يا هلا فيك أخوي
بالنسبة لسعر الصرف الريال في حدود 2,597.23 روبية اندونيسي
أما بالنسبة للسكن في الفلل فأنصحك بالسكن في المجمعات مثل مجمع فلل جياكرتا - مجمع فلل باريتا - القولف وهناك الكثير من المجمعات وأسعارها من 500000 روبية إلى 700000 روبية يعني من 200 ريال سعودي وانت طالع
وبالنسبة لاختيارك الجبل هو اختيار مناسب جداً
يعني تقدر تروح على سفاري حديقة الحيوان - تروح الباراشوت - تروح كوتا بونقا - تروح الشلالات - تروح منطقة البراكين - تروح على باندونق تجلس فيها يومين مثلاً - يعني فيه خيارات كثيرة في الجبل وحلوة مره
وبالنسبة للتكلفة لمدة اسبوعين هذا يتوقف على حسب متطلباتك ومصاريفك هناك يعني أتوقع في حدود 12000 ريال سعودي تقريباً بتكفيكم إن شاء الله
وأتمنى لكم رحلة سعيدة

اخوي بالنسبه للسكن عندي لك مجمع يصلح للشباب سعر الفيلا 450 الف (غرفتين كل غرفة بحمامها وصالة ومطبخ وبلكونه) وموجوده قدام مقهى ابو عبدالله قبل البقالة السعوديه وعندي رقم الحارس هناك اذا تبغاها(اختر الفيلا اللي عند النهر لأن صوت الشلال روعه واحسن لك من الهدوء)
وبالنسبه للجبل عندك كوتا بونقا(فيها بحيرة) وتامان بونقا (حديقة الورود) وعندك شلالات شليمبير وشلالات شيباناس وعندك بحيرة الليدوا(فيه مطعم وطاولاتهم على قارب يحطون غداء وتاكل وهم يتمشون بك في البحيرة) وبحيرة تيلاقا وارنا وفيه بعد تامان سفاري (حديقة الحيوانات وفيها عرض الكابوي وعروض اخرى يعني يبيلها يوم كامل) وبما انكم شباب عندكم القهاوي هذا كله في الجبل...
وتقدر تطلع يومين على باندونق وخاصة محافظة لمبانق (افضل من باندونق لأن باندونق المباني كثيرة وماتقدر تشوف الطبيعة بينما لمبانق جوها ثاني ) وفيها حديقة الفراولة والانناس والبركان وتشياتر (المويه الحاره) وفيه بحيرة اسمها سيتو باتنجان لافوتك خيالية وروعه وهي موجوده على طريق تشيبوداي تبعد تقريباً ساعة ونصف عن لمبانق
وخل آخر ثلاثه ايام في جاكرتا تزور فيها منطقة انشوف(فيها عالم البحار والسيرك والعروض والتلفريك والبحيرة ودنيا فانتزي(ملاهي) وفيها مطعم بندر جاكرتا لايفوتك) ويوم تقضيه في المطاعم والقهاوي والاسواق ويوم تروحون فيه لأحد الجزر القريبة من جاكرتا وتقدر تحجز عليها من مارينا في منطقة انشول
وبالنسبه للصرف انا صرفت من السعوديه ب2450 ومن الصرافين في مطار اندونيسيا ب2570
واي استفسارات ثانيه انا حاظر

حبيت افيد اخوي بس الشباب معالي الوزير و عادل عبد العزيز ماخلو لي شيء يعني قاموا بالواجب وزيادة يعطيكم الف عافية شباب تسلموا حبايبي