حكآية آرق
11-10-2022 - 11:17 am
السلام عليكم ورحمة الله وبركاته
ارجو ان تكونو في اتم الصحة والعافية
اخواني اعضاء هذا الصرح الشامخ
اخوكم
عريس ان شاء الكريم وزواجي بشهر 8 وقررت اقضي شهر العسل بدول اوربا
ومحتار بين اربع دول
( النمسا - تركيا - سويسرا - المانيا )
علما ان م عمري رحت هالدول مسبقا
اريد الافادة منكم ي اخوان من ناحية افضل دولتين وتكون اسعارها معقوله نوعا ما
يعني اخوكم م يدري وين يدرعم على بلاطه ههه
طبعا ميزانية السفر مابين 30 -40 الف
والاجازه من 15-22 يوم
واحتاج معلومات مفصله من
( افضل طيران ويكون سعره مناسب - مواصلات - فنادق - ...... الخ
شاكر لكم انتباهكم
ارجو الرد والتفاعل مع موضوعي ي اخوان
بالله م احزن ههه
هلا والله اخوي ..الله يتمم زواجك على خير ..وييسرلكم شهر العسل.
والله ياخوي اشوفك منزل موضوع في كل قسم ..وما دام هذا موضوعك في البوابة الحمراء ..راح امدح لك فيها .
صحيح سويسرا تعتبر غالية مقارنة بالدول اللي ذكرتها ..لكن اذا عشقت فاعشق قمرا
اسبوعين تقضيها في سويسرا ..وما جاورها من المناطق المجاورة ..في المانيا وفرنسا وايطاليا ..اعتبرها اختيار سليم .
والميزانية تكفيك ايضا ..وبالراحة لمدة اسبوعين .
وللأمانة ..النمسا حلوة ..وميزتها فقط ارخص من سويسرا ..لكن السفرية حقت شهر عسل ولازم تكون شي محترم .
وممكن تاخذ لك لفة على سويسرا والنمسا والمانيا ..ما دام عدد ايام يصل الى ثلاثة اسابيع .
فيكون وصولك ومغادرتك من جنيف .
جنيف يوم واحد
انترلكن أربعة ايام
كونستانس ثلاثة ايام
زيلاميسي خمسة ايام
ميونخ ثلاثة ايام
اليوروب بارك يومين
جنيف والريف الفرنسي يومين .
لمدة 20 يوم .
المواصلات سيارة طبعا .
الفنادق بعدين ...بعد اعتماد المخطط .
ممكن تسوي حركة ..وانك بدال ما تطلع على جنيف على الخطوط السعودية ..تطلع على الخطوط التركية .
تنزل في اسطنبول ثلاثة ايام
ثم الذهاب الى ميونخ ثلاثة ايام
ثم زيلاميسي اربعة
ثم كونستانس ثلاثة ايام
ثم انترلكن اربعة ايام
جنيف والريف الفرنسي ثلاثة ايام.
والعودة من جنيف .
لكن شوف اسعار هذا المخطط على موقع الخطوط التركية ...او زيارة اقرب مكتب للخطوط التركية.
اسطبول راح تكون ترانزيت اجباري في الروحة والرجعة .
استخير الله وشاور ..والله يكتب لك اللي فيه الخير.