ابي أعرف هل الخطوط القطرية تروح الى شيكاغو , اللي اعرف انها ما لها خط على شيكاغو ................ ؟ ترانزيت ساعة واحدة في مطار jfk ما تكفي على الاقل تبون لكم 3 ساعات ترانزيت ارجو لكم التوفيق

اولا امريكا بدون سياره ما تسوي ابدا
انتو 10 اشخاص والشاب عمره 18 فقط ( تحتاجون فان كبير يشيل هالعدد ، شوي صعب تلاقون شركه ايجار يسمحون له )
سالفه الترانزيت صعبه شوي
من الخليج لامريكا علي الاقل 14 ساعه وترانزيت وبعدين 5 ساعات للوس انجلس !؟!؟!؟ تعب وايد

ايه تروح بس انا مو مقتنعه بخط سير الرحلة و محتاجه اعدل عليه
فعلا اللي حجزوا قالوا لمضيف الحجز انها ماتكفي اكد لهم بالرجعة و على القطرية تكفي و انا ما احب القلقل و ركضت المطارات عشان جذية بعدلها بس انتظر مشاركة الاخوة و ارآئهم و بناءا عليها بعدل على الحجز

السلام عليكم
اخوي عزيز مو الشاب اللي بيسوق ثنتين منا بيسوقون وراح نأجر سيارتين حجم كبير سويربان مثلا بيكون اريح لنا
بس انا افكر نروح من الدوحة عى نيويورك نقغد ثلالث ليالي و ناخذ سيارة على لوس انجلوس و منها نبدا جولتنا و نرجع بنفس الطريقة من لوس انجلوس على نيويرك نقعد ليلة او ليلتين و منها على قطر
شرايك؟

من نيويورك الى لوس انجلوس بالطيارة و بنأجر السيارة بلوس انجلوس و الرجعة نفس الشي من لوس انجلوس الى نيويورك بالطيارة و بعدين على قطر
انتظر ارائكم و اقتراحاتكم
تحياتي للجميع

لبي قلبك ياقطر
معناها انكم كنسلتو شيكاغو و بعدين بتصير كل قعدتكم في لوس انجلوس مو رايحين مثلا : سان فرانسيسكو و سان دييجو و اورانج كاونتي

alderhim
شوف اخوي هالخطة عطاني اياها الاخ عزيز السنة اللي طافت و راح امشي عليها مع زيادة عدد الايام
بس احنا بنروح على القطرية محتاره من وين نبدا واصلا احنا حجزنا مثل ماذكرت بالبداية بس ممكن نعدل ع الحجز
هاي خطة الاخ عزيز:
عندكم 27 يوم ( 26 ليلة ) حسب التواريخ اللي حطيتوها
سان فرانسيسكو 4 ليالي ...... وبعدين بالسيارة 7 ساعات الي ايرفاين 6 ليالي .... بالسيارة 4 ساعات الي فيقاس 4 ليالي ....... بعدين بالسيارة 5 ساعات الي سان دييغو 4 ليالي ..... بالسيارة ساعتين لوس انجلس 8 ليالي
هذا اشوفة مناسب،،، شرايكم؟
هل راح تاجرون سيارتين او سيارة؟

اذا بتسافرون على القطرية لازم من طيران داخلي الى احدى مدن ولاية كاليفورنيا لأن القطرية لها ثلاث محطات في امريكا و هي : نيويورك , واشنطن , هيوستن و اخيرا فيلاديلفيا نصيحة لكم لا تستخدمون القطرية ... الاماراتية من دبي رأساً الى سان فرانسيسكو و العودة من لوس انجلوس الى دبي ثم الى مطار الدوحة ارجو لكم رحلة سعيدة

اتفق مع أخونا الدرهم
الاماراتية من دبي رأساً الى سان فرانسيسكو و العودة من لوس انجلوس الى دبي ثم الى مطار الدوحة
هذا اذا ماراح تروحون نيويورك
اذا بتروحون نيويورك فروحوا علي القطريه وتصير
نيويورك،،،،سان فرانسيسكو،،،،ايرفاين،،،،لاس فيقاس،،،،سان دييغو،،،،لوس انجلس،،،نيويورك
لاكن احسها شوي متعبه فاقترح إلغاء سان فرانسيسكو