ولا عضوو رد على استفساري والله يا جماعه عشمي فيكم كبير لاتخذلوني والله محتار ولا اعرف وش اسوي والمكاتب هذول يلعبون فينا ياليت تردون لي خبر لو كرمتوا لان ودي اخطط للسفريه لانها بتكون بإذن لله شهر 5 او 6 انشالله انتظر ردودكم يالوجيه الخير........تحياتي

وعليكم السلام ورحمة الله
احس 25 يوم كثير واتوقع يكون فيها ملل
بعطيك اقتراح
لمدة 16 يوم
4 أيام فيينا
يومين سالزبورغ
6 أيام زيلامسي
4 أيام ميونخ وقارمش
وبالنسبة للأسعار كل ماحجزت بدري انخفضت الأسعار
التذاكر الخطوط السعودية ماتوصل لفيينا ولا ميونخ
انصحك بالخطوط المصرية وعن تجربة كلفتنا التذاكر هالصيف 4100 لشخصين
وانصحك وبشدة بإستئجار السيارة لما توصل سالزبورغ
السيارة قمة المتعة والخصوصية
واي استفسار حاضرين

نصيحتي لكم لاتزيد مدة السفر عن 15 ليله = 16 يوم اذا فقط تبي تروح للنمسا والمانيا
3 ليالي فيينا ( فندق الأنتر أو فندق الماريوت أو فندق الهيلتون )
3 ليالي سالزبورغ ( فندق كراون بلازا أو فندق الشيراتون )
6 ليالي زيلامسي أو كابرون ( فندق سي فيلا أو فندق القراند هوتيل ) أو ( شقق في كابرون حلوه جدا )
3 ليالي ميونيخ ( فندق الميريديان )
الميزانيه لهذه المده = 30 الف ريال تقريبا
شامله ( تذاكر طيران + تأشيرات + سكن + أجار سياره + مصاريف يوميه + تذاكر قطار من فيينا الى سالزبورغ )
طريقة التنقل :
المترو ( الأندر قراوند ) في فيينا + ميونيخ
السياره أو الباصات في سالزبورغ + زيلامسي أو كابرون

يعطيكم العافيه جميعاً .....طيب emo0o المشكله بالصرفيه والله صعبه السياره وتسلم ياخوي...... اما انت يا ابو نزيه الطيران كيف طريقته من والى النمسا @@@@عن طريق المانيا الخطوط السعوديه تعرف دعاء السفر مهم والله اما النمسا دايركت مافيه اتمنى تقولي تخطيطك انت كيف كان""؟

إعتيازي لك مهم
هلا بك يالغالي
نصيحتي ابعد عن الخطوط السعوديه ومواعيدها
عندك خطوط طيران كثيره منها :
الخطوط المصريه الأرخص تقريبا اذا حجزت من الآن
بعدها الخطوط الأردنيه
ثم الخطوط التركيه
والأغلى الخطوط الاماراتيه والقطريه
تقلع من الرياض أو من جده وتجلس في مطار دبي أو مطار القاهره ثلاث ساعات وبعد ذلك تواصل الرحله الى فيينا
الأفضل محطة الوصول تكون النمسا أفضل من المانيا وخصوصا في أجراءات المطار

الله يعطيك العافيه طيب ابو نزيه اهم المناطق اللي لازم اشوفها وترتيبها على 20 يوم والله جالس لي اكثر من اسبوع ونا متلخبط زيلاميسي ولا سالزبورغ ولا فيينا ولا ولا ولا محتار من كثرة المانطق وش رايك انت كيف ارتبها وش الافضل الاماكن والمطاعم والاشياء المهمه اللي لازم اعرفها واكون شاكر لك على وساعت صدرك من الاسئله ههه تحياتي لك

إعتيازي لك مهم
0يوم = 19 ليله
4 ليالي في فيينا
3 ليالي في سالزبورغ
7 ليالي زيلامسي أو كابرون يبعدون عن بعض 10 دقائق
5 ليالي في ميونيخ
الأماكن السياحيه في فيينا :
1_ملاهي بلاتر
2_ التجول في ساحة ستيفانز
3_ التجول في حديقة شتاد بارك
4_ الذهاب الى قصر الشونبرون
5_ حديقة الحيوانات الملاصقه لقصر الشونبرون
6_ حديقة وبرج الدانوب
7_ التجول بنهر الدانوب بالقارب
8_ التجول في شارع ماريا هلفر للتسوق
الأماكن السياحيه في سالزبورغ :
1_ الذهاب الى القرى الثلاث الريفيه ( وولف قانق + سانت جيلجن + فوشل آم سي )
2_ شارع المشاه في سالزبورغ القديمه وشارع المشاه في سالزبورغ الحديثه
3_ التجول على نهر السالزاك وحديقة الميرابل
4_ الصعود بالتلفريك الى القلعه القديمه في سالزبورغ القديمه
5_ المرور على قرية هالشتات ( Hallstadtt) الجميله وتبعد 80 كم عن سالزبورغ
الأماكن السياحيه في زيلامسي :
1_ التجول حول بحيرة زيلامسي الجميله وركوب السفينه في البحيره
2_ الذهاب الى قمة كابرون الثلجيه
3_ الذهاب الى قرية سالفيدين وفيها الزحليقه الصيفيه
4_ الذهاب الى شلال كلام والمشي على الخوانق الخشبيه الضيقه
5_ الذهاب الى قمة شميتين هويه
6_ الذهاب الى ساحة الطيران flug platz لركوب الطائرة السياحيه ولكن لازم الحجز يكون مسبق عن طريق الفندق
7_ الذهاب الى شلالات كريمل
الأماكن السياحيه في ميونيخ :
1_ شارع المشاة الرئيسي
2_حديقة الهوف قاردن
3_ حديقة الألمبياد ومتحف بي ام دبيلو
4_ شارع المكسميليان ( شارع الماركات العالميه )
5_ الحديقه الانجليزيه
6_ حديقة الحيوانات
7_ ساحة المارينا بلاتز
8_ ساحة الكارل بلاتز
9_ الذهاب الى ملاهي ليقو لاند
0- الذهاب الى قرية غارمش الريفيه الجميله

لاهنت يا ابو نزيه وتسلم ياخوي مشكور