الحمد لله على السلامة .. ماقلت لنا في أي ولاية أنت علشان نبدي الأسئلة ؟؟؟؟؟؟
وهل أنت في أمريكا سياحة ولا دراسة ؟؟؟؟؟؟
وكيف الجو
والحمد لله على السلامة مرة ثانية

الحمد الله على سلامتك
وإن شاء الله ترجع لنا سالم وغانم (تراء مو أسامي ):x1:
السؤال...
كيف كانت إجراءات المطار وكيف تعامل حقين الجوازات معك

يا ليت تكتب لنا خطوه في خطوه من ركبت الطائره أو من نوية السفر إلى امريكا بالذات...
حتى هذه اللحظه,,,
حتى يكون فيه تفاعل وتشويق،،،،
ولاتنسى الصور إذا كان فيه صور,,,
ودمت سالم,,,

برضه انا عندي سوعال :d
اقصد سؤال
كيف تعامل الشعب الامريكي معك ... ووش ردة فعلهم اذا عرفوا
انك سعودي او خليجي !؟
وهل ممكن تكون صداقات معهم ؟ ولا هذا شيء صعب !؟
وشكرا لك مقدماً

كم ساعة طيران .............. على اي خطوط ؟
كيف الطقس عندكم؟
ساكن مع عائلة او في سكن الجامعه!!
ياليت تفصل لنا الرحله مثل ماقالت الرمانه
من طقطق الى السلام عليكم

1. فلا تجيب طاري هاليوم المشؤم عندهم ولا كأنك تدري .

اولا احب اشكر اخواني اللي كتبوا في هالموضوع ...انا ابشركم بصحة وعافيه ...
انا جاي لامريكا دراسة انجليزي ..
طبعا انا ادرس في الجامعة في الرياض وجاي لامريكا اشوف هل سأتأقلم معها ومن ثم اجيها مرة اخرى لدراسة الماجستير ام لا ؟
وطبعا انا توني مالي الا شهر صعبة احكم ولكن ؟؟؟
انا جيت عن طريق الخطوط السعوية من مدينة الرياض الى نييورك .
كانت الإجاراءت سهلة ولله الحمد ومتيسرة جدا ... ( لاتعقيدات ولاهم يحزنون ) طبعا هذا بالنسبة لي ممكن يكون لا لغيري لكن حط هذي الحكمة في اذنك ( اللي واثق من نفسه واثق من نفسه ) وقفوك سألوك اللي هي مايهم
( وهذا من حقهم وانت تعرف ليه ) ؟
طبعا بعد ماخلصت تقريبا عشر دقايق رحت للصالة الداخليه على طيران ( النورث ايست ) الى ولاية مينيسوتا حيث ادرس هناك واسكن مع عائلة .
طبعا الولاية اللي انا فيها في الشمال الأوسط من خارطة امريكا بردها برد وحرها حر .
ستة اشهر ثلوج والباقي جو طبيعي تتميز الولاية بانها ولاية العشرة االاف بحيرة .
خضراء جميلة .
طبعا الخليجيين فيها قليلين .
طبعا سكان هذي الولاية من اصول اسكندنافيه ( نرويج السويد ..) راقين في التعامل متفهمين للوضع سهل التعرف والصداقة منهم .
طبعا في كل ولاية يصير فيها الصالح والطالح .
لكن ولله الحمد الى الان وضعي تمام واموري ماشيه كما الله يريد .
طبعا اسغرقت الرحلة من مطار الرياض الى جدة ساعة ونصف وجلسنا في مطار جدة تقريبا ساعة ونصف ومن ثم من جدة الى نييورك 14 ساعة . وكانت ممتعة جدا .
من مطار نييورك الى التوين ستي ( مينيابلوس وسينت بول ) عاصمة ولاية مينيسوتا 3 ساعات .
الطقس حاليا يتراوح من 75 الى 90 فهرنهايت ممطر بعض الايام .
اما بالنسبة لردة الفعل فبودي ان اخاطب كل واحد فيكم بهذا الكلام الهام جدا :
اخواني احداث سبتمبر ليسة بالسهلة او الهينه على الشعب الامريكي ( بل تكاد تكون عيارة او طنزه لهم ) وهم لايرضون ابدا بذالك مثل نحن لا نرضى ان يتطنز او يشتمنا احد من الناس .

فلا تجيب طاري هاليوم المشؤم عندهم ولا كأنك تدري .

واذا هم جابوه لك لازم تكون عاقل وتقول مثلا انا تحزني هالسالفة وبصراحه انا ما ارضا بهذا الشي لانه لايقبله مايقبلة الانسان العاقل ومثل مأنتم حزنانين احنا كمان حزنانيين وتعرفون انا كل دولة يصير فيها الصالح والطالح وأنا ديننا الإسلام ينبذ مثل هذا الفعل ومن هالكلام ...
وبالنسبة اذا احد سألني وين انا منه اقوله اني سعودي بكل فخر .
ومثل ماقلتلكم اللي واثق من نفسه واثق من نفسه ( واثق الخطوة يمشي ملكا ) .

سؤال مختصر
الي يبي يدرس لغه سنه كامله بمنيسوتا
كم تكلفه؟؟ بحدود كم بناء على تجربتك شامله الرسوم الجامعيه والسكن مع عائله
وباي جامعه انت؟
وشكرا
والله يوفقك وترجع سالم غانم

كم الكلفة الاجمالية
من تذاكر طيران الى مصاريف المعهد والسكن .. الى المصروف اليومي
يعني كم بتطلع تقريبا
ولمدة كم
اذا مافي احراج طبعا

ممكن نعرف عن دراستك في الرياض التخصص والسنة وفي اي جامعة .... لاتكون معانا...!!!
تحياتي