لاتخيب ضني اخي بيمو
البقية وينكم ؟

ممكن توزعها بين النمسا و المانيا
فينا - سالزبورغ - زيلمسي - ميونخ

حياك اختي ..
طبعا المدة طويلة ومناسب انك تروحين لدولة غير النمسا .. ولكن انتي ايش رغبتك؟؟ سويسرا او ايطاليا ؟؟ وصعبة تروحين للثنتين ولكن اذا لك رغبة ممكن نفترح عليك جدول ولكن راح يكون متعب لكثرة التنقلات ؟؟.. وراح تكون تنقلاتكم بالقطار اسهل واوفر .. وبعدين المدة هذي يبيلها ميزانية جيدة ؟؟ والله يعينك اذا كان انتي لوحدك مع عيالك والله يحفظكم ..
انتظر رأيك ..

يحيك ربي اخي بيمو
بعد مااطلعت على كثير مواضيع بخصوص ترتيب الرحلات
عجبني ترتيب انت مرتبه لاحد الاخوه مايحضرني اسمه
والترتيب بين النمسا وسويسرا وفرنسا
وكان الترتيب كالتالي
فينا > زيلامسي > انترلاكن > جنيف > سويسرا
هل هالترتيب يناسبنا كون عندي اطفال
طبعا زوجي معاي
وكيف طريقة التنقلات بين هالدول ومناطقها
وتنصحني استأجر سياره ؟ كوني اول مره اروح النمسا
طبعا بيني وبين نفسي خططت على عدد الايام في كل منطقه بس مدري تخطيطي اوكي اولا
شور علي ..
النمسا 10 ايام
فينا 4 ايام
وزيلامسي 6 ايام
هل اخلي مثلا سالزبوج من ضمن هالعشرة ايام اومنطقه ثانية ؟
سويسرا كمان 10 ايام
جنيف 5 ايام
وانترلاكن 5 ايام
فرنسا 5 ايام
ديزني لاند يوم اويومين
والباقي في باريس
ربي يحفظك حاول ترد علي بأسرع وقت ممكن
راح تكون سفرتي بحيل الله
تاريخ 17 او19 يوليو
يعني ماباقي شي
وباقي ماحجزت لاتذاكر ولافنادق ابدا
وان شاء الله الميزانية متوفره باذن الله

حياك اختي ..
بالنسبة لتوزيع الايام مناسب .. ولكن اهم شي وشلون ماحجزتوا الى الان ؟؟ .. لازم تتاكدين من الحجز وامكانية توفر رحلات للعودة من باريس ..
ثانيا اذا زوجك الله يخليه لك يعرف يستخدم النفقيشن والخرايط .. فانصحكم بالسيارة .. لانو اريح بالنسبة للتنقل بالشناط وبرضوا عشان ترتاحون بالطريق وانتم مسافرون بين المدن ..
ثالثا .. عندي لك رأي اذا انتم بتروحون لفرنسا عشان ديزني لاند يعني مو رغبتة في باريس .. فرأي انكم تروحون ليوروب بارك في المانيا( مدينة ملاهي مثل ديزني لاند ) وهي قريبة من زيورخ السويسرية ..
بحيث تكون رحلتكم كالاتي :
فيينا >> زيلامسي >> ميونخ >> يوروب بارك >> انترلاكن >> جنييف ( والعودة الى الوطن ) او بدل جنييف زيورخ .. اذا كان ماودكم بكثرة التنقلات ..
من ميونخ الى يوروب بارك >> 380 كم .. 3 ساعات ونص بالسيارة
يوروب بارك الى انترلاكن >> 240 كم .. ساعتين وثلث ..
وش رايكم ؟؟

بصراحة خاطرنا في باريس
عطنا الاولوية في الزيارة من حيث القرب وبلاش من المانيا
ووش رايك يوم اويومين في ديزني ؟
وتنصحني بالفنادق اللي من جوا ولابره ؟
وهل ب امكاني استأجر سياره واتنقل فيها بين المناطق كلها
ولالازم في كل منطقه سياره غير ؟
راح يكون الرحلة على الطيران التركي
سبق سمعت عنه ؟ تنصحني فيه ؟
ربي يرضى عليك تعازن معي بقد ماتقدر وربي يجزاك ككل خير
لاني ان شاء الله بعد ردك اللي بيجي بيروح زوجي يحجز تذاكر

ها اخوي بيمو عجل الله يعافيك بالرد
والله زوجي بيطلع الحين يحجز

مرحبا اخوي بيمو
طلبت تعرف راينا وبعدها ماشفت منك رد
ع العموم تم حجز التذاكر اليوم .. وزين لقينا
بس للأسف موبنفس التخطيط اللي قلنا علي لانه موش متوفر
رايح يكون
من مطار البحرين > اسطنبول ترانزيت >جنيف >انترلاكن >زلامسي >فينا >باريس
والتنقل زوجي يبي بالسياره وانا ودي بالقطار خوفاً من التعب
بالنسبة للسكن تنصحني بشقق فندقية اوفنادق ؟
فينا وزيلامسي عندي خلفية عن الفنادق الزينه
بس الشقق مادري عنها
والسكن في جنيف بعد ماعندي خلفيه عنه .. تقدر تفيدني ؟ او اروح اسأل في البوابة المخصصه لسويسرا ؟
وبعدين وشو رايك بحجز الفنادق عن طريق ********
زوجي بالحيل مقتنع فيهاويقول ارخص من البوكينج
حاولت احط الموقع بس ماضبط
وسؤال وادري طولتها معاك
ه الفنادق عندك خلفية عنها ؟
الانتر كونتننتال .. كراون بلازا .ز الهوليدي ان
موجوده بالدول اللي بروحها ؟ وكيف موقعها بالنسبة للخدمات
لانو عندنا خصومات فيها لو تم الحجز

1. عموما حصل خير وقدر الله وماشاء فعل ..

لاحول ولا قوة الا بالله ,,
والله ياختي اني اسف .. ومو بيدي ويمكن دخلت انا المنتدى في ذاك الوقت .. ولكن والله من كبر الحمل اللي علي ماعاد اذكر الردود والمواعيد ..

عموما حصل خير وقدر الله وماشاء فعل ..

بالنسبة لترتيب المدن هل حجزتوا خلاص ولا مجرد حجز مبدئ .. لانو من الافضل انو توصلون على فيينا >> زيلامسي >> انترلاكن >> جنييف >> باريس ..
ولكن اذا خلاص قصيتوا التذاكر .. مو مشكلة التخطيط والله حلو ومرتب يعني ماراح علينا شي والتأخيرة كانت خيرة .. وانا انصحكم اذا زوجك الله يخليه لك متحمس للسيارة تاخذونها من جنييف وتسلمونها في فيينا .. ومن فيينا الى باريس بالطيران الاقتصادي او اي طيران .. ( على فكرة ماذكرتي على ايش حجزتو من فيينا الى باريس ؟؟؟ )
بالنسبة للسكن .. الافضل طبعا الفنادق ولكن انتم حسب رغبتكم اذا تبون طبخ او تحضير خفيف لبعض الوجبات بتكون الشقق افضل .. وبالنسبة للشركات ما اقدر افتيك ولايسمح بذكر اسمائهم ولا مواقعهم المعذرة .. ولكن انتم قارنو بين الاسعار وايهما ارخص يكون الافضل .. وبالنسبة لسكن في جنيف ماعندي خلفية والله .. ومثل ماقلتي ساحة سويسرا ادرى بشعابها .. والانتر موجود بفيينا وجنيف وباريس وموقعه في فيينا جيد قريب من السنتر .. الهوليدي ان موجود في جنييف وباريس موقعه حول الشانز وفي فيينا قريب من السنتر وموقعه جيد .. الكروان موجود في جنيف وباريس فقط .. وفي باريس برضو حول الشانز .. زيلامسي مافيها ولا واحد منهم .. وانترلاكن برضوا مافيها الكراون ولا الهوليدي ان ولكن فيها Central Intercontinental مدري اذا هو تابع للانتر اولا ..
انا في الخدمة متى مابغيتوا .. والعذر والسموحة مرة ثانية ..
بالتوفيق ،،