اخوي السلام عيكم
والله إني زيك متوهق لإني إنشاء الله طالع لوحدي بيوليو ولكن الأخوان ماقصروا خصوصا البدر الساهر والقطري وكل القائمين على المنتدى ويمكن يفيدونك متى مااطلعوا على موضوعك وهذا رابط اعجبني ممكن يفيدك والله يوفقك
http://www.atlastravelnetwork.com/

عليكم السلام ورحمة الله وبركاته
هلا وغلا الغالي ..
يمدحون الجو عندك
الود ودي اجيك وألف فيك لندن لين تشبع ..
شوف الغالي ..فيه مكتب سياحه في ادجول رود ..بيكون بعد ارقوز ..قبل الجسر ..
مكتب سياحي عربي ..عنده نظام قروبات سياحيه ..وعنده يوم الجمعه رحله خاصه لجزيره ..
اتروحون من الصبح تقريباً على الساعه 9 واتردون المغرب يمكن على الساعه 7 او 6 ..
الجزيره روعه وفوق الخيال ..بس اعتقد لازم اتروح وتحجز عندهم ..
واذكر عندهم عروض حلوه ..شوف عروضهم ..وفيه مكتب غيره وبعد عربي ايكون بعده بشوي ..
وفيه عندك المتاحف حلوه وقريبه منك ..حاول اتزورهم وخصوصاً المتحف الطبيعي ومتحف الشمع ومتحف الأحياء المائيه ..إذا تبي عناوينهم مستعد ارزهم لك واحد ورا الثاني ..
وإذا بغيت اي معلومه او استفسار ترا احنا تحت امرك..
خدمه صغيره الغالي ..ياليت اتقول لنا اسم ورقم المكتب الي حجزت عنده وكيف اسعاره ..
انا شخصياً اجمع ارقام المكاتب وأحتفظ فيها عندي عشان اتكون الخيارات مفتوحه قدامي ..
اخوي الغالي 191ara ..شهادتك وسام على صدري ياقرة عيني ..

...الله يبعد عنك الضيق والورطات...
اخونا القطري اعطاك الحل من الاخر ...والمكتب اللي ذكره تراه جيد...
..اما بخصوص الاندر جراوند ...هذا بروحه متعه وفي لندن خصوصا طعم غير...
مرات اظل نص يوم بس اتنقل من محطه لين محطه تحت الارض...نفس النمل...
عليك بالباص الكبير BiG BUSياخذك في لفه حلوه ولطيفه...بتتذكر رحلات المدارس..افضل ان هذا
اول شي تعمله...عشان تاخذ فكره سريعه...
خذ وياك كتيب صغير ينباع في اي كشك.على غلافه الخلفي خريطة الاندر قراوند
وبعد..فيه خريطة لندن ..وفيه نبذه عن كل الاماكن السياحيه..
اهم شي...خلك رلاكس ولا تحاتي وتفكر...ودنا نكون وياك الحين لكن الله يسامح الاجازه في شهر 7
ونحن بقلوبنا وياك...
ننتظر تقريرك..اذا كان بالامكان اول بأول...
اي شي ثاني ...نحن بالخدمه...
بالتوفيق...

اخوي اقترح تروح فكتوريا ستيشن وتاخذ لك تذكره على القطار السريع وهوى على الشمال واستمتع بالطبيعه والجو الزين ومر علة قلاسكو وادنبره واخواتها اهل المناطق طيبين واقل عنصريه من اهل الجنوب البريطاني

فديتكم و مشكورين و الله علي ردودكم و الله اني انبسطت يوم رجعت الفندق و لقيت ردود منكم
انا سكنت في فندق و الله حليو و كويس فيه سرير دبل و سرير عادي علي 65 باوند و مكانه مره كويس و فيه انترنيت لاسلكي
وقريب من الاندرقراوند بس فيه مشكله ثانيا وجهتني انا عندي مشكله في ظهري ما اقدر امشي و يوم جييت هنا زادت علي زياده بس تظل البلد حلوه و اليوم رحت الهايد بارك روعه خرافه وكنت في الفكتوريا استيشن عشان الخطوط السعوديه و قاعد اتمشي يمين يسار و كل ماعورني ظهري جلست ههه
تعرفون ايش اسم المكتب السياحي هذا عشان ماخربط الله لا يهينكم و الله يالبلد هذي مو انت تتعب الكميرا الي تتعب من كثر ما تصور
و الجو يا جماعة الخير يجنن نص ساعه شمس و نص ساعه غيوم و نص ساعه مطر و علي ذا الحال

هلا اخوي الbig bus حلو..للأمانه انا ماجربتهم بس من موقعه عالنت عجبوني
هذا موقعه http://www.bigbus.co.uk/
وهذي الصفحة تعرض لك جدول الرحلات والأماكن اللي تنطلق منها الباصات الي باللون الأحمر يعني رقم الباص أحمر واللي بلون الأزرق رقم الباص الأزرق لأنه الشركة عندها نوعين باصات
http://www.bigbus.co.uk/uk/html/red.html
وهذي الصفحة فيها خريطة سير كل باص...
http://www.bigbus.co.uk/uk/html/uk_maps.html
حمل الخريطة تلقاها بامتداد pdf
أختك

الأماكن الشهيرة في لندن
لندن مليئة بالأماكن التاريخية والمتنزهات وأماكن التسوق
من أماكن الزيارة: قصر بكنجهام ، حديقة حيوان لندن، المتحف البريطاني، متحف العلوم، متحف التاريخ الطبيعي، متحف فكتوريا وألبرت، محلات هارودز، عجلة الألفية أو عين لندن، قلعة برج لندن وكوبري البرج أو تاور بريدج، متحف الأحياء المائية
Buckingham Palace, London Zoo, British Museum, Science Museum, Natural History Museum, Victoria and Albert Museum, Harold’s Store, London Eye, London Tower and Tower bridge, London Aquarium
أماكن للتنزه: متنزه هايد بارك، متنزه ريجنت، حدائق كيو، متنزه سانت جيمس، منطقة ميدان بيكاديللي، منطقة ميدان ترافلجر، ساعة بج بن ومنطقة إقامة رئيس الوزراء ومبنى البرلمان، نهر التايمز، متنزه جرينتش
Hyde park, Regent’s park, Kew Gardens, Saint James’s Park, Piccadilly circus, Trafalgar square, Big Ben, downing street, and parliament, Thames river, Greenwich village
مناطق للتسوق: شارع أكسفورد، محلات أرجوس Oxford Street, ARGOS
مكتبات: شارع تشارنج كروس Charing Cross street
أماكن بيع أجهزة كهربية رخيصة نسبياً: شارع توتنهام كورت Totenham Court Street
من المكتبات الشهيرة: ووترستونز، بوكس، بوردرز Waterstones, Books etc, Borders
من المحلات الشهيرة:
Selfridge, C& A, Next, Mother Care, Gap, Bhs, WoolWorth, Debenhams
ستجد ان المحلات تكتب دائما أن هناك اوكازيون كبير فلا تندفع لشراء أشياء لا تحتاجها واسأل زملاءك عن موعد الأوكازيون الحقيقي لأن الأوكازيون يبدأ بتخفيض بسيط ثم تزداد التخفيضات بعد ذلك ..

حدائق ومنزهات لندن
1- ثور بارك Thorpe park الموقع http://www.thorepark.co.uk
2- ليكو لاند Legoland الموقع http://www.legoland.co.uk
3- عالم الكادبري Cadbury world الموقع www. cadburyworld.co.uk
4- تروكديرو Trocadero الموقع http://www.londontrocadero.com
5- سجن القلعة السري The London Dungeons الموقع http://www.thedungeons.com
6- مركز تلفزيون بي بي سي BBC TV CENTRE الموقع http://www.bbc.co.uktours
7- ألتون تورز Alton Towers الموقع http://www.alton-towers.co.uk
8- جيزنكتن chessington الموقع http://www.chessington.com
9- ويستمنستر ابي Westminster Abbey الموقع http://www.westminster-abbey.org

ملاهي وترفيه
1- التون تاورز مدينة ملاهي
2- جيزينغتون مدينة ملاهي
3- ثورب بارك مدينة ملاهي
4- بيك بين اقرب محطة قطار Westminister
5- لندن اكويريوم اقرب محطة قطار Westminister
6- لندن زو اقرب محطة قطار Baker Street
7- متحف الشمع اقرب محطة قطار Baker Street
8- بيكاديلي سيركوس اقرب محطة قطار Piccadilly Circus
9- لندن آي اقرب محطة قطار waterloo
10- ترافلكلار سكوير ( ساحة الحمام ) اقرب محطة قطار Picaddilly Circus