عشر مشاهدات ولا رد واحد يااعضاء مازلت انتظر متعشمه خير فيكم ان شاء الله .
انطر رد ان شاء الله من الخبير المميز واخ الجميع موادع الي صراحه متميز دايم وانا من المتابعين له من فتره جزاه الله خير ووفقه الله لما يحب ويرضى

السلام عليكم
انتي كاتبه من له تجربه فعليه في الفندقين ، يعني حددتي شرط فأكيد الاخوان اللي ما سكنو بالفندقين ما راح يردون ، عموما ان شاء الله يكون في احد الاخوان جرب هالفندقين ويحط لنا مقارنه بينهم .

1. شوفي التوصيف من بوكينج :

هلا ريومه
أنا رحلتي قريبة و حجزت آخر 3 ليالي في الماربل ريزدنس بصراحة تمنيت حجزت كل الايام فيها عشان تجهيزات الشقة نفسها
طبعا اخذت شقة فيها 3 غرف نوم و بس أنا و زوج و نونو ههه كانت أخر شي متوفر و لأن حجزنا متأخر مرة
بخصوص شقتي فيها كل شي فرن و ثلاجة و مكرويف و غسالة و نت مجاني و مواعين و كوايه يا سلام ... إلخ و بس عيبها على شارع الادجوارد ( العرب )
أنا بس مو عاجبني الشارع لأنه صاخب بالليل ,,, و حبيت الشقة عشان عشان أغسل ما باخذ معي ملابس كثير لأني أبغى مكان في الشنط للمشتريات
و لوما لقيت أكل يعجبني بطبخ لأن ذوقي صعب بالأكل و برضو فيها تدفئة و أرضيتها سجاد لأن طفلي يحبي ,, يعني ناسبتني من كل النواحي
يمكن إنتي ما تحتاجي كل هذا ,, ف على حسب رغبتك .. و إن شاء الله أنزل تقرير عنها لما أرجع

شوفي التوصيف من بوكينج :

تحتوي هذه الشقة الواسعة المكونة من ثلاث غرف نوم على منطقة معيشة كبيرة مزودة بتلفزيون بشاشة مسطحة/ مشغل دي في دي، وتوفر خدمة الواي فاي المجانية كما يتم توفير خدمة الخادمة مرتين في الأسبوع. وتحتوي غرفة الدش العصري على لوازم استحمام مجانية كما يوجد مطبخ مجهز تجهيزًا كاملاً يحتوي على أدوات مطبخ، وغسالة ملابس، وثلاجة. كما تشتمل الشقة على مرافق كي الملابس ومجفف شعر.
مرافق الشقة: مشغل دي في دي, شاشة تليفزيون مسطحة, صندوق أمانات, تكييف, مكواة, مرافق كي الملابس, منطقة للجلوس, غسالة ملابس, تدفئة, أرض مغطاة بالسجاد, أريكة , أرضيات خشبية, خزنة ملابس, أدوات تنظيف, مجفف شعر, مستلزمات حمام مجانية, مرحاض, حمام, حوض استحمام أو دش, مرحاض إضافي, بيديت, ثلاجة, ميكروويف, غسالة أطباق, مطبخ, منطقة لتناول الطعام, غلاية كهربائية, أدوات المطبخ, فرن, محمصة

توكلو على الله
اهم شي الموقع لان الشقة في لندن للنوم فقط
بالتوفيق

Dona LoOoz الله يعطيج العافيه ياعمري ماقصرتي وتروحين وتردين بالسلامه يارب والله يحفظلج البيبي اللهم امين
انا حاجزه نفس الي حجزتيها بالضبط ثلاث غرف احنا عائله بس نص شهر 6 و13 ليله ب 27 الف بس الحمدلله الغاء مجاني وقريت كل التوصيف المكتوب عنها وعشان جذيه حجزتها وممكن الغيها . وفي التعليقات المكتوبه عن الشقه فيه ناس تمدحها وفيه ناس تذمها وابي اسوي مقارنه بينها وبين جراند بلازا واختار .
وفيه بعد شقق 202 وللحين محتاره
وانتي اذا قريب سفرتج ياريت الله يعطيج العافيه اذا تقدرين تراسليني وتقولين لي انطباعج عنها اول ماتروحين تسوين فيني خير عشان مااقعد ادور بين كذا شقه ،
ربي يسهل لكم يارب ويحفظكم ويردكم سالمين اللهم امين

إن شاء الله .. من عيوني الثنتين

تسلمين يالغاليه وجزاج الله خير
وانا في انتظارج ان شاء الله