om.3bo0ody
15-10-2022 - 08:32 am
السلام عليكم ورحمة الله وبركاته
اتوقع مثل موضوعي كثير ومو اول مره يمر عليكم هالموضوع
بس افتر راسي وانا ادور الاجابة على استفساري من مواضيع اخواني واخواتي
بالاخير قررت اكتب موضوع
ببدأ استفساري او بالاصح طلبي واتمنى منكم مساعدتي
والله يسعده دنيا واخره ويوفقه ويفتح له ابواب رزقه اللي يساعدني
بدعي له من كل قلبي
بسافر ان شاءالله شهر 1 ميلادي لاسبانيا
لمدة اسبوع ومحتاجة احد يسوي لي تقرير ومخطط للرحله
الميزانيه 14الف ريال سعودي
غير شامله تذاكر السفر
واخيراً تحققت امنيتي وبسافر للدولة اللي احلم فيها
بس زوجي رافع ايده من الموضوع لانه مو مقتنع بالسفره لاسبانيا
ومحملني مسئولية ترتيب السفرة من الالف الى الياء
وبيني وبينكم متوقع اني بكون السبب في ضياعنا في اسبانيا
وابي اغير نظرته ويصير العكس ابيها تكون احلى سفره سافرها بحياته
تعويض عن شهر العسل اللي ماحصل لي
وارجوكم مااحد يطلب مني اغير وقت السفره لان الجو برد
انا من اربع سنين احن واقدم طلبات ومعاريض علشان تحصل لي هالسفره
اخاف ااجلها وتروح علي مثلها مثل السفرات اللي راحت علي
سوري طولت عليكم وازعجتكم بقصة حياتي
سوري ماحددت كنت ابي منكم ترشحون لي افضل المدن اللي تستحق زيارتها
مدوحوا لي اشبيليا وغرناطه وقرطبه والحمراء والزهراء
ماادري وش رايكم