( ومنها تزورين لوقانو السويسريه 60 كم عن ميلانو )
فينيسيا 2 ليلة
ثم السفر بواسطه الطيران الاقتصادي من فينيسيا الى ميونخ الالمانيه(لقربها من زيلامسي النمساويه) وسعر هالطيران تقريبا 300ريال للشخص ) اقل او اكثر حسب اليوم
ميونخ 2 ليلة ( ميونخ ممتازة للتسوق ولو ما تحبين تتسوقين ممكن تخلينها 1 ليلة )
زيلامسي 4 ليلة
فيينا 3 ليلة
والعودة للوطن من فيينا
وممكن تنتقلين من فينيسيا الى فيينا ثم زيلامسي ثم اخيرا ميونخ ومنها العودة للوطن
الخيار الثاني :
من الوطن الى ميلانو
ميلانو 3 ليالي
ثم السفر بواسطه الطيران الاقتصادي من ميلانو الى فيينا وسعر هالطيران تقريبا 300ريال للشخص ) اقل او اكثر حسب اليوم
فيينا 3 ليالي
زيلامسي 4 ليالي
ميونخ 2 ليلة
ثم السفر بواسطه الطيران الاقتصادي من ميونخ الى باريس وسعر هالطيران تقريبا 300ريال للشخص ) اقل او اكثر حسب اليوم
باريس 3 ليالي
والعودة من باريس
الى باريس نجد مباشرة
الخيارات كثيرة بس حاولي تستعجلين قبل ما تطير الحجوزات وترتفع اسعار الفنادق زياده

السلام عليكم ..
يعطيك العافية أخوي خالد على الجدول المقترح رائع...بس احس كثير على زيلامسي 4ايام؟خاصة أنك تقول فيينا 3 ايام أحس العكس المفروض ..او 5فيينا2زيلامسي...
ودي اعرف كم المسافة بين كل مدينة وآخرى....وهل ترجح ميونخ أو باريس؟؟؟...الرحلة...اسبوعين او اكثر شويه...بعدين الظاهر انك كبرت وبديت تنسى...من متى انا صرت من سكان باريس نجد؟
ابسئل ايطاليا باغسطس تسكر تسكر ؟؟؟كيف يعني مااللقى محلاتهم مفتوحه؟.؟؟ولاتخلص التخفيضات؟؟طيب ممكن أعرف اكثر متى التخفيضات تقريبا..؟؟
الف شكرك لك أخوي...

1. لا ما كبرت بس اتكلم عن الاصل تبين اقولك وين كنتي تدرسين ووش تخصصك ؟

النوني

لا ما كبرت بس اتكلم عن الاصل تبين اقولك وين كنتي تدرسين ووش تخصصك ؟

احس كثير على زيلامسي 4ايام؟خاصة أنك تقول فيينا 3 ايام أحس العكس المفروض ..او 5فيينا2زيلامسي
والله هذي على حسب انتم وش تحبون الصخب والا الطبيعة ...الخ , ولكن زيلامسي تستاهل وبامكانك الاطلاع على صورها من تقارير الاخوان... عموما بامكانك عكسها وتكون فيينا 4 وزيلامسي 3 ولكن نصيحة لا تفوتك تراها أجمل مدينة في مخططكم (طبيعةً)
وهل ترجح ميونخ أو باريس؟؟؟
أكيد باريس افضل (لو ما يجيك الا عطورها , بس الترزز والبهرجه خوذي طولك) , بس ميونخ تعتبر قريبه من النمسا بعكس باريس اللي لازم طيران ومادام فيها اكثر من اسبوعين شويه روحي باريس ولكن بالطيران الاقتصادي
ودي اعرف كم المسافة بين كل مدينة وآخرى
ما ادري اي برنامج اخترتي ؟
عموما
بين فينيسيا وميلانو 295 كم (3 ساعات بالقطار )
بين فينيسيا وميونخ 504 كم (ولكن السفر بالطيران الاقتصادي افضل تقريبا 300 ريال للشخص)
بين ميونخ وزيلامسي ( ساعتين وثلث بالقطار)
بين زيلامسي وفيينا (ثلاث ساعات و 40 دقيقة )
بين ميونخ وباريس 855كم (والسفر بالطيران الاقتصادي افضل تقريبا 400ريال للشخص )
ابسئل ايطاليا باغسطس تسكر تسكر ؟؟؟كيف يعني مااللقى محلاتهم مفتوحه؟.؟؟ولاتخلص التخفيضات؟؟طيب ممكن أعرف اكثر متى التخفيضات تقريبا..؟؟
لا مو كل المحلات تسكر في اغسطس , حسب علميولكن الاكثر , وانا مو خبير بالاسواق كل هذا من قراءات وخبرات الآخرين والتخفيضات تكون في جولاي

الله يعافيك يارب تعبتك الله يجزاك الجنة..
خلاص إن شاءالله ركزنا على .. ميلانو..فينسيا..فيينا..زيلامسي..
بس الحيرة في ميونخ أو باريس؟
ميلانو 3 ايام..فينسيا يومين..فيينا 4أيام..زيلامسي 4 أيام ..
ويومين ياتكون في باريس أو ميونخ...؟
طبعا ودنا تكون المحطه الاخيرة تسوق؟بس إذا بتروح التخفيضات حسافه..نخليها بلأول..
بس شكل بين إيطاليا والنمسا مسافه يعني بنحتاج الطيران مرتين؟
من ايطاليا للنمسا..ومن النمسا لباريس اذا اخترنا باريس....نخليها شكلنا ميونخ..؟
كذا كيف نتنقل ؟؟ووش نخلي أول شي؟؟وكم المسافات بينهم؟
الله يسهل الي فيه خير..
..
ماشاءالله عليك مانسيت.ياباش مهندس
وانا مانسيت أنك خدوم ... الف شكرر أخوي..

النوني
اول كنت اسميك ريم
عموما
ميلانو 3 ايام..فينسيا يومين..فيينا 4أيام..زيلامسي 4 أيام ..
ويومين ياتكون في باريس أو ميونخ...؟
حتى تروحين باريس لابد تمرين ميونخ سواء مبيت او مرور (لان ما يروح باريس الا من فيينا او ميونخ والاقرب لنا ميونخ )
اذا هي يومين خليها ميونخ , وميونخ ممتازة للستوق
اذا 3 ايام روحي ميونخ مرور مباشرة للمطار همن روحي باريس
بس شكل بين إيطاليا والنمسا مسافه يعني بنحتاج الطيران مرتين؟
من ايطاليا للنمسا..ومن النمسا لباريس اذا اخترنا باريس....نخليها شكلنا ميونخ..؟
صح من فينيسيا الى فيينا (شيكت على سعرها والسعر متغير لقيته حول 200ريال للشخص- ومن ميونخ الى باريس )وانا قلت لك اذا كانت يومين خليها ميونخ
كذا كيف نتنقل ؟؟ووش نخلي أول شي؟؟وكم المسافات بينهم؟
من الوطن الى ميلانو
ميلانو 3 ليالي (همن السفر بالقطار الى فينيسيا )
فينيسيا 2 ليلة ( همن بواسطه الطيران الاقتصادي 200ريال للشخص ) الى فيينا
فيينا 4 ليالي ( بالقطار الى زيلامسي 3 ساعات و40 دقيقه )
زيلامسي 4 ليالي ( بالقطار الى ميونخ ساعتين وربع )
ميونخ 2 ليلة ( او المرور من ميونخ والتوجه للمطار مباشرة والسفر الى باريس بالطيران الاقتصادي اذا كانت 3 ليالي )
العودة للوطن من ميونخ او باريس
ماشاء الله عليك ما نسيتي اني باش مهندس

خليناها ميونخ...
إن شاءالله بتكون..ميلان..فينسيا..فيينا زيلامسي..ميونخ..
مشكور الف الف شكر على الرد الي بوقته...والواافي..
الله يجزاك خير يارب..ومعليش والله على التأخير بس والله الايام الي فاتت انشغلت مره و ركضه مع اول الاجازة.. الله يعين الجميع...
ودعواتي لك بالتوفيق ..والذرية الصالحة..آمين

ما سوينا شي بالتوفيق ان شاء الله وعقبال ما تختارون الفنادق وتخلصون الحجز وتروحون وتجون وتجيبون لي هديتي