ماهي وسيلة التنقل ؟
هل سياره ام طائره
لأن الخيار الثاني صعب بالسياره
الخيار الأول أفضل بالسياره
لأن متعة التنقل في هذه المناطق بالسيارة
سبق لي التجربه بين 3 دول ( النمسا , ايطاليا , سويسرا )
اذا كانت وسيلة النقل السيارة خل محطاتك ك التالي
باريس - انسي - انترلاكن - مينفيلد ( قرية هايدي ) - ميونخ
المدة بين كل مدينة والأخرى بين ساعتين الى 3 ساعات
ماعدا باريس الى انسي فهي الاطول قد تصل الى 5 ساعات
عموماً السفر بالسيارة لاتحس بالوقت معه من جمال ماترى عيناك
رحلة موفقه

ممكن تطبون باريس و 4 ايام ثم تنتقلون بالقطار الي جنيف و تاجرون سيارة و تروح انترلكن و 5 ايام ثم تسلم السيارة في في زيورخ نفس الدولة و قطار الي ميونخ و هناك تستخدم المترو
و تجلس باقي المدة
او تستلم السيارة من مطار باريس الي مطار ميونخ و هو الافضل من وجهة نظري
و ممكن شو لو تشوف توقيعي و ممكن تعرف اكثر عن الاماكن السياحية و ممكن تغيرها

مشكورين كل اللي ردو على استفساريالوصول لباريس يوم 11 أغسطس 2013 4 ايامبعدها السفر بالقطار من باريس إلى انترلاكن 15 أغسطس لكن أريد ان أعرف كم هي مدة السفر من باريس إلى انترلاكنبعدها السفر من انترلاكن إلى ميونيخ 19 أغسطس ولا أعرف ماهي وسيلة السفر المفضله من انترلاكن إلى ميونيخ مع العلم نحن عائله مكونه من زوج وزوجه وطفل يبلغ من العمر سنتان ونصف
أرجوا الرد على استفساري
ولكم جزيل الشكر

اللي فهمته ان نقطه الوصول باريس والعوده من ميونخ
ليتك قبل تحجز حطيت خط سير
انا اشوف 4 دول مو 3
يعني الجمع بين سويسرا والنمسا خطا فادح
والنمسا وباريس بينهم مسافه كبيره وبعيده جدا
افضل مخططين من وجهه نظري :
ميونخ - زيلامسي - ميونخ وبالطياره باريس
او
باريس - جنيف - الريف الفرنسي- انترلكن - ميونخ
المسافه من انترلكن لميونح في حدود 440 كم
باريس لانترلكن في حدود 6 ساعات تعب والله و واجد
خط السير الثاني اشوفه معقول ومش متعب كثير

لندنيه 2011
مشكوره أخت لندنيه على ردكوياليت تحطين خط سير لرحلتي مايكون متعب وشاقمع العلم مدينه الوصول باريسومدينة المغادره ميونيخلانني للان ماحجزت الفنادق واخاف اتاخر اكثر ويصير مافي امكانيه للحصول على فندق مناسب
وياليت يكون التنقل بين 3 دول
او حسب ماتشوفينه مناسب
وشكرا مره ثانيه

gharo0oma
الوصول لباريس يوم 11 أغسطس 2013 4 ايامبعدها السفر بالقطار من باريس إلى انترلاكن 15 أغسطس لكن أريد ان أعرف كم هي مدة السفر من باريس إلى انترلاكنبعدها السفر من انترلاكن إلى ميونيخ 19 أغسطس ولا أعرف ماهي وسيلة السفر المفضله من انترلاكن إلى ميونيخ مع العلم نحن عائله مكونه من زوج وزوجه وطفل يبلغ من العمر سنتان ونصف
أرجوا الرد على استفساري
ولكم جزيل الشكر
المده تقريبا 6 ساعات بين باريس وانترلاكن
اقترح انك تخلي جنيف محطة وسيطه 3 ساعات ونصف بالدايركت
اما بين انترلاكن وميونخ تقريباً اربع ساعات

اخوي بو خالد
انت قصدك ناخذ قطار من باريس إلى جنيف وبعده ناخذ قطار من جنيف لإنترلاكن لاني انا ابي وسيلة سفر مريحه لي ولعائلتي
خاصه إن كثرة التنقلات تفسد متعة الرحله وهالشئ عرفته من خلال تجارب بعض الأعضاء بالمنتدى
وانا اطلعت على خريطة دول كل من فرنسا وسويسرا والمانيا
وبصراحه المسافه بين انترلاكن وميونيخ فاجئتني احس انها بعيده
لهسبب ابي وسيله مواصلات مريحه
وانا مابي تنقلات كثيره خلال الرحله
وان شاء الله بنأجر سياره في ميونيخ ومنها بنروح قارمش وبادن بادن والاماكن القريبه من ميونيخ ونرد بنفس اليوم
لأن ميونيخ هي محطتنا الأخيره
أرجوا الرد لأنني في حيره بالنسبه للمواصلات
من باريس لإنترلاكن
و
من إنترلاكن لميونيخ
ولك جزيل الشكر إنت وكل إللي ردو على استفساري

الاحد11 أغسطس 2013 يوم الوصول الى باريس

1. 13-14-15 في باريسيوم 15 الصباح راح تطلعون من الفندقوالإنتقال ب القطار ( دايركت ) مباشرة الى جنيفالمسافه تقريباً ثلاث ساعات ونصف

15-16 في جنيف
( وقت راحه + تسوق )
أقترح تستأجرون سيارة من جنيف وتسلمونها في ميونخ لعدة اسباب
أول شي : سويسرا ماتنطوف بالسياره كل مكان تمره اجمل من الآخرثاني شي : لو بتروحون بالقطار راح تتعبكم كثرة تغيير المحطات خصوصا من انترلاكن الى ميونخ
يوم 16 راح تطلعون من الفندق صباحاً إلى انترلاكنالمسافه تقريباً ساعتين وربع

1. 18-19-20 في انترلاكن

صباح 20 أغسطس الخروج من فندق انترلاكن والتوجه الى ميونخ
المسافه تقريباً اربع ساعات ونصف

1. 22-23-24 في ميونخ

5اغسطس يوم العوده
بالتوفيق ؛؛؛