وعندي سؤال ثاني بخصوص المواصلات اذا كانت التنقلات من زون 1-2 هل ممكن الاستغناء عن الاندرقراوند واسنخدام الباصات وفقط للوصول للاماكن السياحية و هل هناك زحمة يالشوارع عند استخدام الباصات ؟؟؟
وشكرا

توصلون بالسلامة ان شاء الله وترجعون بالسلامة ..
قطار الاكسبريس يوصل محطة PADDINGTON وتكلفتة 15 باوند يوصلك خلال 15 دقيقة
والاندرجراوند خط الازرق البيكاديلي وبعدين تغير على البني ياخذ ساعة تقريبا واخر قطار الساعة 12
وهذا للتوضيح اكثر
8
8
8
8
8
اختيار مكان استرتيجي وقريب من المحطه وهالمحطه تقدر تروح منها لعدة مدن خارج لندن لانها من المحطات الرئيسيه في لندن بينما أغالب المحطات داخليه ( داخل لندن فقط ) وايضا هذه المحطه سهل جدا انكِ تروحي لاي حي في لندن شوف الصوره واشرح لك عليها شوي
اللي عليها دائره سوداء هذي محطة بادنقتون وأكيد انت تبي تروح تتمشى في شارع ( اجوار رود ) اللي شارع العرب في لندن يعني تدخل المحطه وبحث عن لوحه مكتوب عليها ( سيركل لاين ) ولونها اصفر كل خط له لون محدد زي ماتشوف الالوان في الخريطه ,,
وتستقل قطار اللون الاصفر رح يمشي ولا يوقف الا عند شارع اجوار رود ( تابع الخريطه ) لكن لو بغيت مثلا تروح ( منطقة (البيكاديللي سيركس ) تروح مع الخط البني ورح يوقف بك في عدة محطات بس انت لاتنزل الا اذا وقف عند محطة بيكاديللي ) طبعا رح تسمعه في كل مره يوقفيقول ( the next station is ............ ) يعني المحطه القادمه هي ....,
متعه والله ركوب القطار في الاندرقراوند ,, وايضا عندك الباصات فوق الارض لكن انا ماجربتها طبعا انت لازم تركب الباص السياحي هو الوحيد اللي جربته باص ياخذ بك لفه في كل شوارع لندن المهمه والسياحيه ويفرجكم على المناظر التاريخيه في لندن ,,
ملاحظه مهمه :
اذا كنتِ ناويه تستخدم الاندرقراوند بالعائله مكان بعيد بالليل حط في بالك ان الاندرقراوند يسكر بعد الساعه 12 بالليل ورح تظطر تستخدم الباص وايضا مش صعب سهل جدا أو اذا انت مقتدر ماليا تركب تاكسي ,,
وأتمنى أن تصل المعلومة واضحة .. وبالتوفيق اينما كنت ..
اخوك / ناصر .. الرياض .. N9orY

bedodedo
طبعا اقرب محطة لفندقك هي محطة بوند ستريت على الخط الرمادي ( bond st ) ولا يوجد خط مباشر من بادنقتون الى بوند ستريت فامامك خيارين :
1- تاخذ خط بيكرلو ( البني ) من بادنقتون الى بيكر ستريت ومن هناك تاخذ الخط الرمادي الى بوند ستريت
2- تاخذ تاكسي من بادنقتون الى فندقك ( يكلف تقريبا على حسب الزحمة من 8 الى 13 جنيه )
انا افضل تاخذ التاكسي من بادنقتون لان التنقل بيكون متعب جدا بين المحطات ناهيك عن طريقة وصولك للفندق من محطة بوند ستريت ( الفندق في شارع اسمه ول بيك ) welbeck ... تحياتي ...scott

مشكور اخوي N9orY على الافادة بس انا اقصد من محطة البادنقتون شنو اخذ لي الفندق هل اخذ تاكسي وجم المسافه او انرجراوند واي خط ؟؟

bedodedo
نعم من الممكن بكل راحة ... تعرف رقم الباص اللي يوصلك للمكان وبس... ولايوجد زحام للباصات غالبا ... انصح بشراء بطاقة اويستر كارد واستخدامها للاندر قراوند والباصات ( بالنسبة للاندرقراوند تختار الزون ) اما الباصات فما عندك اي مشكلة معها لو تروح زون 10 ( طبعا ما فيه بس من باب المبالغة ) ... تحياتي ... scott

مشكور scott44 وماقاصرت على المعلومات المفيده

اخوي scott44 سامحني بس عندي استفسار ثاني :
اشلون طريقة الذهاب للمطار ؟؟ هل عن طريق هيثرو اكسبرس وكيف اعرف تاريخ وصله وذهابة للمحطة ؟؟

bedodedo
صراحة انا ما استخدمه ( بس سألت احد الزملاء يستخدمه عادة ) قال ان القطار تقريبا يتحرك كل ربع ساعة والمسافة تاخذ 20 دقيقة ,,, ولا يمنع من السؤال في المحطة اذا وصلت ... تحياتي ... scott

اذا من الممكن تاريخ الرحلة ووقتها والخطوط وممكن افيدك بطريقة الوصول للمطار باذن الله ... scott