enooooo
04-01-2022 - 01:29 am
السلام عليكم ورحمه الله وبركاته
انا احمد من مصر شاب زي باقي شباب مصر عايز اشتغل ويبقي ليا كياني الخاص حاولت السفر لاوربا كتير لكن بلا جدوي
لغايه ما قابلت واحد بيسفر لدول اوروبا بدعوات عمل وبياخد 4 الاف دولار
بيعت كل الغالي والنفيس كل ما استطيع بيعه لتدبير المبلغ وتداينت واخيرا جمعت المبلغ وبعد الاتفاق علي دوله النمسا للسفر
والمفاجئه
ان الشاب دا طلع نصاب واخد كل ما املك وغير رقم موبايله واسمه مش حقيقي
دلوقتي املي كله اتهد معدش عندي امل في اي حاجه حتي لو جت ليا فرصه مش هعرف اوصلها لاني بكل بساطه مش معايا اسافر القاهره حتي
كل احلامي اتكسرت والله
انا حبيت اقولكم القصه دي علشان محدش يتعمل فيه اللي اتعمل فيا دا وتاخدوا بالكم
وانا بقي ليا الله
كان نفسي اكون حاجه كويسه
بس مفيش نصيب
الحمد لله
لا تحسبنّ برقصها تعلو على أسيادها فالاسودُ أسودٌ والكلابُ كلابُ
تبقى الأسود مخيفةً في أسرها حتى وإن نبحتْ عليها كلابُ