وعليكم السلام ورحمة الله وبركاته .
حياك الله اخوي عماد يا ابن بلدي وديرتي الله يعزها ويديم
مجدها ويهدينا جميعاً للخير والصواب .
وتراك تذكرني بصديق طفولتي الله يحفظه ويحفظك اخوي ...
لانه سميك
نجي للجد ...
كوالا....بغيت قريبة من شارعنا المزعوم اجل خذ دورسيت ريجنسي
وان بغيت شيء افخم واحلى لكنه بعيد عن شارعنا بالتاكسي في حدود
5 دقائق خذ بان باسفيك ....مافيها اي حيرة ...وان شاء الله ماودي
احيرك ...لانه حيرتك ما تنفعني ...صحيح ...واتمنى لك الخير .
بان باسفيك 220-240 ريال .
دورسيت 170-200 ريال .
لانكاوي ...صعبة ب250 ريال او اقل ...موجود لكن اقل فخامة
وكأني ما ارضاها لك ...زد عليها شوي وخذ بهوليدي فيلا .
وان اصريت على السعر السابق خذ بقرية لانكاوي ...تراها اقل .
هوليدي فيلا حول 350 ريال وقرية لنكاوي حول 250 ريال .
بينانغ ...خذ في بي فيو ....ما اقول لك تانجونغ او ساندي اوغيره .
بي فيو الافضل بأذن الله وسعره فيه ...لكن ب250 تاخذ مطلة على الحديقة
ممتاز لا باس ...الفندق تراه ممتاز واحسن من غيره ....وش الفائدة
تاخذ مطلة بنفس السعر لكن الفندق فاشل ...فندق محترم ولكن الغرفة
غير مطلة على البحر ومطلة على خضرة ...وشاطيء الفندق جميل جداً
اصل الليل ما يبان شيء حتى لو اخذت غرفة مطلة الا لو كانت ليلة مقمرة
اجل نصيحتي بي فيو ومطلة على الحديقة .سعره 220-250 ريال .
وترى نفس الغرف من حيث الفرش لكن الاختلاف في الطلة .
جنتنغ ...خذ بجنتنغ هوتيل لانه افضلهم ...اعتقد ب170 الليلة واقل
كمان .
صن واي لاقون ...انت يا اخوي بنفسك حاط اسم الفندق
كيف اغيرها ...وترى سعرها قريب 400 وما فوق ...
هذه اختياراتي ...ولاجل اعرف صدقي اسئل نفسي ترضى
ترضى تسكن بهالفنادق ؟ ارد على نفسي مثل المجانين
ارضاها ونص
اجل ان شاء الله اخلصت لله وهذا ذوقي
موفق اخوي عماد ويارب يتسهل امرك وتروحون وترجعون بالسلامة
ورجاء من الاخوة انهم يدلون بدلوهم وما فيها اي زعل ...خلنا
نفيد اللي نعزهم ولا يتوهون في بلاد غربة وقرهم من قدرنا .
ولكم جميعاً كل سلامي وتقديري واخوي عماد اي استفسار ترانا
حاضرين وعلى امرك
والسلام عليكم

يابعد قلبي يالشعيبي والله نك تحيرني كيف اشكرك بس مااقول الا الله يرزقك بزوجة تبرد قلبك وتسعدك وتهنيك ويرزقك الذرية الصالحة اللي ترفع راسك مثل ماهو مرفوع
ووالله اني محظوظ انو يكون خويك سميي وياحظه بخوية ويسعده من تكون له خوي
الله يجمعني واياك في الفردوس الاعلى ويجمعني واياك فيها ولا يحرمنا من وجودك يارب
وانا من هنا ومن هذه المشاركة اطلب من ادارة الموقع الكريمة المشكطورة على فتح مثل هذه المنتديات ان تسمح لي ان ارشح اخي وحبيبي الشعيبي للاشراف في هذا الموقع لجهوده الواضحة في الرد على جميع الاعضاء الكرام ولخبرته الممتازة في في منتدى السياحة في ماليزياالغالي والله لايحرمنا من وجودكم جميعا وتقبلوا مني خالص الشكر والعرفان
عماد