1. اما الجدول كالتالي :


2. اليوم الأول :

وعليكم السلام ورحمة الله وبركاته
هلا وغلا بوفهد
وحياك الله بين اخوانك وخواتك وان شاءالله اتفيد وتستفيد
التوقيت حلو واهم شي جيب معك جاكيت + قفازات + سكارف + قبعه ..
بالنسبه للباصات امرها بسيط بس لازم اتحدد الوجهه وين ؟؟

اما الجدول كالتالي :

اليوم الأول :

جولة في الباص السياحي والنزول عند Madam Tussade ثم زيارة Camden town أو ماتسمى بالعربية مدينة الكوميديا ومن ثم قضاء الوقت في أشهر شوارع لندن Oxford Street وفي الأخير تكملة باقي اليوم في أفضل مكان بالنسبة لي في لندن Hyde Park
الهايدبارك وأكسفورد ستريت انسب محطة هي ماربل ارتش marble arch على الخط الأحمر ..
ومدام توسو تلاقونها على الخط البني عند محطة مارليبون Marylebone أما الكامدن تاون فراح أتلاقونها على الخط الأسود عند محطة كامدن تاون Camden town
اليوم الثاني :
البارجة أو المدمرة HMS Belfast
London Eye
London Bridge
Big Bin
Swiss Re Tower (ثاني أطول مبني في لندن بعد برج 42 وأسم الشهرة هو الخيارة )
Imperial War Museum (متحف الإمبراطوري الحربي في شمال لندن )
Tower of London
Millennium Bridge (جسر الألفية للمشاة على نهر التايمز )
عندكم كذا محطة اتوديكم وهي محطة Westminster وتلاقونها على الخط الأصفر والخط الأخضر ..وعندكم محطة واترلوو waterloo وتلاقونها على الخط البني والخط الأسود ولكن المحطة الأولى هي الأقرب والأنسب
اليوم الثالث :
Harrods
Buckingham ( قصر بكنقهام ) ويفضل زيارته الساعة 11حتى لاتفوتوا تبديل الحرس وهو من أهم المعالم للقصر ..
Natural History Museum ( متحف الطبيعة )
Science museum ( المتحف العلمي )
Royal Albert Hall (قاعة ألبرت الملكية )
محطة النايتس بريدج knights bridge على الخط الأزرق الغامق هي المناسبة ..
اليوم الرابع :
Royal Carriage Museum متحف خاص بالعربات الملكية والإسطبل الملكي والحرس الاسكتلندي
British Museum ( ولا تنسون القسم الإسلامي وحضارة بابل تراها موجودة )
BT Tower(برج الاتصالات في لندن ولا تنسى المطعم في الدور 34 عجيب )
Trafalgar Square Fountain( اخذ أهميه كبيره لأنه كان مكان الاجتماع المركزي في العصور الوسطى )
Chinatown, London
Piccadilly Circus
عندكم محطة البيكاديلي سيركس Piccadilly Circus وتلاقونها على الخط الأزرق الغامق والبني
واي خدمه احنا تحت امرك الغالي

الله يعطيك العافيه اخوي القطري كفيت ووفيت ومشكور على الرد وعلى البرنامج وعساك على القوه يا الغالي