السلام عليكم ورحمه الله وبركاته صراحة محتاجة مساعدة من الأخوة الكرماء الحوسني وابوبدر انا قرأت كتير صراحة في التقارير والمواضيع وتعبت فعلا وسمعت بنصيحة الأخوة بانني ادور واتعب شوية لغاية ما اعرف عن تايلند شوية وفعلا الحمد الله عندي معلومات كويسة والحمدلله بس محتاجة بعض توجهاتكم ومساعدتكم معايا الله يخليكم
انا محتارة كل يوم ادخل علي فندق جديد و انا صراحة قررت احجز طيران من القاهرة مصر للطيران القاهرة - بانكوك - القاهرة هيا تسع ساعات وربع متعبه فعلا بس دايركت وسعره ارخص من الترانزييت انا حصلت التذكرة 3600 جنيه للشخص يعني للشخصين هتعمل 7200 جنيه ومحتاجة اقعد 15 يوم في تايلند وممكن يقلوا يبقوا 10 ايام بس طبعا بتوجيهاتكم وانا صراحه حسبت الحسبه ومحتاجة فنادق يعني في بانكوك مش محتاجة حاجة غالية يعني ممكن 3 نجوم مفيش مشكلة وسمعت عن اكتر من مكان للشقق فندقية وسعره رخيص مش مشكلة لان معظم الوقت تسوق وبالنسبة لبوكيت 3 نجوم او اربعه بس يفضل اي حاجة قريبه من البحر والمناطق الحيه وممكن تختارولي مدينة كمان مع بوكيت يبقي كويس اوي 15 يوم تتقسم وان شاء الله مقررة اول ما نوصل نريح يومين في اي فندق في بانكوك وبعديين نبتدي الرحلة ياريت بجد المساعدة يعني الطيران الداخلي انا مش هقدر احجزه من النت او من قبل السفر لان مصر للطيران دايما بتتاخر مش ضامنه صراحه الحجز واخاف يروح عليا التذاكر انا عارفه اما هجز في يومها ومن هناك هتبقي غاليه بس معلش احسن ما تروح عليا تمام وتبقي مصر للطيران اتاخرت كده اضمن فنبدأ الرحلة ان شاء الله تطلع الطيارة من القاهرة بتاريخ 4/7/ 2009 11.15 مساء الموافق يوم السبت توصل تاني يوم بتوقيت بانكوك11.55 الظهر الأحد والرجوع 19/7/2009 وانا كنت حابه اول ما نوصل نريح في بانكوك ليلتين وبعديين نسافر بوكيت ومنطقة تانية اختاروها ليا مع بوكيت وقسموالي الايام وبردوا اما ارجع ارجع اقعد كام يوم اتسوق في بانكوك وبعدين ارجع اسافر الي القاهرة يوم 19/7/2009 وصراحة انا الميزانية عاملنها 15000 الف جنية بالمصري للسكن والتسوق والاكل والمواصلات الداخلية من دون التذاكر فهل تكفي الميزانية 15000 لي 15 يوم في تايلند وصراحة كنت حبه يوم في اي فندق في بوكيت انا سمعت ان في مكان هناك بغرفة ومسبح خاص انشاء ليله بس انا عارفه طولت عليكم واسالتي كتير بس انا عارف ان اخواني ماراح يقصروا ابدا ويعطيكم الف عافية