امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
شــShadowـــادو
29-07-2022 - 11:49 am
السلام عليكم ورحمة الله وبركاته
ولله الحمد تم ترشيحي لمرحلة الماجستير في امريكا تخصص حاسب الي
واستفساري عن الاجراءات اللازم اتخاذها الان ؟
لم تحدد الوزارة موعد لمراجعتها من قبل الدراسات العليا ؟؟ وما العمل ايضا هل مانتظر الاي توني و اقدم على السفارة من اجل استغلال الوقت ؟
ايضا كم المده عشان اخذ موعد عند السفارة لانكم عارفين السفارة ومرمطتها .... اخاف اخذ الاي توني ثم اقدم على السفارة ويعطوني موعد بعد كم شهر ...؟
ايضا بما اني طالب مقدم على ماجستير هل يلزم اني احصل على التوفل الان ...؟ او احصل عليه في امريكا ...
ياريت الي عنده اي معلومه لايبخل علينا ويفيدنا جميع
شاكر لكم ومقدر


الدراسة في امريكا
التعليقات (8)
الشيب
الشيب
اذا ما حددت لك الوزارة موعد عن طريق الموقع احسن شي تنقز لهم وتشوف وش الوضع
اما الخطوات فأول شي هو الحصول على الضمان المالي من الوزارة
بعد كذا تراسل الجامعة حتى يعطوم i20
بعد كذا تأخذ موعد بالسفارة واظنه بحدود ثلاث اشهر وفيها
i20 يمكن تجديدة بسهولة وباي وقت
بالنسبة للتوفل طبعا لك سنة تدرس فيها لغة بأمريكا
بالتوفيق

شــShadowـــادو
شــShadowـــادو
هلا اخوي الشيب
بيض الله وجهك وجزاك الله خير ..
المشكلة اني برا الرياض وبكرة الاربعاء وانا عندي زواج لازم احضره ان كان ضروري بكره انقز لهم الفجر فياريت الي عنده خبر يعلمنا او انتظر الى السبت واراجعهم .....
بالنسبه للخطوات الباقيه الله يعافيك وكل شي واضح والله يعين على السفارة والله اني شايل همها اكثر من البعثه ....
بالنسبة للتوفل لو كان معي توفل الان هل لها فائدة او اتركها في امريكا لاني طالب قبل مدة اختبار توفل في الرياض ......
الف شكر وماقصرت يالشيب

EAGLE ONE
EAGLE ONE
ماشاء الله لقيت لي خوي,, (انا ماستر كمبيوتر)
المهم يخوي هم ارسلو لي ايميل وقالو راح نوافيك بالمعلومات لاحقا (متى تجيب اوراقك)
وبالنسبة للتوفل راح تدرسه في امريكا, مو شرط سنة زي ماقالو الاخوان وانما متى ما اختبرت وجب الدرجة المطلوبة ممكن تقدم على الجامعة وقتها, يعني يعتنمد على لغتك هل هي قوية ولا لا
اهم شي الان هو حجز موعد مع السفارة, الi-20 يطلع بسرعة وممكن اذا عندك مبلغ في البنك ممكن تسوي الضمان لنفسك
باي ولاية بتدرس؟؟؟؟؟

شــShadowـــادو
شــShadowـــادو
هلا اخوي ايجل ون
حيا الله الخوي ...
انا ماجتني رسالة منهم لا على الجوال ولا على الايميل؟؟؟ بس قبول مبدئي !!!!
طيب يعني الحين احجز موعد مع السفارة ؟؟؟ حتى ماقبل ماراجع الوزارة .. او اخذ الاي توني ؟؟
بالنسبة للولاية الى الحين والله ماحددت ومازلت حاير والله ....

EAGLE ONE
EAGLE ONE
هلا صقيقي,,
ايه اهم شي احجز موعد مع السفارة من الان, ماراح تحصل على موعد قبل 3 شهور
انا موعدي في نهاية هذا الشهر الميلادي
وراح اطلع ضمان مالي لنفسي بنفسي علشان الi-20
موفق ان شاء الله

شــShadowـــادو
شــShadowـــادو
الله يعطيك العافيه وماقصرت ...

smilewolf
smilewolf
حاول انك تدبر امورك من الآن بحيث انك تجيب قبول من جامعه كويسه وطلع ضمان مالي من عندك إذا تقدر وعلى حسب علمي انه في بعض الجامعات يعطوك قبول بدون ضمان مالي بس ماادري عن قوتها

شــShadowـــادو
شــShadowـــادو
يعطيك العافيه سوالف بحاول انشاءلله


خصم يصل إلى 25%