انا مثلك بروح يومين
ماقدر افيدك بس الاماكن اللي نحن بنسيرها سوق حريم اذا زوجتك حابه تتشراا وتفصل جلابيات

• العربيد
• معارض بيت ديفا وبيت سدره
• سيتي سنتر

اما الاماكن السياحيه فبيفيدونك اهل الكويت انشالله ، وبالنسبه للفنادق اعجبني سفير الفنطاس
انت اتطلع على مواضيع القسم وبتعرف الاماكن الحلوه

يا هلا ومرحبا
المجمعات مفتوحة فيها كل شي يعني الجو ما يساعد ان تكون برة افضل لك فندق المرينا لازق فية مجمع المرينا ومليان مطاعم وهو علي البحر يعني منظر حلو وتتنقل للمجمعات القريبة وممكن تزور الابراج وممكن تسكن بهلتون المنقف هو منتجع وحلو بس عن العاصمة تقريبا 20 دقيقة بس يمك منطقة الفحيحيل فيها اماكن للتسوق والمطاعم عندنا ما تحتارون وايد وكثير ولازم تزورون المباركية سوق قديم كل شي فية من محلات مجوهرات ومحلات ملابس رخيصة ومحلات تراثية ومطاعم شعبية حلوة وهو وسط العاصمة وعسى افدتكم ولكن باقي المنتدى فية كنز من المعلومات

شوف تقريري ( رحلتي الي الكويت )
راح يفيدك حيل

البحار
وعليكم السلام ورحمه الله وبركاته
المجمعات المغلقة ( المول mall)....
1-الافينيوز في منطقة الشويخ
2-مارينا في منطقة السالمية على شارع الخليج العربي
3- المهلب في منطقة حولي
4-الكوت في منطقة الفحيحيل
5-سليل في منطقة الجهراء
6- شرق في منطقة شرق
7-مغاتير في في منطقة الفروانية
الاسواق الشعبية .....
1- سوق الفروانية ( العربيد )
2- سوق الفحيحيل ( الدبوس )
3- سوق الكويت ( المباركية )
4- سوق الجهراء (مجمعات واره )
1- سوق جليب الشيوخ ( الشارع الرأيسي )
الاماكن الترفيهية ......
1- حديقة الشعب في منطقة الشعب
2- مرح لاند في منطقة جنوب الصباحية
3- المدينة الترفيهية في منطقة الدوحة
4- اكوابارك في بنيد القار تحت ابراج الكويت
5- حولي بارك في منطقة حولي
المطاعم ......
1- برج الحمام في السالمية على شارع الخليج العربي
2- ميس الغانم في بنيد القار مقابل ابراج الكويت
3- قيصر في مدينة الكويت خلف فندق الشرتون
4- قصر يلدز في مدينة الكويت في برج حمود
5- قصر فخر الدين في مدينة الكويت خلف قصر العدل
6- فريج صويلح في منطقة السالمية خلف مجمع المارينا مول
7- سلسل من المطاعم على شارع الخليج العربي على البحر مثل روبي تيوزدي و ابل بيز و مطعم الابراج الكويت

أود أن أضيف لما قاله الاخوة
المجمعات التجارية :-
مجمع الراية ( شارع الشهداء )
مجمع الصالحية
مجمع الأفنيوز
مجمع 360
مجمع أولمبيا الكويت مقابل المركز العلمي
مجمع مارينا مول
سوق شرق
المطاعم
التسيمو في برج النصار
ريكاردو في فنقد الشيراتون
لونوتر على البحر
مطعم البلد اللبناني
دون ماريوز
ليالي الخيام الايراني
شابستان الايراني
أشاز الهندي في مارينا مول
النوخذة في كراون بلازا
مطعم الحمرا في الشيراتون
مطعم الطاووس
مطعم بخارى الهندي في الشيراتون

هلا فيك أخوي
في مجمع أتمنى الاخوان يذكروني باسمه إذا ماني غلطان بالفحيحيل " خاص لدخول العوائل " يعني إذا كنت تتضايق من المجمعات المفتوحة للشباب، وإذا تبيه ومحد فادك ان شاء الله أقدر اجيب لك اسمه
شارع الخليج طويل من منطقة المسيلة لي منطقة الشويخ
طول الشارع مطاعم على ايدك اليمين وتحصل القهاوي الشعبية ويوم البحار وايضاً مجمع المارينا مول وسوق شرق على نفس الشارع
وإذا بخاطرك فندق المارينا مول تابع للمجمع ويقع على شارع الخليج ( المجمع وحواليه دائماً زحمة )

انصحك يا البحار تقعد بالكويت على الاقل خمس ايام
لآن ما راح يكفي يومين ابدا الا تشوف المطار و الفندق و ترجع

الافنيوز والمرينا مول من احلى المجمعات بالكويت
سوق المباركيه شعبي وقديم وكل شي فيه
المطاعم ماكي الياباني مميز عندنا اذا تحبون الاكل اليابانيتلاقونه بالمرينا ويفز على البحر او بمجمع الافنيوز
وشكثر مطاعم على البحر

المركز العلمي على البحر وايد حلو وطفلكم بيستانس عليه