ارجو منكم ياشباب افادتي
تفاجأت اليوم بمكتب الطيران يقولي الفيزا حقتك رفضت ولما سألته عن السبب
قالي انهم يقولون " بدون سبب " معقوله !!!!!!
طبعا السفاره السويسريه
انا الحين تورطت لاني حجزي الاثنين وش رايكم ياشباب

لا تشيل هم ان شاء الله تتسهل
جهز اوراقك كاملة اليوم
ويوم السبت رح للسفارة بنفسك الساعه 8 وقدم اوراقك واطلبها مستعجله بتزيد عليك الفلوس طبعا
واذا لاقدر الله رفضوها (مع اني استبعد هالشيء) تعرف سبب المشكله وتصلحها .
واحتمال يكون المكتب ناسيها ما سواها وعشان يفك نفسه قالك هالكلام عشان يتخلص منك .
اسأل الله ان يكتب لك مافيه خير وصالح لك

1. لاتنسى التوقيع على الجواز في الخانه المخصصه له.


2. موقع السفارة:

أضم صوتي لصوت اخونا مصعب رح بنفسك احسن من واقع تجربه انا رحت لسفارة النمسا بنفسي وكانت اوراقي جاهزة كان قدامي شخصين فقط وماأخذت عندهم اكثر من 20 دقيقه بالكثير شيك الموظف على الجوازات والاوراق وحصل كل شي تمام وطلب مني مبلغ 166 ريال على كل تاشيرة وعطاني وصل عبارة عن ورقه صغيرة تعتبر ورقه مراجعه لاستلام التاشيرة ..........المهم انا رحتلهم بعد اسبوعين واستلمت التاشيرة وحصلت تاريخ اصدار التاشيرة المسجل على نفس التاشيرة موضح انهم اصدروها في خلال 9 ايام من تاريخ تسليمهم الاوراق والجوازات طبعا الكلام هذا كان قبل 17 يوم تقريبا واكيد الحين قل الطلب على اصدار التاشيرات اكثر واكثر يعني راح تقل مده اصدار التاشيرة.
لكن مسئله اصدار تاشيرة مستعجله هذا اللي ماعرفه ولاسمعت فيه من قبل طبعا من خلال مواضيع الاعضاء اللتي لم تتطرق له ..........واتمنى انك تحصل هذا الشي موجود بالسفارة.
اما مسئلة مكتب السفر والسياحه ياليت تطلب منهم يقدمون مايثبت ان السفارة رفضت منحك تاشيرة .
ملاحظة:

لاتنسى التوقيع على الجواز في الخانه المخصصه له.

موقع السفارة:

بعد التفتيش راح يجيك دوار خذ الدوار وطول بعده يجيك دوار ثاني لف من عند الدوار يمين طول وراح يجيك دوار خذ يسار طول وراح يجيك ثلاث دوارات .....عند الدوار الثالث وهو الاخير (يسمونه دوار الدفاع المدني) خذ يسار طول وراح يجيك دوار خذ يسار امش شوي وراح تجيك على اليمين سفارة النمسا وجنبها سفارة سويسرا(يعني مثل منتدى المسافرون العرب بوابه سويسرا والنمسا)
بالتوفيق وبلغنا باخبارك ........

مشكورين ياشباب على ردودكم لكن ممكن تفيدوني بالاوراق المطلوبه
لأني عطيت المكتب صور شخصيه مكشوف الراس + خطاب من الشركة الخاصه بي يفيد اني صاحبها وارغب السفر الى سويسرا هل تتوقعون ياشباب لو اقدم بدون الخطاب افضل يعني اجيب كشف حساب من البنك مثلا ارجو الافاده ... شاكر لكم مقدما

الاوراق المطلوبه:
1- عدد صورتين شمسيه خلفيه بيضاء لايشترط مكشوف الراس
2- كشف حساب باللغه الانجليزيه لاخر 3 شهور
3- خطاب من العمل مترجم باللغه الانجليزيه واذا مو مترجم توديه لمحل ترجمه معتمده يترجمونه لك
4- صورة من البطاقه او دفتر العائله
4- برنت بحجز طيران موؤكد
5- حجز مؤكد بفندق (بعدد الايام اللي ناوي تجلسها بالبلد)تعمله عن طريق مكتب سياحي
6- تامين صحي (تعمله عند مكتب سياحي)
ملاحظه:
انت ليش ماتطلب جميع الاوراق اللي قدمتها للمكتب عشان يستخرجلك فيزا..............اذا السفارة رفضت منحك تاشيرة على كلام المكتب ليش تتحفظ السفارة على اوراقك!!!!!!!!!!!! الشغله فيها انا!!

تقدر تدخل سويسرا بفيزا شنغن تاخذها من اى سفارة اوربية

يعطيكم العافيه ماقصرتوا
شنغن يااميره نوف تطول تاخذ 10-15 يوم وانا مستعجل