الجو هذه الايام بارد وخاصه في الليل
بصراحه ما في برامج كثيره بس يمكن اتنوعونها يعني
عندكم مجمع السيف ومجمع الدانه فيه سنما العاب ترفيهيه ومطاعم وتسوق مجمع اللولو ومجمع البحرين ومرينا مول للتسوق
عندكم سنما سار وسنما الجزيره
الكافي شوبات كثيره وحلوه ممكن اتنوعون فيها التمشي على الكورنيش مثل كورنيش الملك فيصل والنادي البحري
زيارة محميت العرين وبيت القران ومتحف البحرين والاسواق الشعبيه
وان شاء الله يفيدوكم الاعضاء اكثر بس اخذي لفه البوابه وراح تحصلين على معلومات اكثر اتفيدك وهلا وسهلا فيكم

مجمعات: مجمع السيف، مجمع الدانة، مارينا مول، مجمع البحرين، مجمع العالي، شيراتون مودا مول
أسواق شعبية: سوق المنامة، سوق المحرق، سوق واقف
سواحل: كورنيش الملك فيصل، كورنيش المارينا، كورنيش الغوص، ساحل أبوصبح

ابولبابه
مشكور ماقصرت عافاك الله

Warrior Within
الله يعافيك

طيب وش تفضلون فندق موقعه ممتاز ونظيف وحلو
معليش سامحوني طفشتكم

الجو جميل وبارد لكن الرطوبة قد تسبب مشكلة للبعض، أقترح عليك الجلوس عصرا في أحد المقاهي المنتشرة في منطقة العدلية أو العشاء بها ليلا

هلا بيكم في البحرين
الجو هالايام حلو يعني بداية البرد وتنخفض الحراره اكثر في الليل
عشان جذي استغلو الجو الحلو في زيارة الاماكن المفنوحه مثل الكوفي شوبات الي فيها قعدات خارجيه مثل لاشوكولا في ضاحية السيف و كوكوز في العدليه وغيرها
والاخوان ما قصرو في ذكر المجمعات واماكن التمشيه
وبخصوص الفندق عندج ميركيور جراند موقعه ممتاز لقربه من المجمعات التجاريه يعني تروحين العالي والسيف مشي
وتعبرين شارع تروحين مجمع البحرين " جيان " وتمشين لنهاية الشارع بكون مجمع الدانه والشارع الي بعده مجمع اللولو والمارينا وعلى نفس الامتداد تلقون كورنيش الملك فهد
واي سؤال ترانا حاظرين

شوق نجد سفره سعيده في ربوع البحرين طبعا البحرين راح تكون مزدحمه وإذا ما ترتبين لك حجز من الآن فلن تجدي أي حجز أنا أوصي باجنحة السيف أجنحه راقيه عائليه وقريبه من المجمعات التجاريه مثل السيف والعالي وجيان والدانه والمطاعم الكثيره وبعيده عن إزدحام وسط البحرين ورقم هاتفه للأتصال 0097317558242 وأسعاره بالأيام العاديه 50 دينار غرفه وصاله ولكن العيد أكيد أكثر من ذلك وعيدك مبارك وأيامكم سعيده
كما أوصي بمطعم الأبراج مطعم نظيف وأسعاره مناسبه وفروعه في العدليه ومنطقة سند قريبه من مدينة عيسى وفي مجمع العالي دور المطاعم
كما أن مقاهي ليمازون دو كافيه أنظف مقاهي البحرين وأكله نظيف وراقي بس غالي شوي وفيه الشيشه تقدم وأحسن فروعه في العدليه والزنج وكذلك مقهى أروما في مجمع السيف
إذاك معاكم أطفال هناك محمية العرين يمكنكم قضاء جزء من النهار فيها . وبالسلامه .

أهلا وسهلا فيكم في البحرين ...
البحرين مثل ما تفضلوا الاخوان ,, فيها المجمعات والسنمات والمطاعم والكافيهات وفي المتحف بعد ..... واللي يحيب الأسواق الشعبية ... في سوق المحرق وفي سوق المنامة ...
بالنسبة للفنادق ... عندكم .. فندق الخليج - المنامة (فندق وأجنحة فندقية) .. وفندق الريجنسي - المنامة .. والريتز كارلتون - منطقة السيف ويطل عالبحر .. والدبلومات - المنامة (فندق وأجنحة فندقية) .. والموفنبيك - المحرق (جنب المطار على طول) ... هذي كلها 5 نجوم ...
وفي شقق إليت منتشرة في مناطق البحرين .. شقق نظيفة ومحترمة وأسعارها حلوة ...
ان شاء الله تنبسطون في البحرين ... وحياكم الله ..