مرحباً اخ راعي الفعايل بلجيكا وهولندا راح تكون غاليه التنقلات بحكم بعد المسافه بين هذه الدول , خلها النمسا والمانيا تكفي راح توفر اكثر وافضل البلدان صراحه المانيا والنمسا وعندك سويسرا بس المشكله بعد المسافه ,
فأنا قلت لك المانيا والنمسا ليش بحكم انها قريبه من بعض ,
اقتراحي تنزل بمطار فيينا تاخذ فيها 4 ليالي الى 3 ليالي كافيه ,
بعدين تاخذ قطار من فيينا , الى تسل ام سي قريه جداً خياليه وطبيعه ترد النفس واجواء خياليه , وفيها كل الي تبيه سوبر ماركت ومحطات قطار وسنتر حقها جداً جميل والقريه جداً حيه مليانه ماتتصور ,
تقعد بتسل ام سي قرابة 6 ايام حلوه والسكن فيها مو غالي مره
طبيعه وبحيره جميله واجبال والجو جميل وامطار ,
4 + 6 = 10 ايام
4 في فيينا , و6 في تسل ام سي
خلصت ال 6 ايام في تسل ام سي
تاخذ قطار من تسل ام سي الى ميونخ الألمانيه تقريباً ساعتين واصل ميونخ
وميونخ مدينه المانيه رائعه فيها شركة بي ام دبليو الرئيسيه ومتاحف جميله وقصور
تقعد فيها 5 ايام كافيه
هو اذا تبغاها تكون اقتصاديه لازم تنوع مدن , قرى , مدن
لازم تحط في بالك ان التكلفه مهب هينه لأن اوروبا مو رخيصه
وهذا جدولي مجربه وانبسطت جداً صراحه
فيينا عاصمة النمسا " 4 ايام " احجز من بوكينق وشوف الاسعار الي يناسبك
تسل ام سي " 6 ليالي " عندك شقق وفنادق حلوه وبسعر معقول على حسب الموسم
ميونخ " 5 ايام " من بوكينق وشوف الي يناسبك
القطارات مرتين راح تستخدمهم
من فيينا الى تسل ام سي
ومن تسل ام سي الى ميونخ
انا ما اعرف الميزانيه على حسب عدد الأشخاص والفنادق
وبالنسبه لبلجيكا وهولندا يعني بعيدين عن بعض راح تضطر تكثر المده , وراح تضطر تحجز قطارات او طيارات واكيد ان بتزيد التكلفه عليك
فأنا اصحك بالجدول هذا جربته وكانت من امتع السفرات صراحتاً
حلو انك تنوع مدينه ثم قريه ثم مدينه
يعني شفت المدن والمباني والتراث وشفت الطبيعه والاجبال والبحيرات
واتمنى لك رحله سعيده