سوق محرق ومنطقة الحد

هلا بمشرفتنا نورتي بوابة البحرين والله..
بالنسبه للعبايات الكشخه عندج زمرد وله عدة فروع منها العالي - السيف - الستي سنتر
وفي بدون اسم والمتحجبه بعد تلقينهم بالمجمعات التجاريه..
عندج فمحرق محل سيدتي ..
وعراد في مجمع نادي محرق في كرستال وحلاتي بعباتي..
فبوكواره وايد محلات واسعارهم متفاوته منهم شيخاني وشيخاني غاليري وفي محل اسمه وهم
وصج عباياته خيال..
الجلابيات تلقين فبوكواره عند محل انمار وبعد الشارع نفسه فيه كم محل

بحرين دار العز
شكرا لكم

مزون البحرين
اشكرك جميل الشكر

حياج الله مشرفتنا .... واعذرينا على التقصير .... بس ماشاء الله عليها اختنا مزون كعادتها راعية فزعة .. ما قصرت ...

قصر عنك الشر الغالية

ربي يسعدكم
وشكرا لقيت محل زمرد والبيت البحريني (مجمع الشيراتون والستي سنتر ) وعجبوني واجد
وكذلك الجلابيات عند البيت البحريني واجد حلوة
وشكرا لكم ....
وكذلك مريت محل شيلاتي اللي في المحرق ولثيت عندة بعد كم موديل
والاحلى انهم خيطوهم لنا في يومين

هلا وغلا .. اسفرت وانورت ..
عاد مادرينا انج بتيينا عشان نفرش الزل الحمر وانييب لكم صغيرات يكتون المشموم تحتكم ..
اتوقع والله اعلم تحصلينهم في الشيراتون ويمكن في البوكواره .. باسئل الاهل وبارد عليج ..