امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
nuzhaa
28-10-2022 - 05:43 am
السلام عليكم ...
تم الحجز على طيران الامارات من 11 فبراير الى 1 مارس
كويت دبي نيويورك العوده
انا و زوجتي و 3 عيالي : 11-9-7 سنوات
ارجوا المساعده في ترتيب الرحله لكن عندي كم ملاحظه :
1- من قبل سافرنا الى امريكا : لوس انجلوس، سان فرانسيسكو، سان دييجو، فيجاس، اورلاندو .. يعني احتاج مناطق جديده.
2- لا يوجد مشكله بالتنقل بالطياره او السياره .
3- سؤالي عن مدن مثل شيكاجو او سياتل !؟ تسوا الروحه لهم !؟
4- ماذا عن جبال روكي !؟
وشاكر لكم ... ارجوا الافاده .


التعليقات (6)
alderhim
alderhim
مشكلة يا اخوي ان الجو بمدن الشرق لا زال بارد جدا يعني شيكاغو و نيويورك صعب بهذا الجو تروحون لها
و خصوصا ان معكم يهال
و جبال روكي غير مناسبة طبعا بسبب تراكم الثلوج الا اذا انتو تحبون اسكي( التزلج على الثلج )
اما سياتل عيبه البعد و لا فيها شي يستاهل الروحة
اشوف الاحسن لكم اما تروحون فلوريدا ترى بهذا حلوة و الجو ما فيه احلى منه و اليهال بيستانسون اكثر من غيرها
او الخيار الثاني كاليفورنيا بعد هم الجو بيكون حلو فيها
ارجو لكم التوفيق

nuzhaa
nuzhaa
مشكور اخوي عل رد ... انا عارف الجو بارد و ممكن ثلج بعد بس حابين نغير اشوي ...
اذا ممكن بغيت ارتب جدول بين نيويورك و واشنطن ومناطق للعائله وحويليهم و طبعا نياجرا و بعدين ممكن انطير لين كاليفورنيا او اولاندو ...

alderhim
alderhim
اذا كان و لا بد من روحة نيويورك = 3 ايام
و بآخر يوم ممكن تأجرون سيارة و تروحون الى هيرشي في ولاية بنسليفينيا ( اذا احد منك يسوق ) لزيارة مصنع الشوكولاتة , بصراحة تستاهل الزيارة و ليوم واحد
و بعدها الى شلالات نياجرا ( يومين ) , لكن المشكلة ربما الجو لا يسمح بسبب تساقط الثلوج على الطرقات
ثم من مدينة بافالو القريبة من الشلالات ( بالطائرة ) الى اورلاندو
ارجو اني قدرت ان افيدكم بهذه المعلومات البسيطة

aziz20012001
aziz20012001
الفترة هذي تعتبر عز الشتاء في امريكا ، يعني برد وثلج وعواصف
نياقرا بهذة الفترة ماتستاهل بسبب الثلوج
ممكن نيويورك يومين ومنها بالسيارة الي واشنطن يومين ، لاكن هذي المدن موذاك الزود لليهال !
الافضل لهذي الفترة ولاية فلوريدا او ولاية كاليفورنيا
نصيحة اورلاندو وميامي وممكن كروز أسبوع بالكاريبي

nuzhaa
nuzhaa
اخواني الدرهم وعزيز
مشكورين للنصايح .. انا رتبت الرحله :
5 ايام نيويورك
3 واشنطون
9 اورلاندو
2 نيويورك والعوده
بخصوص البرد ان شاء الله نستانس فيه
و واشنطون فيها متاحف و معالم تسوا انروح لها ان شاء الله ..
مشكورين للمساعده

aziz20012001
aziz20012001
تخطيط معقول لاكن نصيحة وايد 7 ايام على نيويورك . خاصة لليهال لانها مافيها شى لهم .
وواشنطن ممكن تسكنون فى تايسون كورنر فى فرجينيا ( 20 دقيقة بالسيارة عن واشنطن) السكن فيها رخيص و خوش منطقة وفيها مولين كبار ملاصقين لبعض..
شوفى تقريرى عن واشنطن بالتوقيع تحت
شوفى كذلك تقرير الاخت ms rori عن فندق تايسون كورنر بواشنطن
https://artravelers.com/p/re/778445


خصم يصل إلى 25%