أخوي خالد
أنا نفس ظروفك وباذن الله تابع معاي في موضوعي ححدث
وانت اذا عندك ساعدني
وباذن الله ربنا يسهل
تحياتي

م
م
م
انت حاط في استفسارات اسبانيا هل تبي تسافر اسبانيا ولا تبيني ارشحلك دوله يعني غيرها ؟
ياخوي لاتقول تكفا انا اسويلك الي تبي بس حدد وين تبي اسبانيا ولا غير اسبانيا

والله يالغالي شوف لي شي
حلو بس غير ماليزيا واندنوسيا
والله مدري انت ايش رايك يالغلا
ويعطيك الف عافيه وماتقصر

هلا والله باخوي العزيز ..الصراحة توني منتبه لموضوعك لاني كنت منشغل بالتقرير..
المهم : اول شي عطني اسم المدينة اللي انت فيها عشان أشوف لك أرخص وأفضل طيران لاسبانيا..
ثاني شي: بخصوص الميزانية كم في بالك بالنسبة للطيران والفنادق فقط؟
ثالث شي: اسبانيا دولة ممتازة من حيث المقومات السياحية والأمان ..فأنا أنصحك فيها وبشدة
أنتظر ردك

هلا بك اخوي والله يعطيك الف عافيه
اول شي انا راح اسافر من السعوديه من جده
مافيه بالي ميزانيه ولا اعرف بسراحه
وبسراحه انا ما احب التكلفه بشي لان الفندق بس للنوم يعني فندق محترم نظيف وكويس زي اللي الناس تروح له
وبالنسبه لطيران ما اعرف شي حتى سعر التذكره ما اعرفها والله اناقريت التقرير حق ابوحمزه وام حمزه وعجبني بس بسراحه مااعرف كيف احجز مثلهم
والميزانيه يالغالي انت تقدر تقترح علي بشي يفيدني ويفيد غيري
ومادام انك تقول اسبانيا حلوه فانا اخذ بنصيحتك وتوكلنا على الله
بس فيه مشكله كيف راح تكون تنقلاتي اقدر استاجر شخص يمشيني مدة الرحله ولا كيف؟
وبالنسبه للفيزا كيف استخرجها؟
مشكور اخوي والله يعطيك الف عافيه
اخوك خالد

حياك الله اخوي خالد
شرايك من جده الى روما 3 ايام ومن روما الى مدريد او برشلونه 3 ايام ومن ثم باريس 4 ايام ومنها تروح لديزني لاند ؟
اذا تبيني اشوف بداية الاسعار جاهز ؟
او اذا تبي مدريد يومين وبرشلونه 4 ايام وملقا 4 ايام
انتظر ردك

هلا أخوي
بعد نظرة سريعة على خطوط الطيران ..شفت هالخطوط وأسعارهم:
(أسعار التذاكر لشخصين شامل الضرائب من جدة إلى مدريد)
الطيران المصري : 6,374.00 ريال سعودي
الطيران الأردني: 6,582.00 ريال سعودي
الطيران التونسي: 5480.00 ريال سعودي
هذي أرخص خطوط لقيتها لك..
الطيران السعودي لا يوجد حجز..ممكن تجرب السفريات ..أحياناً بعض وكالات السفر يعطونك سعر ممتاز
بالنسبة للجدول المقترح:
يومين مدريد
4 ايام ماربيا أو ملقا ( لزيارة مناطق الآثار غرناطة وقرطبة واشبيلية)
4 أيام برشلونة
وحاضر لك أخوي

يعطيكم الف عافيه
مثل ماقلتم 2 يومين مدريد و4 ايام برشلونه و4 ايام ملقا بس من فين حجز العوده وكيف؟
وكيف اقدر اتنقل هناك؟
بالنسبه للظرائب هذي ايش المقصود فيها الفيزا؟
ولا ايش ؟
وبالنسبه للجدول ممتاز جدا الله يعطيك العافيه
بس بسالكم شو رايكم بطيران الخليج؟

هلا أخوي
طيران الخليج ما عندها رحلات إلى اسبانيا
سؤال: هل عندك بطاقة ائتمانية ؟؟ ( credit card ) مثل الماستركارد أو الفيزا كارد؟
لأنه مهم كثير إذا تبغي تحجز عن طريق الانترنت
وإذا ما عندك أنصحك تروح مكتب سفريات يتولون هالمهمة كلها