dana2014
13-12-2022 - 11:46 am
السلام عليكم ورحمة الله وبركاته
مثل مو واضح بالعنوان بنسافر بعد اسبوع ان شاء الله لهيوستن للعلاج بمستشفى اندرسون واحنا اربعة اشخاص
العلاج بامر من الحكومة لكن الامر موضح فيه انه يغطي مصاريف العلاج فقط
اسئلتي :
ابي اعرف اماكن للسكن وتكون اسعارها معقولة
المستشفى قال لو تبون نأمن لكم سكن ومواصلات خبرونا هل يدخل ضمن مصاريف العلاج لو المستشفى امنها والا لا؟
ولو مايدخل تتوقعون ارخص سكن المستشفى او برا ارخص
المواصلات لا يوجد لدينا سيارة والبنزين غالي ولانستطيع ركوب الباصات لان المريض لاتوجد لديه مناعة كيف نروح ونجي للمستشفى ؟؟؟ هل توجد سيارات اجرة وبكم تكلفتها؟
هل الملحقية تعطي راتب للمريض والمرافقين ؟ لان وضعنا صعب جدا وحسب علمي امريكا غالية
كيف النقاب هناك لاني قرأت مواضيع قديمة قبل2011 ومافيه شي يقلق لكن الان اخاف يكونوا حاقدين على المسلمين
ودي اتعلم لغة وش المعاهد القريةب من المستشفى وكيف الاسعار
وسمعت ان المكاتب العامة و الكنائس تعطي دروس مجانية في السبيكنق احد يعرف عنها شي وعادي احضر وانا منقبة ؟
هل الملحقية تستقبلنا بالمطار؟؟؟
ابوي عنده عمل كيف يثبت انه مرافق للمريض كيف ياخذ الاوراق من الملحقية ؟؟
زمان كنت اقرا انه لما توصل المطار لازم تسجل جوازك لدى السفارة السعودية وين الاقيهم وكيف اسجله؟
وقذأت هنا لازم ارسل للملحق السعودي الصحي تاريخ وصولنا وش ايمليه ؟؟؟
وكمان قرأت انه اخذ منه ورقة عشان اقول عندي ذاتب علشان يسهل عملية ايجار الشقق ممكن توضحي اكثر لهالموضوع
كل عايتلي ماتعرف انقلش ابد عادي ولاا راح نواجه مشاكل؟
اخر شي دعواتكم لمريضنا بالشفاء العاجل شفاء لا يغادر سقما
بانتظار ردكم لان سفرنا بعد اسبوع ان شاء الله
